Miqueas 2:1 - Biblia Enxet

¹ ¡Énxet'ák la'aye, élxéneykha nak apkelwáxok elanagkok aqsok ekmaso neyseksa aphéyak apkelyetnamakxa néten, kelsakak agkok, elanagkok chá'a m'a élxeyenma nak apkelwáxok elanagkok, hakte yetneyk apmopwancha'a elanagkok!

Miqueas 2:1 ပူးပေါင်းရင်းမြစ်များ

Génesis 31:29

Ewanchek xeykhe ko'o atnéssessamhok exma ekmaso kélyókxoho kéxegke, apyáp Dios apagkok xeyke epaqhetchásak ko'o axta'a exchek, aptáha seyáneya s'e: ‘Ná epaqhetches aqsa ekmaso Jacob.’

1 Reyes 21:7

Keñe axta ektáha eyátegmowágko m'a aptáwa' Jezabel: —¡Xép neykhe wesse' apwányam Israel! Exnekxa néten, etaw apto, elánekxa apwáxok. ¡Agkések sa' ko'o exchep ma'a apkeneykekxexa nak anmen yámet ma'a Nabot!

Ester 3:8

Tén axta Amán aptáha apcháneya wesse' apwányam Asuero s'e: —Wesse', yetneyk chá'a énxet mepáxaqwayam megkatnahakxa nak chá'a appeywomo xamók ma'a ekyókxoho apchókxa aptémakxa nak chá'a exchep wesse' apwányam; megkaxnawok nahan segánamakxa apagkok ma'a pók énxet'ák nak, melyahakxeyk nahan chá'a m'a apchánamakxa nak chá'a antéhek xép, wesse'. Megkataqmelak ellenxanmagkohok apheykha kañe' apchókxa aptémakxa nak chá'a exchep wesse' apwányam xa énxet'ák nak.

Ester 5:14

Tén axta m'a aptáwa' ektáha eyáneya s'e tén han ma'a apyókxoho apkelxegexma'a: —Yána sa' kólánchessesek yámet élwenaqte yetlo ektegyésso néten, ekweykmoho veintidós metros ekwenaqte ekmahéyak ma'a néten, tén sa' saka axto'o agko' elmaxnak wesse' apwányam kólmakhésha néten ma'a Mardoqueo. Keñe sa' apwanchek emhagkok yetlo meyke ektáhakxa apwáxok yetlo wesse' apwányam ma'a élánéxchexa nak ektámaxche ekyawe. Leyawók axta apwáxok Amán xa amya'a nak, apkeltamhók axta kalanaxchek ma'a yámet élwenaqte.

Ester 9:25

Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.

Job 15:35

Kelláneykegkók apkelwáxok ma'a apkeltémakxa ekmaso, aptekkessegkek ma'a ekmaso nentémakxa; wánxa ekxeyenma apkelwáxok chá'a elyexanchesha pók.

Job 24:14

Amonye' élseye chá'a exatakhak ma'a ekyetno nak apyógkexma, yaqwayam yaqhek ma'a énxet meyke nak aqsok apagkok, keñe axta'a etnekxak chá'a apmenyexma.

Salmos 36:4

Apyetneyk agkok chá'a néten apyetnamakxa, kaxének chá'a apwáxok elának aqsok ekmaso, yennaqtegkek aptémakxa ekmaso, mopmenyeyk elwataksek apkelane aqsok ekmaso.

Salmos 36:5

Wesse', weykmók eyke exchep segásekhayo m'a néten, weykmók ektémakxa mehenyenyaweykha m'a yaphope ekyápaqmate nak.

Salmos 58:3

Nanók aptamhéyak élmasagcha'a apkeltémakxa m'a élmasagcha'a nak apkeltémakxa, apheykegkaxa axta m'a egken awáxok, nanók han aptamhéyak apkelmopwancha'a amya'a, amonye' appalleyam axta m'a apkelmopwancha'a amya'a nak.

Proverbios 12:2

Yásekhohok chá'a Wesse' egegkok ma'a énxet ektaqmalma nak aptémakxa', eñássesagkohok eyke chá'a m'a énxet ekmaso nak élchetámeykha apwáxok.

Proverbios 14:22

Elxegánegwók chá'a ámay apagkok ma'a énxet'ák apmáheyo nak chá'a elanagkok aqsok ekmaso; keñe m'a énxet apmáheyo nak chá'a elának aqsok ektaqmela, yásekhakpohok chá'a, kólpasmaha han.

Proverbios 3:27

Epásem chá'a m'a ekha nak eyeyméxchexa aqsok, ná emyágwakxa chá'a apkepwagko enxoho epasmok.

Proverbios 4:16

hakte menaqtének chá'a axta'a melánegko enxoho aqsok ekmaso m'a; megkalnáphek tén ma'a metnéssessekmoho enxoho chá'a exma ekmaso xama énxet.

Isaías 29:20

Esawhohok sa' ma'a énxet'ák élyenneykha nak chá'a apkelpeywa, emasséssók sa' ma'a énxet'ák apkeleymákpoho nak, elmassegwók sa' ma'a énxet'ák élxéneykha nak apkelwáxok wánxa elanagkok ma'a aqsok ekmaso,

Isaías 3:14

Apkelyekpelchássásawók sa' agkok énxet'ák ma'a Wesse' egegkok, sa' etnehek elának énxet'ák segyekpelchémo nak tén han apkelámha apmonye'e nak apchókxa s'e: “Kéltawáseykha kéxegke m'a anmen yámet séneykekxa; kélmenyexcháseykegkek aqsok apagkok ma'a énxet'ák meyke nak aqsok apagkok, kélxátaweykekxeyk kañe' kélxanák ma'a aqsok kélmenyexéyak nak.

Isaías 32:7

Keñe m'a énxet apmopwána nak elyexanchesha pók yásenneykxak chá'a m'a ektémakxa nak apmopwána apteme apmopwána amya'a, elánekxak chá'a yaqwánxa etnehek elának ma'a aqsok ekmaso agko' nak; apmopwána amya'a chá'a etnehek etwássesha apheykha m'a énxet'ák meyke nak aqsok apagkok tén han ma'a ekha nak chá'a eyeyméxchexa aqsok ma'a apxanák apkeltémo nak chá'a kóltaqmelchessásekxak apheykha.

Isaías 5:8

¡Kéxegke laye, kélxámáséyak nak kélmà kélxanák, kélxámáséyak nak yókxexma kélagkok, ekweykmoho megkóleygkesa ketsék ma'a kélnámakkok, tén han kélheykha nak ma'a kañe', kélanagko nak kóltáhak wánxa kélxakcha'awók kélagkok ma'a apchókxa!

Isaías 59:3

Tekyawa yapmeyk kéxegke tén han kélnaqtawáseykegkoho chá'a kélnámakkok; kélmowána amya'a chá'a kéltemék, kélxeyenmeyk chá'a m'a aqsok ekmaso nak.

Jeremías 18:18

Aptáhak axta apkelpaqmeta énxet'ák se'e: “Anlánekxak sa' nentáhakxa yaqwayam agmasséssók Jeremías. Megkatnehek eyke chá'a meyke apkelmaxnéssesso Dios énxet'ák apagkok yaqwayam hẽlxekmóssek, apxámok nahan ma'a apkelya'áseyak nak aqsok, yaqwayam hempékessesagkok, tén han Dios appeywa apkellegasso yaqwayam chá'a hẽltennaksek Dios appeywa. Ansexnenak sa', yaqwayam sa' emátog. Mageyxók sa' chá'a m'a aptáhakxa enxoho chá'a sẽláneya.”

Ezequiel 11:2

Aptáhak axta seyáneya Wesse' egegkok se'e: “Keso apkeláneykegkokxo nak chá'a aptamhágkaxa yaqwayam elanagkok aqsok ekmaso agko' se'e tén han apkeláneykekxo nak chá'a apkelpaqmeyesma ekmaso m'a tegma apwányam.

Ezequiel 33:26

Kélásenneykekxeyk chá'a m'a sókwenaqte kélagkok nak, kélláneykegkek chá'a m'a aqsok sektaqnagkamo nak ko'o, kélyókxoho megkóltaqmelchessók ma'a ektémakxa nak élyamhápeyák, ¿kélagkok ya sa' kóltéhek ma'a apchókxa nak?’

Ezequiel 38:10

“Ektáhak ko'o sekpeywa s'e, sektáha nak Wesse': Cháxa ekhem nak, kaxének sa' apwáxok elának aqsok ekmaso.

Ezequiel 46:18

Mopwanchek nahan émentagwók aqsa ektáhakxa enxoho xapop apagkok énxet ma'a wesse' apkeláneykha nak apchókxa. Apkelméssek agkok chá'a apketchek ma'a aqsok apkeltaqmelchessesso nak yaqwayam elmeyásekxa', tásek elmések chá'a m'a ektáhakxa nak chá'a xapop apagkok; keñe sa' méko xama énxet enxoho etnehek meyke nak xapop apagkok, megyexpaqnaha sa' nahan ma'a énxet'ák ahagkok.”

Miqueas 6:12

Apyókxoho kelwesse'e apheykha nak se'e tegma apwányam apnaqtawáseykegkoho m'a apmopyóseka nak; apkelmopwancha'a amya'a nahan apyókxoho apheykha nak ma'a, tén han apkelyexancháseykha chá'a pók.

Nahúm 1:11

Énxet'ák Nínive, kélnepyeseksa kéxegke apkeleñamak apkelánteyapma m'a énxet'ák apkeláneykekxa nak chá'a apkelpaqmeyesma yaqwánxa etnehek yenmexek ma'a Wesse' egegkok: apkeláneykekxa amya'a ekmaso aptémakxa.

Zacarías 7:10

Nágkólnaqtawasagkoho chá'a m'a xentampe'e nak, tén han ma'a élyeheykha nak, tén han ma'a énxet'ák apkeleñama nak mók apkelókxa, tén han ma'a meyke nak aqsok apagkok. Nágkaxén chá'a kélwáxok kólteméssessamhok exma ekmaso kélmók.”

Deuteronomio 28:32

Kélnápaqta'awók sa' kólmések énxet'ák apkeleñama nak mók apkelókxa m'a kélketchek apkelennay'a nak tén han ma'a kelwán'ák nak, yókxoho ekhem sa' eykhe chá'a kóltamhok kólwetekxak ma'a, méko sa' eyke kóltéhek kólwetekxa'.