Levítico 26:33 - Biblia Enxet

³³ Waxpánchesek sa' ko'o kéxegke alya'aksek nepyeseksa m'a pók aptémakxa énxet'ák nak, sókwenaqte sa' amenxenchesek; yókxexma meykexa énxet sa' katnekxak ma'a kélókxa nak, keñe sa' ma'a tegma apkelyawe kélagkok nak, etnekxak segyegwakkassamo agweta'.

Levítico 26:33 ပူးပေါင်းရင်းမြစ်များ

1 Reyes 8:46

“Apkelánegkek sa' agkok han melya'assáxma yenmexek xép, hakte méko xama énxet enxoho melánekxa mey'assáxma, keñe apkeltaqnaweygko enxoho exchep elmések ma'a katnaha nak apnámakkok yaqwayam enxoho elmok, keñe enaqlakxak ma'a mók apkelókxa, cham'a makhawo' nak essenhan ma'a keto' nak,

2 Reyes 25:9

apwatnékxeyk axta m'a tegma appagkanamap, tén han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

2 Crónicas 7:19

Keñe sa' sélyenyawa enxoho kéxegke, megkóllánegko enxoho m'a segánamakxa ahagkok, tén han séltémókxa nak chá'a kóltéhek sekmésso axta, kélyetlákxo enxoho m'a mók aqsok kéláyókxa, tén han kélpeykásawo enxoho,

Nehemías 1:3

Aptáhak axta seyátegmowágko s'e: “Yentexók agko' apheykha m'a megkólnaqleykekxa axta megkatnahakxa apkelókxa, melya'áseykegkok aptamheykegkaxa. Keñe m'a Jerusalén kélhaxtegkesso axta kélpalchessama. Táxa kélwatnók kélmassésseykmo m'a atña'ák nak.”

Nehemías 1:8

Kaxénwakxoho apwáxok ma'a appaqhetchessama axta apkeltennassama nenlánegko enxoho negko'o mólya'assáxma, apxeyenma hẽxpánchesek hẽlya'aksek ekyókxoho yókxexma nak keso náxop,

Ester 3:8

Tén axta Amán aptáha apcháneya wesse' apwányam Asuero s'e: —Wesse', yetneyk chá'a énxet mepáxaqwayam megkatnahakxa nak chá'a appeywomo xamók ma'a ekyókxoho apchókxa aptémakxa nak chá'a exchep wesse' apwányam; megkaxnawok nahan segánamakxa apagkok ma'a pók énxet'ák nak, melyahakxeyk nahan chá'a m'a apchánamakxa nak chá'a antéhek xép, wesse'. Megkataqmelak ellenxanmagkohok apheykha kañe' apchókxa aptémakxa nak chá'a exchep wesse' apwányam xa énxet'ák nak.

Salmos 106:27

tén han apxéna eletsapok ma'a aptawán'ák neptámen, tén han apxéna yexpánchesha elya'aksek nepyeseksa m'a apyókxoho pók énxet'ák melya'áseyak nak Dios.

Salmos 44:11

Máxa nepkések entemessásak sẽlmésa kélnaqleykekxal'a aptekyómakxa; ẽxpánchessek sẽlya'asa nepyeseksa m'a énxet'ák melya'áseyak nak xép;

Salmos 44:12

meyke ekmomnáwa agko' apkexakhák énxet'ák apagkok, méko han aqsok ekwetassama eñama apkexakha.

Isaías 1:7

Yókxexma ekmaso kéltemessáseykekxak ma'a kélókxa, kelwatnegkek táxa eyáléwe m'a tegma apkelyawe nak. Kélnápaqta'awók nahan apteykegkok kéxegke kélenmexma m'a aqsok kélcheneykekxa nak. Meyke xama aqsok tamhákxak ma'a ekyókxoho nak, máxa m'a ektéma axta kélmassesseykmo m'a Sodoma.

Isaías 6:11

Ektáhak axta ko'o sélmaxneyeyncha'a s'e: Wesse', “¿Háxko sa' ekwánxa ekhem kawomhok xa?” Aptáhak axta seyátegmowágkokxo s'e: “Sa' kawomhok ma'a kélmasséssekmo tegma apkelyawe, aptáha sa' meyke apagko' énxet apheykha m'a kañe'; tén han ekwokmoho sa' aptamhákxo meyke apagko' énxet ma'a tegma, tén han ektamhákxo meyke xama aqsok ma'a yókxexma,

Jeremías 13:24

Cháxa keñamak peya nak ko'o waxpánchesek kéxegke, ektémól'a pa'at apák élsól'a éxchahayam eñama nak yókxexma meykexa énxet.

Jeremías 15:4

Wának sa' elpexyennók apkelaye elanok apyókxoho énxet'ák apheykha nak ekyókxoho keso náxop yaqwánxa sa' ko'o atnéssesek ma'a, eñama apteméssessamakxa axta Jerusalén ma'a Manasés, wesse' apwányam axta m'a Judá, Ezequías axta apketche.

Jeremías 31:10

“Énxet'ák, kélheykha nak ekyókxoho apkelókxa, kóleyxho Wesse' egegkok appeywa, kólteme sa' nahan kóllegaksek apheykha nak makhawók agko' neyáwa wátsam ekwányam se'e: ‘Apkexpánchessegkek axta Wesse' egegkok ma'a énxet'ák Israel, yánchásekxak sa' eyke makham, keñe sa' elanha, etnehek ma'a aptémól'a keláneykha nepkések elanha m'a apnaqtósso nepkések.’

Jeremías 4:7

Tekkek yámakméwa m'a ekyáqtamakxa nak, xegakmek ma'a ekmassésseykmoho nak pók aptémakxa énxet'ák; tekkek ma'a eyókxa nak, peyk kamasséssak kélókxa, yaqwayam kamasséssessók ma'a apchókxa tén han katnéssásekxak yókxexma meykexa énxet, tén han nápakha'a apketkók ma'a tegma apkelyawe kélagkok nak.

Jeremías 7:34

Amasséssók sa' ko'o kélmeneykmasso nak kélessawássessamo tén han ekpayheykekxa egwáxok ma'a tegma apkelyawe nak Judá, tén han ma'a ámay nak Jerusalén, tén han ma'a negmeneykmasso nak chá'a sẽlyamhopma; meyke xama aqsok sa' katnekxak ekyókxoho xa apchókxa nak.”

Jeremías 8:3

Keñe sa' apkeleymomap nak meletsapma xa énxet'ák élmasagcha'a agko' nak apkeltémakxa, cham'a apkelhámxa enxoho chá'a ekyókxoho yókxexma natámen séxpánchesso, eltamhok sa' eletsapok, mopmenyeyk sa' elweynchamha chá'a. Ko'o sekxeyenma xa, sektáha nak Wesse' ekha sekyennaqte.

Jeremías 9:16

Waxpánchesek sa' alya'aksek nepyeseksa m'a pók aptémakxa énxet'ák, melya'ásegko nak ma'a, tén han melweteya axta m'a apyapmeyk nano'; sókwenaqte sa' wának kólmenxenchesek, ekwokmoho megyeymékpo xama enxoho.”

Lamentaciones 1:1

¡Apxakkók apagko' aptamhákxak ma'a tegma apyawe apláneyo axta chá'a énxet'ák! ¡Aphágwakxók kelán'a tampe' m'a tegma apyawe apagkok nak énxet'ák! ¡Kélméssegkek ekyentaxno ektamheykha m'a apchókxa ektaqmalma nak!

Lamentaciones 1:3

Apkelmákpek ma'a énxet'ák Judá, kélnaqlákxeyk megkatnahakxa apkelókxa', apkellegágkók apagko', kélméssek ekyentaxno apkeltamheykha. Aphegkek nepyeseksa pók énxet'ák, méteyágweykmok kaxwók apkellókasso apyampe. Aptahañekxeyk han ma'a apyaqmasso axta, mey'assásegkok aptáhakxa'.

Lamentaciones 4:15

Kóltéhek chá'a kólyennaqtések kélpeywa kólának énxet'ák se'e: “¡Kóláwho, nágkólyepetkoho, énxet élmanyása apyempe'ék xa, nágkólpaknegwomho!” “Apkelweynchámeykha aqsa apkelxegányam —etnehek chá'a elxének ma'a melya'áseyak nak Dios—”, mopwanchek ellenxanmagkohok apheykha s'e.

Lamentaciones 4:16

Apkexpánchessegkek Wesse' egegkok ma'a aphakxa nak, massegkek apkeláneykha. Massegkek kéláyo m'a apkelmaxnéssesso nak Dios énxet'ák apagkok, massegkek nahan apkelmopyósa kéllányo m'a apkelámha apmonye'e nak.

Ezequiel 12:20

Kólmasséssók sa' apyókxoho tegma apkelyawe apheykegkaxa nak chá'a énxet; meyke xama aqsok sa' katnekxak ma'a apchókxa. Keñe sa' kólya'ásegwók kéxegke sektáha ko'o Wesse'.’”

Ezequiel 20:23

Axta ekxénhok nahan ko'o, cham'a yókxexma meykexa nak énxet, sekmáheyo waxpánchesek ekyókxoho apkelókxa keso náxop,

Ezequiel 22:15

waxpánchesek sa' ekyókxoho apheykegkaxa nak chá'a pók aptémakxa énxet'ák, waxpánchesha sa' ekyókxoho apkelókxa, wáxñassásekxak sa' ekyókxoho m'a aptémakxa ekmanyása;

Ezequiel 5:2

Wokmek sa' agkok néxa apwakhamap ma'a tegma apwányam, elwet sa' ektáhakxa nak ántánxo apkelyaqténma apwa' m'a nepyeseksa nak tegma apwányam; tén sa' natámen emok xama sawo, elyaqtennagkok nahan nepyáwa tegma apwányam ma'a mók nak apnegkenma apkelyaqténma m'a apwa', keñe sa' ma'a éleymomáxche nak, ekxák néten elchampaksek. Axog sa' ko'o neptámen ma'a énxet'ák apheykha nak tegma apwányam, yetlo sekmeykha sókwenaqte.

Oseas 9:6

Apkenyaheykegkek ekmáheyo kólmasséssók ma'a, énxet'ák Egipto sa' eyke yánchásekxa', sa' kólátawanyek ma'a Menfis. Pa'at sa' kápekxak ma'a aqsok éltaqmalma apagkok, sawo' élmope élmomnáwa nak, katyapok sa' yámet ekha nak am'ák ma'a apkelpakxeneykegkaxa nak.

Amós 9:4

kélnaqlákxeyk sa' agkok nahan ma'a megkatnahakxa apkelókxa apnaqleykekxa enxoho m'a apkelenmexma nak, wának sa' ko'o etekyawágwók ma'a. ¡Alanha sa' chá'a ko'o m'a, háwe eyke yaqwayam ataqmelchessesek apheykha aqsok ekmaso sa' waha'!”

Zacarías 7:14

Axta keñamak séxpánchessama ko'o ektémól'a samaxche kaxpánchesek aqsok sélya'assama nepyeseksa m'a apyókxoho énxet'ák melweteya nak, meyke xama aqsok axta nahan tamheykekxak natámen ma'a apkelókxa, meyke xama énxet enxoho apmopwána exek. ¡Ekmaso axta aptemessáseykekxak ma'a xama apchókxa ektaqmalma agko' nak!”

Deuteronomio 4:27

Yexpánchesha sa' kéxegke Wesse' egegkok elya'aksek ma'a nepyeseksa nak pók aptémakxa énxet'ák, kélqántawók kélagko' sa' kóleymaxchek kéxegke, wánxa sa' aqsa m'a kélheykha nak chá'a apkelókxa apkelya'asakxa enxoho chá'a m'a Wesse' egegkok.