Miqueas 6:12 - Biblia Enxet

¹² Apyókxoho kelwesse'e apheykha nak se'e tegma apwányam apnaqtawáseykegkoho m'a apmopyóseka nak; apkelmopwancha'a amya'a nahan apyókxoho apheykha nak ma'a, tén han apkelyexancháseykha chá'a pók.

Miqueas 6:12 ပူးပေါင်းရင်းမြစ်များ

Salmos 120:2

Wesse', hewagkas ko'o teyp nepyeseksa énxet'ák apkelmopwancha'a amya'a, cham'a sexéneykha nak chá'a ekmaso.

Salmos 35:20

Mopmenyeyk elwátésagkok apkello m'a, apmopwancha'a amya'a aqsa chá'a etnahagkok elxénagkok ma'a énxet'ák meyke nak apkello negókxa';

Salmos 78:36

Kaltaqmalmakha axta chá'a apkelpeywa, atsek axta chá'a katnehek apkelpeywa etnahagkok apkelmopwancha'a amya'a,

Isaías 1:23

Élyennaqte apkelwáxok ma'a kelwesse'e apkelwányam kélagkok nak, énxet'ák élmasagcha'a apkeltémakxa nahan ma'a apkelxegexma'a. Meltaqheksók nahan elxawagkok selyaqye m'a apyókxoho nak, etegyagkok nahan yaqwayam nak kólmésagkok aqsa chá'a m'a aqsok kelméyáséyak naqsa nak. Meltaqmelchessásekxeyk ekheykha m'a élyeheykha nak, megkalyetnakhaksók nahan apkelwáxok ektémakxa nak ekheykha m'a kelán'a xentampe'e nak.

Isaías 3:8

Naqsók kéltegkesa m'a Jerusalén, keñe Judá kéltawáseyncha'a, hakte cham'a ekxénamaxchexa chá'a aqsok énmexma nak Wesse' egegkok ma'a tén han élánamáxchexa chá'a m'a aqsok eklókassamo nak wesse'.

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Jeremías 9:8

Máxa yágke aktek segaqhamól'a m'a apkelpeywa nak, apkelmopwancha'a amya'a chá'a etnahagkok. Kaltaqmalmakha chá'a apkelpeywa elának apnámakkok, keytna katnehek apkelwáxok yaqwánxa etnéssesek.

Oseas 7:1

peyk agkok chá'a ko'o altaqmelchessók énxet'ák ahagkok nak Efraín, tén han ma'a Samaria, ótak chá'a melya'assáxma, tén han ma'a apkeltémakxa ekmaso nak. Hakte apyókxoho aptamheykegkok apkelmopwancha'a amya'a; máxa apkelmenyexma aptamheykegkok apkelántaxnama chá'a m'a tegma, tén han apkelyementamoma chá'a aqsok apagkok énxet'ák ma'a ámay.

Oseas 7:13

“¡Asagkek sa' katnehek ektáhakxa eñama seyamasma! Káhapwak sa' kélmassésseyam, hakte élenmexeykekxeyk ko'o. Émenyeyk eykhe ko'o alwagkasek teyp ma'a, apkelmopwancha'a amya'a eyke chá'a aptamheykegkok sénmexma ko'o.

Amós 2:4

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Judá, megkatnehek sa' mallegassáseykegkoho; hakte aptaqnagkamchek ma'a nélxekmowásamáxche ahagkok, ko'o sektáha nak Wesse' apagkok, melyaheykekxak ma'a segánamakxa ahagkok nak, apkelpeykessamók aqsa chá'a m'a kéleykmássesso apkelpeykessamo axta chá'a m'a apyapmeyk nano'.

Amós 6:4

Kélheykegkek aqsa m'a néten taháno éltaqmalma élánamáxche nak yánnapóxeg apma'ák kélnáxegkáseykha, kólhagkok chá'a m'a néten nak ekpayhakxa, neyseksa kéllánéyak kélessawássessamo; kóltawagkok chá'a m'a nepkések apketkók apnaqmele, tén han ma'a weyke étkók;

Sofonías 1:9

Allegássesagkohok sa' nahan apkelnextega nak chá'a néten elántépok átog xa ekhem nak, tén han apsawheyáseykekxoho nak chá'a kelwesse'e apagkok apxanák ma'a negyennaqteyáseykha nak egyempehek tén han nélyexancháseykha egmók.”

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.