Miqueas 6:1 - Biblia Enxet

¹ Kóleyxho kaxwók kéxegke aptáhakxa nak appeywa Wesse' egegkok: “¡Etnamha, exén kaxwók aqsok apmáheyo exének naqta'awók egkexe, keyxhok sa' appeywa exchep ma'a xóp élekhahéyak!”

Miqueas 6:1 ပူးပေါင်းရင်းမြစ်များ

Salmos 50:1

Appaqmetchek Wesse' egegkok, cham'a Dios apteme nak néten ekyókxoho m'a aqsok kéláyókxa; apkelwóneyha apheykha nak keso náxop, cham'a teyapmakxa ekhem nak, tén han ma'a taxnegwánxa ekhem.

Salmos 50:4

Apkelwóneyha Dios néten, tén han xapop, apkeltamho katagkohok apmáheyo elyekpelchásseshok ma'a énxet'ák apagkok, cham'a aphamakxa nak netnók agko':

Isaías 1:2

Néten tén han náxop, kóleyxho aptáhakxa nak appeywa Wesse' egegkok: “Éktegkessegkek ko'o kélketchek ekwokmoho aptamhágko apkelwányam, keñe sénmexeykekxo.

Isaías 3:13

Apkelánekxeyk aptáhakxa Wesse' egegkok yaqwayam elyekpelkoho', appenchessek aptáhakxa yaqwayam elyekpelchásseshok ma'a énxet'ák apagkok.

Jeremías 13:15

¡Israelitas, appaqmetchek Wesse' egegkok! Nágkóleyxkoho aqsa, kóltaqmelchesho sa' kélháxenmo.

Jeremías 22:29

¡Xapop; keyxho Wesse' egegkok appeywa!

Ezequiel 36:1

Énxet, eltennés sa' sektáhakxa ko'o sekxeyenma m'a meteymog élekhahéyak nak Israel, yána sa' keyxhok ma'a sekpeywa.

Ezequiel 36:8

Keñe sa' kéxegke, meteymog élekhahéyak nak Israel kasawhekxohok sa' yámet élyawe yetlo ekxámokma ekyexna yaqwayam sa' etawagkok ma'a énxet'ák ahagkok Israel, cham'a eyágketo nak makham yaqwayam elwata'.

Ezequiel 37:4

Tén axta aptáha seyáneya Wesse' egegkok se'e: “Eltennés sa' yaqwánxa ko'o atnéssesek se'e kélexchakkok nak. Etne sa' elának se'e: ‘Kélexchakkok élyamaye, kóleyxho sa' se'e Wesse' egegkok appeywa nak.

Ezequiel 6:3

Sa' etnehek elának se'e: ‘Egkexe Israel, kóleyxho aptáhakxa exchek Wesse' egegkok apkelxénagko m'a egkexe tén han ma'a egkexe yámnáxap'awo nak, tén han ma'a wátsam nak tén han ma'a élyapwátegweykenxa nak xapop: Wáphaksek sa' ko'o kempakhakma kélnepyeseksa kéxegke, wának sa' kólmasséssessók ma'a néten kélpeykessamókxa chá'a aqsok kéleykmássesso.

Amós 3:1

Israelitas, kóleyxho aptáhakxa nak appeywa Wesse' egegkok apkelxéna kéxegke, ektáha axta apkelántekkesso m'a Egipto:

Miqueas 1:2

Kóleyxho sa' se'e, énxet'ák kélyókxoho nak; kóltaqmelchesho sa' kélháxenmo s'e kélyókxoho kélheykha nak ekyókxoho apchókxa: Elxénchásekxohok sa' kéltémakxa kéxegke Wesse' egegkok ma'a aphakxa nak tegma appagkanamap aptaqmalma apagkok.

Miqueas 1:4

Kalpayhekxak sa' chá'a egkexe apkelteyagwánxa enxoho ektémól'a pápa' kólpekkenek ma'a nátex, kalmayhekxak sa' chá'a neyseksa m'a élyapwátegweykenxa nak xapop, ektémól'a yegmen ényé ekyennaqte élpexyaweykental'a.

Miqueas 5:15

Yetlo seklo sa' ko'o ayaqmagkásekxak setnéssessamakxa m'a pók aptémakxa énxet'ák, mehelyaheykekxa nak.”

Miqueas 6:2

Kéxegke egkexe, kóleyxho sa' se'e tén han xapop awhak: peyk elyekpelkohok kaxwók Wesse' egegkok énxet'ák apagkok, peyk eltennaksek aqsok élsexnenagko m'a énxet'ák Israel.

Deuteronomio 32:1

“Néten, keyxho sa' sekmako nak ko'o altennaksek; xapop, kañoho sa' sekpeywa.

Deuteronomio 4:26

ekpekkenchek ko'o sakhem néten tén han náxop yaqwayam katnehek ekweteykegkoho, kaxwók sa' kólmassegwók kéxegke m'a apkelókxa yaqwánxa nak kólmok, cham'a neyp wátsam Jordán nak. Megkawegqók sa' kélheykha m'a xapop nak, kólmasséssók sa' kélyókxoho.

1 Samuel 12:7

Kóllánekxa sa' kaxwo' kéltáhakxa', altennásekxohok sa' ko'o kéxegke nápaqtók Wesse' egegkok ekyókxoho ektaqmela apteméssessamakxa nak chá'a kéxegke, tén han ma'a kélyapmeyk nanók axta.

1 Samuel 15:16

—¡Ewanma', altennaksek sa' ko'o exchep aptáhakxa exchek seyáneya Wesse' egegkok axta'a exchek! —axta aptáhak apchátegmowágko Samuel. —Héltennés —axta aptáhak apchátegmowágko Saúl.