Levítico 27:14 - Biblia Enxet

¹⁴ “Appagkanchessek sa' agkok apxagkok xama énxet ma'a Wesse' egegkok, apkelmaxnéssesso Dios énxet'ák apagkok sa' epekkenek ekwánxa ekyánmaga, cham'a ekwánxa enxoho aptaqmalma tegma. Kamaxchek sa' han takha' ekwánxa enxoho apxéna m'a apkelmaxnéssesso Dios énxet'ák apagkok.

Levítico 27:14 ပူးပေါင်းရင်းမြစ်များ

Levítico 27:13

Kélmakók sa' agkok kólmekxak makham ma'a kéltósso nak, kólyánmagkásekxohok sa' ketsék néten, ekyepetcheykekxa m'a ekwánxa nak ekyánmaga ekxénamaxchexa'.

Levítico 27:15

Keñe sa' ma'a énxet apmáheyo nak emekxak makham ma'a apxagkok, appagkanchesso nak ma'a Wesse' egegkok, eyánmagkásekxohok sa' ketsék néten, ekyepetcheykekxa m'a ekwánxa axta ekyánmaga kélpekkenma, keñe sa' etnekxak makham apagkok ma'a tegma nak.

Levítico 27:17

Appagkanchessek sa' agkok xapop apagkok ma'a eyeynókxa nak apyeyam sẽlchexeykekxexa, keytek sa' aqsa m'a ekwánxa nak ekyánmaga ekpekkenáxchexa'.

Levítico 27:18

Appagkanchessek sa' agkok ma'a natámen apyeyam sẽlchexeykekxexa nak, apkelmaxnéssesso Dios énxet'ák apagkok sa' elanok ekwánxa selyaqye kólyánmagkasek, eweykásenták sa' ma'a ekwánxa axta ekyánmaga, ekhawo m'a apyeyam apkeymomap nak, ekweykmoho m'a apyeyam sẽlchexeykekxexa nak.

Levítico 27:21

Massék sa' agkok ekmáheyo kamaxchek xa xapop nak, ekwokmo enxoho apyeyam sẽlchexeykekxexa, kólteméssesek sa' apagkok Wesse' egegkok, tén sa' apkelmaxnéssesso Dios énxet'ák apagkok emekxa'.

Números 18:14

Ekyókxoho aqsok sélmésso naqsa sepagkanchesso nak chá'a m'a israelitas, xép sa' etnehek apagkok.