Levítico 6:5 - Biblia Enxet

⁵ essenhan ma'a mók aqsok apxeyenma nak meté. Elmeyásekxak sa' ekyókxoho m'a ektáha nak apagkok, yetlo apyánmagkáseykekxa ketsék néten un quinto, cham'a apyentamákxo enxoho aqsok apchaqhe ekyánmaga apsexnánémap.

Levítico 6:5 ပူးပေါင်းရင်းမြစ်များ

2 Samuel 12:6

¡Eyeykhássamhok sa' han ekwánxa ekyánmaga m'a nepkések apketkok, eñama megkamopyósa apkelányo pók!

Nehemías 10:35

Nenxénchek han negko'o ólsakxak chá'a yókxoho apyeyam Wesse' egegkok tegma appagkanamap apagkok ma'a émha amonye' ekyexno nak ekyexna negkeneykekxa namyep, tén han ma'a ekyókxoho yámet ekha nak ekyexna.

Éxodo 22:1

“Apmeñexchek agkok xama énxet wey essenhan xama nepkések, keñe m'a apchaqha enxoho essenhan apyenyawa enxoho ekha ekyánmaga, eyánmagkasek sa' cinco weyke ekyaqmageykekxa m'a xama wey nak, keñe sa' cuatro nepkések ma'a xama nepkések nak.

Éxodo 22:4

“Wetáxcheyk sa' agkok nahan kéltósso ekmeñexamaxche apyáqkasso m'a apxagkok, tén han megyaqha enxoho, ánet apyánmagkáseykekxoho sa' etnehek, xama wey sa' eykhe katnehek, essenhan yámelyeheykok, essenhan xama nepkések.

Éxodo 22:7

“Apméssek agkok nahan pók énxet eltamhok etaqmelchessesek selyaqye essenhan ma'a aqsok ekmomnáwa nak, keñe kélmeñexchesa enxoho apxagkok xa énxet nak, ánet apyánmagkáseykekxoho sa' etnehek ma'a ektáha nak apmenyexma, kélwetákxo enxoho;

Éxodo 22:9

“Yetneyk sa' agkok nahan xama énxet apkeltemégwayam aqsa chá'a aptósso xama wey, yámelyeheykok, essenhan nepkések essenhan ma'a xama apáwa nentaxno nak, essenhan ma'a mók aqsok élxegányam nak chá'a, keñe apxéna enxoho xama ektáha apagkok ma'a aqsok nak, kólnaqlakxak sa' nápaqtók Dios xa apqánet énxet nak, keñe sa' ekpehewayam enxoho apteme xa, ánet apyánmagkáseykekxoho sa' etnehek egkések ma'a pók nak.

Éxodo 30:7

Ewatnek sa' chá'a Aarón yókxoho axto'ók aqsok ekmátsa nak ekpaqneyam éten agkok xa néten nak ekwatnamáxchexa aqsok, cham'a ekweykenxal'a chá'a elánekxak ma'a cháléwasso,

Isaías 58:6

Háwe'. Manto nento ekleklamo nak ko'o ewáxok katnehek se'e ektéma nak: kólyétekkesek ma'a cadenas ekméssama nak chá'a ekyentaxno apheykha énxet'ák, kólhaxyawaksek ma'a kélnaqtete ekyennaqte nak kélyespok ma'a aqsok ekyentaxno; kólántekkesek ma'a énxet'ák kélnaqtawáseykegkoho nak, kólmasséssók ekyókxoho m'a ektawassáseykencha'a nak chá'a apheykha énxet'ák;

Isaías 58:9

Ewóneyha sa' agkok chá'a, wátegmowagkok sa' ko'o; kélpáxamáha sa' agkok kóltegyaha ekpasmo, sa' atnehek alának se'e: ‘Ekhak ko'o s'e.’ Kélmasséssekmek sa' agkok ekyókxoho m'a kélnaqtawáseykegkoho nak chá'a kélnámakkok, megkólwanyeyncha'a enxoho chá'a kélmók megkólxéneyncha'a enxoho aqsa chá'a ekmaso kélnámakkok,

Ezequiel 33:15

etaqheksohok nahan ma'a aqsok apxawe axta ekyaqmageykekxa aqsok apagkok kélmassáseykha essenhan ma'a aqsok apmenyexma axta, elának nahan ma'a segánamakxa ekyennaqtéssamo nak egnények, elwataksek nahan apkelane m'a aqsok ekmaso nak, megyetsepek sa' chá'a.

Levítico 5:16

Cháxa énxet nak, eyánmagkasek sa' ekwánxa aqsok megkésso élpagkanamaxche, eyánmagkásekxohok sa' nahan ketsék néten un quinto, egkések sa' apkelmaxnéssesso Dios énxet'ák apagkok xa ekwánxa nak. Keñe sa' nepkések apkennawo' apchaqhe nak ekyánmaga apsexnánémap, apkelmaxnéssesso Dios énxet'ák apagkok sa' etaksek megkólyaqmagkáseykekxa mey'assáxma xa énxet nak, megkólyaqmagkásekxeyk sa' mey'assáxma.

1 Samuel 12:3

keso sekha s'e: ¡Ekyementamomchek axta agkok chá'a ko'o weyke aptósso xama énxet, essenhan yámelyeheykok! ¡Eknaqtawáseykegkók axta agkok chá'a, élhayak axta agkok nahan chá'a! ¡Ekmomchek axta agkok han chá'a selyaqye wánéxchek maxének ektemegweykmoho exma! Kélwanchek hélxénchásekxohok sektémakxa nápaqtók Wesse' egegkok, keñe han nápaqtók se'e wesse' apwányam ektáha nak apkelyéseykha, ayánmagkasek sa' nahan ko'o sekméyak aqsok.