Miqueas 4:9 - Biblia Enxet

⁹ ¿Yaqsak ektáha ekpayhencha'a nak apátog? Máxa aptáhak ma'a kelán'a ekmáskel'a awáxok kamáwhok katnehek naqláwa. ¿Meyke wesse' apwányam apagkok enxeykel'a keñamak? ¿Enxeykel'a keñamak apkeletsapma m'a appaqhetcháseykha nak chá'a?

Miqueas 4:9 ပူးပေါင်းရင်းမြစ်များ

Isaías 13:8

elyegwáwhok apagko' sa'. Káhapwak sa' ekyawe agko' apkelyegwakto tén han apkellegeykegkoho ekmáske, máxa sa' etnahagkok elpexyawha m'a ektémól'a kelán'a káskok awáxok kamáwhok katnehek naqláwa. Égweyk sa' aqsa chá'a elanok ma'a pók, kalyexwásekxak sa' nápaqta'a apkelmegqakto.

Isaías 21:3

Élpexyennegkessek ko'o sekwet'a, éttelegwáseyha ekmáske, máxa ektáhak ma'a ektémól'a kelán'a káskok awáxok kamáwhok katnehek naqláwa, meheñásak ektemegweykmohóxma m'a seklegeykegkoho ekyentaxnamo ewáxok, mehéteyásak aqsok ma'a sekyegwakto.

Isaías 26:17

Wesse', máxa kelán'a lóso' nentamheykegkok negko'o nápaqtók xép ketók ekmaheyókxal'a katnehek naqláwa, ekyettelegweykhal'a, ekpayheykhal'a átog kañegkohok ekmáske.

Jeremías 22:23

Tásek eyke kaxwók kéxegke kélheykha neyseksa yenta'a, neyseksa m'a yámet cedro éleñama nak kélseykenta m'a Líbano, ¡kóllegagkohok sa' eyke, ekwa'a sa' kéllegeykegkoho ekmáske, kóllegagkohok sa' ekmáske ektémól'a kelán'a katnehek naqláwa!”

Jeremías 30:10

“Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle'; Israel, ná égwe', hakte atekkesek sa' ko'o exchep se'e apchókxa makhawók agko', kélchexakhagweykenxa axta kélántekkessama yetlo aptawán'ák neptámen. Meyke ektáhakxa kélheykha sa' katnekxak makham, tén han ektaqmalma, meyke xama aqsok enxoho yaqwayam kalyegwakkasha.

Jeremías 4:21

¡Yaqsa sa' kexa ekhem katnégwók néxa sekwete m'a bandera kélchexanma nak néten, tén han seklege ekpáwà m'a kélaqkahasso nak!

Jeremías 4:31

Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Jeremías 48:41

Emok sa' apkelenmexma m'a tegma apkelyawe nak, tén han ma'a tegma apkelyennaqte nak. Elpexyennók sa' kempakhakma yapmeyk Moab xa ekhem nak, máxa sa' etnahagkok ma'a kelán'a ekmáheyól'a katnehek naqláwa.

Jeremías 50:43

Apkelyelqákpek axta aqsa nahan apleg'a amya'a m'a wesse' apwányam Babilonia eñama apkeye, aplegágkók axta ekyentaxno apwáxok, tén han ekmáske, máxa axta aptáhak ma'a kelán'a ekmáheyól'a katnehek naqláwa.

Jeremías 8:19

Legáxkók apkelápentegeykha apkellegeykegkoho ekmáske énxet'ák ahagkok ma'a ekyókxoho apheykegkaxa nak énxet: “¿Masséya apha Wesse' egegkok ma'a Sión? ¿Masséya apha wesse' apwányam apagkok ma'a?” Aptáhak axta apchátegmowágko Wesse' egegkok se'e: “¿Yaqsa ektéma séllókassama nak kélpeykessamo m'a kéleykmássesso, cham'a aqsok kéláyókxa ekteme nak mékcha'awo tén han éleñama mók nekha?”

Lamentaciones 4:20

Apmomakpek ma'a Wesse' egegkok apkelyéseykha nak, sẽlwasqakkáseykekxoho axta chá'a, cham'a wesse' apwányam nentéma axta chá'a agának se'e: “Aghakha sa' chá'a negko'o aphakxa exchep nepyeseksa énxet'ák yaqwayam hẽlmeyók chá'a”.

Oseas 10:3

Keñe sa' kaxwók xa énxet'ák nak etnehek elpaqmétek se'e: “Méko kaxwók wesse' apwányam egagkok, hakte massegkek negáyo m'a Wesse' egegkok. ¿Yaqsa elának xama wesse' apwányam yaqwayam hempasmok negko'o?

Oseas 13:13

Wokmek ekhem yaqwánxa etyapok Israel, makke ey'ásegkok ma'a yaqwánxa enxoho etyapok, hakte ekyeyháxma apagko'.

Oseas 3:4

Ahóxek sa' katnehek meyke wesse' apwányam apagkok ma'a israelitas, tén han meyke apkemha apmonye' apagkok, keñe han meyke apkelnapma chá'a aqsok apnaqtósso, tén han meteymog élpagkanamaxche', tén han meyke apkelnaqta apkelmeykegko nak chá'a apkelmaxnéssesso Dios énxet'ák apagkok, tén han kéleykmássesso étkók ma'a apxanák nak.

Miqueas 5:3

Apkexakhamchek eyke kaxwók Wesse' egegkok ma'a ektáha nak énxet'ák apagkok, ekweykmoho sa' ektáha naqláwa m'a kelán'a élhaxanma nak kategkesek étche apkenna'. Keñe sa' kólpáxaqteyásekxak makham ma'a apchókxa xamo' nak israelitas, kélnaqleykekxa axta megkatnahakxa apkelókxa.