Levítico 9:24 - Biblia Enxet

²⁴ tekkek axta táxa m'a aphakxa nak Wesse' egegkok, sawhawók axta élwatna m'a kélnaqtósso kélmáheyo axta kólwatnek, tén han ma'a pexmok ekhágko axta m'a néten nak ekwatnamáxchexa aqsok. Xama axta apkelwet'a apyókxoho israelitas xa, axta eleyságkohok apkelwónchesa apkelátsencha'a, apkelháxahánteyk axta ekwokmoho apkeltekxeyágko élpayhakxa nápaqta'a xapop.

Levítico 9:24 ပူးပေါင်းရင်းမြစ်များ

Génesis 15:17

Xama axta ektaxna ekhem, yáqtéssek axta, tekkek axta xama táxa axagkok, pánchessek axta, weynchámeyha axta han neyseksa m'a yámet eyáléwe ekhágkaxa axta m'a aqsok kélnaqtósso ápetek kélpáxqatma neyseksa.

Génesis 17:3

Keñe axta Abram apháxahánto ekwokmoho aptekxeya ekpayhakxa nápat xapop, axta aptáhak Dios appaqhetchesa s'e:

2 Reyes 19:15

axta aptáhak apkelmaxneya s'e: “Wesse' egegkok, Dios nak Israel, apteme nak Wesse' étseksa'ák ma'a apkelásenneykha ekha nak apxempenák apheykha néten: xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.

1 Crónicas 21:26

apkelánessek axta Wesse' egegkok ekwatnamáxchexa aqsok ma'a, keñe apmésa han aqsok apkelwatno m'a, tén han ma'a aqsok ektekyawa segwetassamo nak sẽlásekheykekxoho. Tén axta apwónéncha'a Wesse' egegkok, keñe axta apcháphasa táxa eñama néten, eyáléwa m'a néten nak aqsok ekwatnamáxchexa kélwatno nak.

2 Crónicas 6:2

Élánéssek eyke ko'o exchep kaxwók xama tegma appagkanamap yaqwayam exek chá'a, xama aphamakxa meyke néxa.”

Esdras 3:11

Nápakha axta chá'a apkelmeneykmásak apkelpeykásawo, keñe axta han nápakha aptáha chá'a apkelátegmowágko s'e: “Kólmés ekxeyenma kélwáxok Wesse' egegkok, hakte méko xama enxoho aptémakxa m'a, megkamassegwomek han apkelásekhayo m'a énxet'ák Israel.” Apyókxoho énxet axta apkelwehéseyha apkelátsencha'a apkelpeykásawo m'a Wesse' egegkok, hakte cheynawók axta makham kélxátekháseykekxa m'a Wesse' egegkok tegma appagkanamap apagkok.

Salmos 80:1

Apkeláneykha nak chá'a Israel, apyentameykha nak chá'a José aptémól'a nepkések, apteme nak wesse' apha néten apyetseksa'ák ma'a apkeláneykha ekha nak apxempenák. ¡Hegeyxho negko'o! ¡Kataqmalmakha apwáxok elanok Efraín,

Éxodo 3:2

cham'a apxekmowásekpexa axta anhan xama Wesse' egegkok apchásenneykha xama táxa eyáléwe neyseksa maktek. Aptaqmelchásekxók axta nahan apkelányo Moisés ma'a, apwet'ak axta eyáléweyncha'a táxa m'a neyseksa maktek, maxta eyke kamyetak.

Levítico 10:2

Keñe axta ektepa táxa m'a aphakxa nak Wesse' egegkok, apsawhékpók axta nahan apkelmeta m'a. Cháxa ektáhakxa axta apkeletsapa nápaqto' Wesse' egegkok.

Levítico 6:13

Káléwha sa' chá'a néten ekwatnamáxchexa aqsok ma'a táxa. Megkaspónhek sa' chá'a.

Números 14:5

Apkelháxahágkek axta nápaqta'awók énxet'ák ekwokmoho apkeltekxeya élpayhakxa nápaqta'a xapop ma'a Moisés tén han Aarón,

Números 16:22

Apkelháxahanteyk axta eyke ekwokmoho apkeltekxeya élpayhakxa nápaqta'a xapop ma'a. Aptáhak axta s'e: —Oh Dios, xép apteme apmésso apkelyennaqte apyókxoho énxet'ák. ¿Péya eltaqnaweygkok apyókxoho énxet, eñama apkelane mey'assáxma xama énxet?

Números 23:21

Méko ekweteya apkeltémakxa apkelmopwancha'a amya'a, tén han melya'assáxma m'a énxet'ák Israel, Jacob énxet'ák apagkok nak. Apheyk nepyeseksa ma'a Dios Wesse' apagkok, apkeltemegkek chá'a wesse' apwányam apagkok.

Jueces 13:23

Axta táhak eyátegmowágkokxo aptáwa' s'e: —Apkeltamhók agkok hẽlnápok negko'o m'a Wesse' egegkok, memhehek xeyk takha' m'a aqsok negwatnésso, tén han ma'a aqsok negmésso naqsa nak, mehenxekmósek xeyk han xa aqsok nak. Mehẽltennaksek xeyk han ekyókxoho xa aptáhakxa nak segáneya.

Jueces 6:21

apkeltekxekkek axta ápetek naw'a yámet apmeykha axta m'a Dios apchásenneykha tén han ma'a pán. Keñe ektepa táxa m'a meteymog nak, kelwatneyk axta m'a ápetek tén han pán; keñe axta apxeganakmo aqsa m'a Wesse' egegkok apchásenneykha.