Miqueas 2:8 - Biblia Enxet

⁸ Kélenmexma kaxwók kéxegke kéltamhákxak ma'a énxet'ák ahagkok. Kélyementameykegkek apkelnaqta apkeltaqmalma m'a apkelweykta axta makham apkelenyeykta m'a kempakhakma, cham'a élxeyenma axta apkelwáxok apkelwagkáseykpo teyp.

Miqueas 2:8 ပူးပေါင်းရင်းမြစ်များ

2 Samuel 20:19

Méko apkello énxet'ák tegma apwányam egagkok, apkelwanmeyeykha aqsa, melyamasmak han ma'a Israel, ¡apkemha apmonye' apagko' nahan! Apmakók eyke exchep emasséssók. ¿Yaqsa ektáha apmako nak emasséssók ektáha nak Wesse' egegkok apagkok?

Salmos 55:20

Apkelxegexma'a apagko' apkenmexeykekxa'; meláneykegkok ma'a aptémakxa axta apkelpaqmeyesma yaqwayam elásekhakpoho'.

Isaías 9:21

Apmasséssekmek Manasés ma'a Efraín, keñe Efraín apmasséssekmo m'a Manasés, cháxa apketámeykegko nak Judá xa apqánet nak. Makke kamassak makham aplo m'a Wesse' egegkok; xénchek makham apwáxok ellegássesagkohok xa énxet'ák nak.

Jeremías 12:8

Cháxa énxet'ák, aptáha axta ko'o ahagkok, máxa yámakméwa ekleykhal'a naxma kaxwók aptamhákxak sélano; apkelyexweyweyha sélano, cháxa keñamak séltaqnawaya nak.

Miqueas 3:2

Kéltaqnagkamchek kéxegke m'a aqsok ektaqmela nak, keñe kélásekhayo m'a aqsok ekmaso nak; kélhaxyawássessegkek apyempe'ék ma'a énxet'ák ahagkok, yáxña'akxoho kélnegkencháseykekxak apexchakkok.

Miqueas 3:3

Kélteykegkek yetlo apaqta'ák énxet'ák ahagkok; kélhaxyawássessegkek apyempe'ék, keñe kélekkexchessama apexchakkok; máxa kélteméssessók ma'a ápetek kélmáheyól'a kólxatmok weygke.

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.

Miqueas 7:3

Apwancha'ak elanagkok ma'a aqsok ekmaso; eltamhok chá'a elxawagkok ekyánmaga m'a wesse' apkeláneykha nak, elmok chá'a takha' kólmések selyaqye yaqwayam mepékesók aqsok apkelxeyenma m'a énxet'ák segyekpelchémo nak, elanagkok chá'a ekxénakxa enxoho chá'a apkelwáxok elanagkok ma'a kelwesse'e nak, etwássesha chá'a apkeltémakxa énxet'ák ma'a tegma apwányam.