Levítico 6:16 - Biblia Enxet

¹⁶ Keñe sa' ma'a éleymomáxche nak aqsok kélmésso naqsa, Aarón sa' etwok yetlo apketchek meyke nak kempáseyak ma'a kañe' ekpagkanamaxchexa nak, neyáwa nak kélpakxanma, apchaqneykekxexa nak chá'a énxet'ák.

Levítico 6:16 ပူးပေါင်းရင်းမြစ်များ

2 Crónicas 31:14

Keñe axta Coré, apteme axta levita, Imná axta apketche, aptaqmelchesso axta chá'a m'a átog ekyetno nak ekteyapmakxa ekhem, kélteméssesa apkeltaqmelchesso m'a aqsok kélmésso naqsa, kélmáheyo kélagko' nak chá'a kólmések ma'a Dios, tén han apkexpánchesso chá'a m'a aqsok kélmésso nak Wesse' egegkok, tén han ma'a aqsok kélpagkanchesso nak Dios.

Éxodo 12:8

Cháxa axta'a nak kóltawagkok sa' ápetek kélyaqxaqxo, ekyepetche m'a pánaqte áwa' ekmáske nak tén han ma'a kelpasmaga meyke nak kempáseyak.

Ezequiel 44:29

Apwanchek sa' etawagkok ma'a aqsok aktek nentómo nak ekyexna kélcheneykekxa sélmésso nak chá'a ko'o m'a énxet'ák Israel, tén han ma'a aqsok kélnaqtósso ektekyawa ekyaqmageykekxa nak chá'a kéltémakxa megkólya'assáxma tén han kélsexnánémaxche'. Ekhawo nahan ma'a ekyókxoho aqsok sélpagkanchesso nak chá'a ko'o m'a israelitas. Etnehek sa' apagkok ma'a.

Levítico 2:3

Keñe sa' éleymomáxche kélmésso naqsa nak Wesse' egegkok, ektáha nak élpagkanamaxche agko' ma'a neyseksa nak kélmésso naqsa kélwatno, Aarón sa' chá'a elmekxa', tén han ma'a aptawán'ák neptámen nak.

Levítico 5:13

yaqwayam enxoho etaksek apkelmaxnéssesso Dios énxet'ák apagkok megkólyaqmagkáseykekxa ekyókxoho apkelane mey'assáxma xa énxet nak, megkólyaqmagkásekxeyk sa' aptémakxa mey'assáxma. Keñe sa' ma'a éleymomáxche nak, elmekxak ma'a apkelmaxnéssesso Dios énxet'ák apagkok, kélteméssessamól'a m'a aqsok aktek kélcheneykekxa'.”

Levítico 6:23

Ekyókxoho apkelmésso naqsa nak aqsok apkelmaxnéssesso Dios énxet'ák apagkok, kólwatnek sa' chá'a ekyókxoho; méko sa' katwok.”

Levítico 6:26

Apwanchek sa' chá'a etwok apkelmaxnéssesso Dios énxet'ák apagkok ma'a kéltósso ekmatñá nak ekyánmaga megkólya'assáxma. Sa' eyke etwok ma'a ekpagkanamaxchexa nak, cham'a nepyáwa nak kélpakxanma apchaqneykekxexa nak chá'a énxet'ák.

Números 18:8

Aptáhak axta Wesse' egegkok apcháneya Aarón se'e: “Ekméssek ko'o exchep yaqwayam etaqmelchesek ma'a aqsok sélmésso naqsa nak chá'a ko'o. Almések sa' ko'o exchep ekyókxoho aqsok sélmésso naqsa élpagkanamaxche sélmésso naqsa nak chá'a israelitas, tén han ma'a apketchek, ekpayhawo nak chá'a kóltéhek kélagkok; katnehek sa' meyke néxa xa.