Miqueas 3:3 - Biblia Enxet

³ Kélteykegkek yetlo apaqta'ák énxet'ák ahagkok; kélhaxyawássessegkek apyempe'ék, keñe kélekkexchessama apexchakkok; máxa kélteméssessók ma'a ápetek kélmáheyól'a kólxatmok weygke.

Miqueas 3:3 ပူးပေါင်းရင်းမြစ်များ

Salmos 14:4

Máxa meyke apkelya'áseyak aqsok aptamheykegkok ma'a élmasagcha'a nak apkeltémakxa, máxa apteméssessók énxet'ák ahagkok ma'a énxet aptól'a pán, melmaxnagko nak chá'a m'a Wesse' egegkok.

Salmos 27:2

Apchaqnákxeyk agkok yaqwayam hektámegmak ma'a élmasagcha'a nak apkeltémakxa, sélenmexma nak, tén han apmako enxoho hemasséssók, elpelapmok sa' apagkok elyaqnenagkok ma'a.

Proverbios 30:14

Yetneyk énxet ekho nak sókwenaqte m'a apma'ák nak, tén han sawo m'a awhók apma'ák nak, yaqwayam emasséssók ma'a ekha nak chá'a eyeyméxchexa aqsok ma'a aphágkaxa, tén han ma'a meyke nak aqsok apagkok.

Isaías 3:14

Apkelyekpelchássásawók sa' agkok énxet'ák ma'a Wesse' egegkok, sa' etnehek elának énxet'ák segyekpelchémo nak tén han apkelámha apmonye'e nak apchókxa s'e: “Kéltawáseykha kéxegke m'a anmen yámet séneykekxa; kélmenyexcháseykegkek aqsok apagkok ma'a énxet'ák meyke nak aqsok apagkok, kélxátaweykekxeyk kañe' kélxanák ma'a aqsok kélmenyexéyak nak.

Isaías 3:15

Megkólwanchek agko' kéxegke kólnaqtawasagkohok énxet'ák ahagkok, tén han kólteyágkasha chá'a nápaqta'a m'a énxet'ák meyke nak aqsok apagkok.” Cháxa aptáhakxa axta Wesse' ekha nak apyennaqte xa.

Ezequiel 11:3

Etnehek chá'a elpaqmétek se'e: ‘Yehémek sa' annaqxétekhasagkokxak makham tegma. Tásek sa' eyke katnehek negheykha s'e, ektémól'a ápetek keytek ma'a kañe' weygke apwáxok.’

Ezequiel 24:4

exátem sa' nahan ápetek kélyaqtennéyak ma'a kañe' nak, eywok ápetek kélyaqtennéyak ekmele nak tén han ma'a akpok ápetek, tén han ma'a axchakkok eknaqmele nak.

Amós 8:4

Kóleyxho s'e, kéxegke kélnaqtawáseykegkoho nak chá'a m'a apkelmopyóseka nak, tén han kéltawassáseykha nak chá'a apheykha m'a meyke nak aqsok apagkok ma'a kélókxa;

Miqueas 2:8

Kélenmexma kaxwók kéxegke kéltamhákxak ma'a énxet'ák ahagkok. Kélyementameykegkek apkelnaqta apkeltaqmalma m'a apkelweykta axta makham apkelenyeykta m'a kempakhakma, cham'a élxeyenma axta apkelwáxok apkelwagkáseykpo teyp.

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.