Miqueas 2:7 - Biblia Enxet

⁷ ¿Apkeltaqnómakpek enxeykel'a m'a Jacob énxet'ák apagkok? ¿Aplamchek enxeykel'a kaxwók ma'a Dios? ¿Keya aptémakxa Dios elának aqsok xa? ¿Megkataqmalmakhaya chá'a appeywa elának ma'a ekpéwo nak aptémakxa?

Miqueas 2:7 ပူးပေါင်းရင်းမြစ်များ

Salmos 119:65

Wesse', tásek xép setnéssessamakxa ko'o sektáha nak apkeláneykha, ekhawo ektémakxa nak xép appeywa.

Salmos 119:68

Tásek xép apwáxok, aqsok ektaqmela nahan chá'a elána'; ¡hélxekmós ko'o segánamakxa apagkok!

Salmos 15:2

Wánxa m'a énxet apkeláneyo nak aptémakxa ektaqmela, apkeláneyo nak nentémakxa ekpéwomo, apxeyenmo nak amya'a ekmámnaqsoho ekweykmoho kañók agko' apwáxok;

Salmos 18:26

exekmóshok eyke chá'a exchep apteme eyáxñeyo aptémakxa m'a énxet eyáxñeyo nak aptémakxa, ey'asagkohok eyke chá'a exchep aptémakxa m'a énxet apmopwána nak appeywa elának pók.

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Proverbios 10:29

Elmeyók chá'a Wesse' egegkok ma'a énxet'ák apkeláneyak nak aqsok ektaqmela, emasséssók eyke chá'a m'a énxet'ák apkeláneyak nak chá'a aqsok ekmaso.

Proverbios 10:9

Méko xama aqsok katnehek apkekakxa m'a meyke nak aptémakxa'; keñe m'a énxet ekmaso nak aptémakxa', kataxchek chá'a ektémakxa aqsok ekmaso apkelane.

Proverbios 14:2

Apcháyo chá'a etnehek Wesse' egegkok ma'a ekpéwomo nak aptémakxa'; ewanyaha eyke chá'a m'a ekmaso nak aptémakxa'.

Proverbios 2:7

Epasmok chá'a Wesse' egegkok ma'a énxet'ák élpéwomo nak apkeltémakxa', elmeyók han chá'a m'a meyke nak aqsok ekmaso apkeláneyak;

Proverbios 28:18

Ewagkasakpok sa' teyp ma'a énxet meyke aptémakxa', aqsok ekmaso sa' eyke káhapwak ma'a énxet ekmaso nak aptémakxa'.

Isaías 50:2

¿Yaqsa axta ektéma móteya ko'o xama énxet sekxók axta sekwaya? ¿Yaqsa axta ektéma méko seyátegmoweykegko m'a sélwóneykencha'a axta? ¿Kélanagkamcheya axta ko'o mowanchek alwagkasek teyp? ¿Kélanagkamcheya axta ko'o mowanchek alántekkesek neyseksa aqsok ekmaso? Megkatnohók ko'o apaqhetchesek altamhok keymék ma'a wátsam ekwányam nak tén han wának katnekxak ekyamayéxma m'a wátsam nak; yaqwayam enxoho kaletsapok hem át'ák ma'a kelasma tén han kaltahápok eñama meyke yegmen.

Isaías 58:1

Aptáhak ko'o seyáneya Wesse' egegkok se'e: Elpáxamha ekyennaqte agko', meyke apkeye, nágyés epaqmétek ektémól'a kapáwak ma'a xama kélaqkahasso; elxénchásekxoho apkeltémakxa ekmaso m'a énxet'ák ahagkok, apkeltémakxa melya'assáxma m'a Jacob énxet'ák apagkok.

Jeremías 15:16

Epaqhetchessek axta agkok chá'a exchep, ataqmelcheshok axta chá'a ko'o sekháxenmo; hakte cha'a ekteme ko'o sepeykessáseykekxa chá'a ewáxok ma'a, tén han segkésso ekmátsa ewáxok, hakte ko'o apagkok xép Wesse' Dios ekha nak apyennaqte.

Jeremías 2:4

Kóleyxho Wesse' egegkok appeywa, Jacob aptawán'ák neptámen, tén han kélyókxoho Israel aphawóxama.

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Miqueas 3:9

Kóleyxho sa' kaxwo' se'e, kelwesse'e, tén han apkelámha apmonye'e nak Israel, kéltaqnagko nak chá'a m'a nentémakxa ekpéwomo, kélyetnakhásseyam nak chá'a ekyókxoho m'a aqsok ekpéwomo nak,

Zacarías 4:6

Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte.

Números 11:23

Aptáhak axta Wesse' egegkok apchátegmowágkokxo s'e: —¿Ketséya apkenagkók xép sekmowána? Étak sa' kaxwo', katnehek sa' kexa m'a sekxeyenma nak chá'a katnehek, essenhan megkatnehe'.