Miqueas 2:10 - Biblia Enxet

¹⁰ ¡Kólchempekxa néten! ¡Kólxeg! Háwe néllókassamakxa negyampe s'e; kólmasséssók sa' meyke eyeymomáxche eñama ekyetno élánamáxche aqsok ekmaso m'a kañe'.

Miqueas 2:10 ပူးပေါင်းရင်းမြစ်များ

1 Reyes 9:7

alántekkesek sa' ko'o Israel ma'a xapop sekméssamakxa axta, alyetnakhaksek sa' sekhakxa tegma appagkanamap sekteméssessama axta appagkanamap, apkelasmésamap sa' atnéssesek Israel nepyeseksa m'a apyókxoho pók aptémakxa énxet'ák nak.

2 Reyes 15:29

Apwokmek axta Tiglat-piléser, wesse' apwányam nak Asiria, aptémakxa axta wesse' apwányam Israel ma'a Pécah, apkelmeyk axta m'a tegma apkelyawe nak Iión, Abel-bet-maacá, Janóah, Quedes, Hasor, Galaad, Galilea keñe han ma'a ekyókxoho yókxexma nak Neftalí. Keñe axta m'a apheykha nak kañe' apkelmoma apnaqleykekxo m'a Asiria.

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

2 Crónicas 7:20

alántekkesek sa' ko'o kéxegke s'e xapop sekméssamakxa nak, alyetnakhaksek sa' sekhakxa tegma appagkanamap, sekteméssessama axta appagkanamap, kélasmésamaxche sa' atnéssesek nepyeseksa m'a apyókxoho pók aptémakxa énxet'ák nak.

Salmos 106:38

Apkelnapmeyk axta m'a meyke nak éltémakxa, cham'a apketchek apkelennay'a nak, tén han kelwán'ák, apkelméssegkek axta chá'a m'a aqsok kéláyókxa nak Canaán. Kenyetséssegkek axta xapop ma'a éma agkok nak,

Salmos 95:11

Axta keñamak ko'o sekxeyenma naqso' yetlo seklo peya melántexek ma'a sekmáheyókxa nak allókassesek apkelyampe énxet'ák.”

Jeremías 10:18

Hakte aptáhak Wesse' egegkok se'e: Makhawók sa' ko'o kaxwók akxakhagwók énxet'ák apheykencha'a nak se'e apchókxa nak. Atwássesha sa' apheykha, lapmaxcheyk sa' kexaha héteyekxak ektáha enxoho xa ektáha nak.

Jeremías 3:2

“Kanmexekxoho hana egkexe éláxñeyo nak, kataqmelchesho sa' élányo: ¿háxko megkalánegweykenxa exche' ektémakxa megkamasexta? Kaxek chá'a exche' nekha ámay kaleyxek élásekhayókxa, aptamheykegkól'a árabe m'a yókxexma meykexa nak énxet. Kenyetséssegkek apchókxa ektémakxa megkamasexta, tén han ektémakxa ekmaso.

Jeremías 9:19

Wokmók Sión eklegamaxche nélápentegeykha néllegeykegkoho ekmáske: ¡Negko'ol'aye nennaqtawásexche'! ¡néllegagkók nélmegqakto! Agyenyók sa' negókxa, hakte kélpalchessek ma'a enxanák.

Ezequiel 36:17

“Apkenyetséssegkek axta eñama apkeltémakxa ekmaso israelitas ma'a apheykegkaxa axta kañe' xapop apagkok. Ekhéssamok axta ko'o ektémakxa apheykha m'a ektémól'a aqsok ekmanyása agko' la'a.

Ezequiel 36:19

éxpánchessegkek axta ko'o sélya'assama m'a mók apkelókxa tén han nepyeseksa nak ma'a pók aptémakxa énxet'ák, séllegassáseykegkoho eñama m'a apkeltémakxa ekmaso.

Deuteronomio 12:9

Makke kólwokmok makham kéxegke m'a yókxexma meykexa nak ektemegweykmohóxma apmáheyókxa nak egkések ma'a Dios Wesse' kélagkok.

Deuteronomio 30:18

éltennássek ko'o kéxegke sakhem naqsók sa' kóletsapok, megkawegqók sa' kélheykha m'a apchókxa yaqwánxa sa' kólmok natámen kélyekheykekxa m'a neyp wátsam Jordán nak.

Deuteronomio 4:26

ekpekkenchek ko'o sakhem néten tén han náxop yaqwayam katnehek ekweteykegkoho, kaxwók sa' kólmassegwók kéxegke m'a apkelókxa yaqwánxa nak kólmok, cham'a neyp wátsam Jordán nak. Megkawegqók sa' kélheykha m'a xapop nak, kólmasséssók sa' kélyókxoho.