Levítico 26:36 - Biblia Enxet

³⁶ “Kéxegke megkóletsapma nak ma'a xapop apagkok nak kélenmexma, kélmenaye ekwányam sa' atnéssesek, yámet áwa' ektéyam eyókáseykha sa' eykhe chá'a kóleyk kólenyahagkok; máxa sawo kélyaqmássesso sa' kóltéhek kólenyahagkok, kólyaqnenagkok sa' aqsa chá'a meyke ekmenxanma;

Levítico 26:36 ပူးပေါင်းရင်းမြစ်များ

Génesis 35:5

Xama axta apkelánteyapma m'a, apkeltémók axta yeyk Dios ma'a apyókxoho énxet'ák apheykha nak neyáwa apheykegkaxa', axta keñamak megkólamheykegko m'a Jacob apketchek.

Génesis 4:12

Eknekxak sa' eykhe chá'a aqsok aktek xapop, megkeyxek sa' eyke chá'a. Eweynchamha sa' aqsa chá'a ekyókxoho yókxexma keso náxop, meyke apkellókasseyam apyampé.

2 Crónicas 14:14

Tén axta apketámegko han ma'a apyókxoho tegma apkelyawe aphéyak axta m'a neyáwa yókxexma Guerar, hakte apcheykpek axta m'a Wesse' egegkok. Apkelmágkek axta aqsok apagkok ma'a énxet'ák Judá, hakte heykegkek axta ekxámokma aqsok ma'a.

Job 13:25

Ekhawók ko'o m'a aqsok áwa' eksól'a éxchahayam, ¿yaqsa ektáha peya nak hemasséssók? Ekhawo ko'o pa'at apák élyamayél'a, ¿yaqsa ektéma seyaqmáseykencha'a nak?

Salmos 53:5

Elpexyennók sa' apkelaye, melyegwaktamakxoho, hakte yexpánchesek sa' apexchakkok Dios ma'a apkelenmexma. Elmegqágwakxohok sa', hakte eltaqheksohok sa' ma'a Dios.

Salmos 53:6

¡Émenye nak la'a ko'o kawak apkelwagkásamap teyp énxet'ák Israel, eñama m'a egkexe Sión! Aptaqmelchessásekxeyk sa' agkok makham apheykha énxet'ák apagkok ma'a Dios, kalpayhekxak sa' apkelwáxok Jacob aptawán'ák neptámen, cham'a apyókxoho nak énxet'ák Israel.

Salmos 89:43

Meyke ahamtek apteméssessók ma'a sókwenaqte apagkok, mepasmók han ma'a kempakhakma.

Proverbios 28:1

Méko eykhe chá'a kayaqmaksek ma'a ekyeyháxma nak, exyenmok aqsa chá'a, méko eyke katnehek chá'a apkelakakxa m'a apkelpéwomo nak, máxa etnahagkok ma'a ektémól'a yámakméwa.

Isaías 30:17

Mil énxet sa' yenyahagkok yeyk xama apagko' énxet yaqwayam elnápok, keñe sa' kélyókxoho kéxegke kólenyahagkok kóleyk wánxa m'a cinco énxet apmáheyo elnápok ekwokmoho kéleyméxko kélqántawók kélagko', ektémól'a keymaxchek xama agko' yámet émha m'a néten egkexe étseksek nak, essenhan ma'a ektémól'a xama aqsok kélchenegkesso magkenatchesso m'a néten egkexe nak.

Isaías 7:2

Kéllegássekxeyk axta wesse' apwányam Ahaz xa amya'a nak tén han ma'a ekheykha nak apxagkok: “Appasmeykxeyk énxet'ák Siria m'a Efraín énxet'ák apagkok.” Yetlókok axta nahan apkelpexyennama m'a wesse' apwányam tén han ma'a énxet'ák, máxa axta aptamhágkok ma'a ektémól'a yámet kalpexyennegkesek éxchahayam ma'a yókxexma.

Isaías 7:4

etne sa' yának se'e: “Elanagkoho sa', eyke ná égwe' aqsa; nágye aqsa, nágyoho nahan kayélaqtéssesek apwáxok se'e ánet átex élpánma nak, cham'a Resín yetlo m'a énxet'ák apagkok sirios, tén han ma'a Remalías apketche, cham'a apkellawa apagko' nak.

Jeremías 37:10

Mexók sa' eykhe kéxegke m'a sẽlpextétamo caldeos, apketámeyam nak, apqántawók sa' eykhe eleymakpok énxet ma'a apkelpakxeneykegkaxa nak, elchempekxak sa' eyke néten xa énxet'ák nak, keñe sa' ewatnekxak ma'a tegma apwányam.”

Jeremías 46:16

Apkelpelapokmek sẽlpextétamo kélagkok, apkelyaqnenágkek nahan, aptáhak nahan chá'a apcháneya pók se'e: ‘¡Ólántépok se'e, ólmeyekxak ma'a néleñémeykxa nak, cham'a negókxa nempalleykenxa axta! Ólxeganmok ólmeyekxak ma'a meykexa nak kempakhakma ekmaso!’

Lamentaciones 1:3

Apkelmákpek ma'a énxet'ák Judá, kélnaqlákxeyk megkatnahakxa apkelókxa', apkellegágkók apagko', kélméssek ekyentaxno apkeltamheykha. Aphegkek nepyeseksa pók énxet'ák, méteyágweykmok kaxwók apkellókasso apyampe. Aptahañekxeyk han ma'a apyaqmasso axta, mey'assásegkok aptáhakxa'.

Lamentaciones 1:6

Massegwokmek ma'a Sión ektaqmalma nak, cham'a ektémakxa axta ekyókxoho ektaqmalma; máxa popyet aptamhágkok ma'a apkelámha apmonye'e agkok aptegyéyak la'a pa'at; apkelyenyawásegkek apmagkok apkelxega apmonye'e m'a apmenxenma nak.

Lamentaciones 4:19

Apmelyeyhawók apagko' apkenyehéyak ma'a segmenxenma nak, apkelyeykhásseykmók ma'a náta élyawél'a; egmenxeneykha m'a neyseksa egkexe nak, ¡egnegkencháseykegkek kelhanma m'a meykexa nak énxet!

Ezequiel 21:12

¡Elpáxamha, xép aptáha nak énxet! ¡Kapayheykha apátog hakte peyk kalnápok ma'a énxet'ák ahagkok nak, tén han ma'a apyókxoho apkelwesse'e nak chá'a m'a apchókxa Israel! Apkelxénakpek etekyawhok xamók ma'a énxet'ák ahagkok, etekpogmakha apnények élapwayam.

Ezequiel 21:15

Kóleyk sa' chá'a kéxegke xa, apxámok sa' katnehek élnapma. Eknegkenchessek ko'o sókwenaqte ekyetnamo nak ekyógkexma m'a apyókxoho kélxanák nak. Cháxa sókwenaqte kélyenmáseykekxa yaqwayam chá'a kalyenmaksexma xa; kélmaxneyeykekxa yaqwayam kalának chá'a nentekyawa.

Ezequiel 21:7

Kélmaxneyáha sa' agkok ektáhakxa apkelekxagweyncha'a, exén sa' élapwagkasa aplege amya'a peya katnehek xama aqsok, apyókxoho énxet sa' kalyelqaxchek apkelwáxok, kalyelqaxchek sa' apaktegák; méko sa' xama enxoho ekyennákxa apwáxok, apyókxoho sa' kalpexyennók apyay'ák apkelaye. Wokmek kaxwo', katnehek sa'. Ko'o sekxeyenma xa, sektáha nak Wesse'.”

Oseas 8:3

Aptaqnagkamchek eyke aqsok ektaqmela m'a énxet'ák Israel, cháxa keñamak peya nak etwássesha chá'a apheykha m'a apkelenmexma nak.

Levítico 26:17

Alenmexekxak sa' ko'o kéxegke, emenxenek sa' kéxegke m'a kélenmexma nak; elmok sa' ma'a apkeltaqnagko nak chá'a, kólenyahagkok sa' aqsa, méko sa' eykhe kamenxenek.

Levítico 26:35

Kamok sa' éllókasso ekyampe xapop neyseksa ektamheykekxa meyke xama aqsok, megkamoma axta éllókasso ekyampe neyseksa axta kélheykha kéxegke m'a.

Deuteronomio 1:44

Tén axta m'a amorreos, apheykencha'a axta m'a egkexe nak, apkelánteyapma kélmonye'e kéxegke, máxa axta kenáwet aptamheykegkok apmenxenma. Kéltekyawomchek axta kéxegke m'a Seír ekweykekxoho m'a Hormá.

Josué 5:1

Apyókxoho apkelwesse'e amorreos ektáha axta apheykha m'a taxnegwánxa ekhem neyp nak Jordán, keñe han ma'a apkelwesse'e cananeos apheykencha'a nak ma'a keto' nak wátsam ekwányam Mediterráneo, apkelya'ásegwokmek axta ektáha Wesse' egegkok apyamasso yegmen ma'a wátsam Jordán nak, neyseksa apkeltámeyeykekxa axta m'a énxet'ák Israel, keñe axta éltamheyncha'a apkelwáxok. Axta elya'ásegkok yaqwánxa etnahágkok peya elenmexek ma'a énxet'ák nak Israel.

Josué 7:5

Aptekyókek axta treinta y seis israelitas; keñe m'a nápakha nak apmenxena eyeynmo m'a átog nak tegma apwányam ekweykmoho m'a kélhexyawassamakxa nak chá'a meteymog, axta apkelnáhápweykxak ma'a ekweyweykentamxa nak xapop. Axta keñamak apkelyelqákpo m'a énxet'ák, massék axta élyenna apkelwáxok.

1 Samuel 17:24

Apkelakawók apagko' axta han israelitas apkelwet'a xa énxet nak, apkenyahágkek axta apmonye',