Malaquías 4:2 - Biblia Enxet

² Keñe sa' kéxegke kélteme nak séláyo ko'o, kalyenmok sa' kélnepyeseksa m'a ektémakxa nak ekpéwomo sektémakxa, ektémól'a ekhem éltátchesso, segméssamól'a ekyennaqte egyempehek hẽltátchesek. Kólnextegmakha sa' néten kéxegke kólátsaha, ektémól'a weyke étkók kelennay'a élánteyapmal'a m'a axanák.

Malaquías 4:2 ပူးပေါင်းရင်းမြစ်များ

2 Samuel 23:4

exhok sa' ma'a ektémól'a katyapok ekhem axto'o, máxa sa' etnehek ma'a ekhem éltátchesso meykel'a yaphope, ektaqmelcháseykekxal'a pa'at natámen ekmámeye.’

Salmos 103:3

Cha'a meyaqmagkáseykekxa ko'o ekyókxoho may'assáxma m'a, tén han setaqmelchesseyam ekyókxoho sekháxamáxche',

Salmos 147:3

Eltaqmelchessásekxak chá'a apkelwáxok ma'a élyentaxno nak apkelwáxok, elpextehetchesagkok han chá'a m'a apkelyense.

Salmos 61:5

Dios ahagkok, aplegayak xép ma'a aqsok sekxeyenma nak alána', élmeyáseykekxeyk nahan ma'a aqsok apkelxawéyak nak chá'a m'a apcháyo nak chá'a apwesey.

Salmos 67:1

Hẽláhapmakha sa' negko'o Wesse' egegkok, hempasmok sa' nahan, kataqmalmakha sa' apwáxok henlano',

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Salmos 85:9

Yahamok chá'a elwagkasek teyp Dios ma'a ektáha nak chá'a apcháyo; keytek sa' chá'a apcheymákpoho s'e negheykegkaxa nak.

Proverbios 4:18

Máxa kaxwe ekteyapma ekhem élsassóxmal'a ámay apagkok ma'a énxet'ák élpéwomo nak apkeltémakxa': kataqmelchesagkohok aqsa kalsaksek exma, ekwokmoho m'a ekyennaqwokmo élsassóxma.

Isaías 30:26

Eltaqmelchessásekxak sa' apkelyense énxet'ák apagkok ma'a Wesse' egegkok, elpextehetchesagkok sa' nahan. Keñe sa' pelten máxa ekhem éltátchesso sa' etnehek apkelsassóxma, keñe sa' ma'a ekhem kayeykhágwomhok agko' sa' élsassóxma, megkaxók sa' ma'a ekweykenxa nak chá'a élsassóxma, máxa sa' katnehek ektáha enxoho siete ekyókxoho éltátchesso ekhéyak ma'a néten.

Isaías 35:6

máxa popyet sa' etnahagkok elnextegmakha néten ma'a énxet'ák élmasagcha'a nak chá'a apyókxa, elwehesha sa' ma'a énxet'ák meyke nak apkelpeywa. Katyapok sa' ekyawe agko' yegmen ma'a yókxexma meykexa nak énxet, ekyamáyekxa nak ma'a xapop.

Isaías 49:6

“Mopwanchek xép etnehek séláneykha wánxa apkelánekxésso apheykha m'a Jacob énxet'ák apagkok tén han yaqwayam enaqlanták makham ma'a énxet'ák Israel apkeleymomap nak meletsapma; atnéssesek sa' nahan ko'o exchep élseyéxma apagkok ma'a apyókxoho pók aptémakxa énxet'ák, yaqwayam sa' eswok nélwagkásamáxche teyp ahagkok ma'a makhawók agko' nak keso náxop.”

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Isaías 53:5

Nentémakxa ekmaso neykékhel'a keñamak kélyensáseykencha'a, nentémakxa élmasagcha'a neykékhel'a keñamak aplegeykegkoho ekmáske; egméssek meyke ektáhakxa egwáxok ma'a ektémakxa axta kéllegassáseykegkoho, apkelyense keñamak néltaqmelwokmo.

Isaías 9:2

Apkelwet'ak ekyawe agko' élseyéxma m'a énxet'ák apkelweynchámeykencha'a nak ekyáqtésakxaxma; xama élseyéxma élsássessóxma m'a énxet'ák apheykencha'a nak ekyaqtéssamakxa agko' exma.

Jeremías 17:14

Wesse' hetaqmelchessem ko'o, keñe sa' ataqmelwók; hewagkas ko'o teyp, keñe sa' awagkasaxchek teyp, hakte xeyep apwánxa apagkok chá'a sélpeykessamo.

Jeremías 30:17

Alyennaqtéssók sa' makham, altaqmelchessessók sa' kélyense, sa' etnehek eykhe elpaqmétek kélenmexma s'e: ‘Taqmópegkek Sión, méko ekyetnakhássawo awáxok.’ Ko'o sekxeyenma xa, sektáha nak Wesse'.”

Jeremías 33:6

Altaqmelchásekxak sa' eyke ko'o makham, alyennaqtéssók sa' makham, agkeyásekxak sa' makham ekyawe agko' meyke ektáhakxa apheykha, tén han ektaqmalma.

Ezequiel 47:12

Kalaqnagkok sa' nahan mók ektémakxa nak chá'a yenta'a ekha ekyexna m'a neyáwa wátsam nak, cham'a neyp nak tén han ma'a halep nak. Megkapallemek sa' nahan chá'a áwa' xama enxoho, megkeytyapwágwomek sa' nahan chá'a ekha m'a ekyexna. Yókxoho pelten sa' chá'a katnehek ekyexno, hakte kalyássesagkok sa' ma'a yegmen ekteyapma nak tegma appagkanamap. Nento sa' katnehek ma'a ekyexna nak, keñe sa' pánaqte m'a áwa' nak.

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Oseas 6:3

¡Ólwasqápekxohok hana agya'ásegwók Wesse' egegkok! Hegyo'ótak sa' negko'o Wesse' egegkok, ektémól'a katyapok ekhem, ektémól'a kamme' kayássesek xapop, ekmáxaqxamakxal'a exma, tén han élyapweykxal'a yenta'a.

Malaquías 3:16

(Keñe axta apkelpaqhetchásekpoho m'a apkeláyo nak chá'a Dios, aptaqmelchásawók axta nahan apháxenmo Wesse' egegkok ma'a aqsok apkelxeyenma. Táxésáxcheyk axta nahan weykcha'áhak nápaqtók Wesse' egegkok, yaqwayam enxoho kaxénwakxohok chá'a kélwáxok ma'a énxet'ák apcháyo nak chá'a Wesse' egegkok, tén han melwagqayam nak chá'a.)

Rut 2:12

¡Dios sa' egkések ekyánmaga aqsok élane! ¡Sa' egkések ekyánmaga ekyókxoho aqsok élane m'a Israel Dios Wesse' apagkok nak, cham'a ekya'aweykxo axta ektegyeyncha'a ekpasmo!