Levítico 8:2 - Biblia Enxet

² “Éntem sa' Aarón yetlo apketchek, elsow sa' nahan ma'a apáwa apkelántaxno nak apkelmaxnéssesso Dios énxet'ák apagkok, tén han pexmok égmenek sẽlteméssesso nak nempagkanamaxche', tén han weyke étkok kennawo' ekmatñamól'a ekyánmaga megkólya'assáxma, tén han apqánet nepkések apkelennay'a, tén han hówenaq apxagkok étkok kélxata nak pán meyke kempáseyak.

Levítico 8:2 ပူးပေါင်းရင်းမြစ်များ

Éxodo 28:1

“Etneykha sa' chá'a exchep apxegexma nepyeseksa israelitas ma'a apepma Aarón tén han ma'a apketchek nak, Nadab, Abihú, Eleazar tén han ma'a Itamar, yaqwayam sa' etnahagkok apkelmaxnéssesso énxet'ák ahagkok.

Éxodo 28:40

Elanés sa' nahan apkelántaxno apkelwenaqte m'a Aarón apketchek nak, tén han ma'a apnaqtete nak chá'a nepxet tén han ma'a apkelatchesso apqatkok, yaqwayam sa' kalmések apkeleymákpoho tén han ektaxnémo.

Éxodo 39:41

tén han ma'a apáwa kélótma yaqwayam nak chá'a antaxnekxak antemeykha m'a kañe' kélpakxanma appagkanamap, tén han ma'a aptaxno aptaqmalma nak ma'a apkelmaxnéssesso Dios énxet'ák apagkok Aarón, tén han ma'a apkelnaqta nak chá'a m'a apkelmaxnéssesso Dios énxet'ák apagkok, apkelántaxno nak chá'a m'a apketchek.

Levítico 6:10

Elántaxnekxak sa' apkelnaqta apkelmaxnéssesso Dios énxet'ák apagkok, elatchásekxak sa' ma'a apkelatchesso apyay'ák apkelyaqwate apkeláxñe nak; tén sa' elmok ma'a kéltósso kélwatno nak táhap agkok, cham'a néten nak ekwatnamáxchexa aqsok, enegkenwók sa' ma'a nekha nak ekwatnamáxchexa aqsok.

Levítico 8:1

Aptáhak axta Wesse' egegkok apcháneya Moisés se'e:

Levítico 8:10

Keñe axta Moisés apma pexmok égmenek senteméssessamo nak nempagkanamaxche', apkexpaqháha axta m'a tegma appagkanamap nak, tén han ma'a ekyókxoho aqsok ekhéyak axta m'a kañe', cháxa apteméssesa axta élpagkanamaxche xa.

Levítico 8:18

Keñe axta Moisés apkeltamho kólyentemegmak nepkések apkennawo', kélmésso nak chá'a yaqwayam ewatnakpok, tén axta Aarón tén han apketchek apnegkenágko apmék ma'a néten apqátek nak nepkések apkennawo'.

Levítico 8:22

Keñe axta Moisés apkeltamho makham kólyentementák pók nepkések apkennawo, cham'a kélmeykegkól'a chá'a kólteméssesek apkelmaxnéssesso Dios énxet'ák apagkok ma'a xama énxet, tén axta Aarón tén han apketchek apnegkenágko apmék ma'a néten apqátek nak nepkések apkennawo'.

Levítico 8:3

Yánchásekxa' sa' apyókxoho énxet'ák ma'a átog nentaxnamakxa nak kélpakxanma apchaqneykekxexa nak chá'a énxet'ák.”