Levítico 24:9 - Biblia Enxet

⁹ Aarón sa' chá'a elmekxak xa, tén han ma'a aptawán'ák neptámen, etawagkok sa' chá'a kañe' ekpagkanamaxchexa nak xa kelpasmaga nak, hakte cháxa ekteme aqsok ekpagkanamaxche agko', neyseksa m'a aqsok kélmésso naqsa kélwatnésso nak chá'a m'a Wesse' egegkok.”

Levítico 24:9 ပူးပေါင်းရင်းမြစ်များ

Éxodo 27:21

Aarón tén han apketchek sa' eyke chá'a elánekxak ma'a cháléwasso, yaqwayam sa' kalápogwátek nápaqtók Wesse' egegkok yókxoho axta'a m'a kélpakxanma apchaqneykekxexa nak chá'a énxet'ák, teyp nak ma'a apáwa apkexyawe kélapma, ekyetnamakxa nak nekha m'a yántéseksek ekhémo mók nélpaqhetchásamáxkoho. Cháxa xama segánamakxa apagkok meyke néxa m'a israelitas tén han ma'a aptawán'ák neptámen nak.

Levítico 10:12

Keñe axta natámen Moisés aptáha apcháneya Aarón, tén han Eleazar, tén han ma'a Itamar, cham'a apqánet apketchek apkeleymomap nak Aarón: —Kólma kélmésso naqsa nak aqsok aktek éleymomáxche axta kélwatno kélmésso naqsa m'a Wesse' egegkok, kóltow sa' meyke kempáseyak ma'a nekha nak ekwatnamáxchexa aqsok, hakte aqsok ekpagkanamaxche agko' xa.

Levítico 10:17

—¿Yaqsa ektáha megkóltawa nak kéltósso kélaqhe ekyánmaga nak magya'assáxma m'a ekpagkanamaxchexa nak? Aqsok ekpagkanamaxche agko' ma'a, Wesse' egegkok axta apmésso kéxegke yaqwayam kólmasséssesek apkelsexnánémap ma'a énxet'ák, tén han kólwetaksek Wesse' egegkok meyaqmagkáseykekxa m'a melya'assáxma nak.

Levítico 21:22

Apwanchek sa' eyke etwok xa kelpasmaga nak, tén han ma'a aqsok élpagkanamaxche nak, tén han ma'a élpagkanamaxche agko' nak,

Levítico 24:10

Aphegkek axta xama énxet, egken axta m'a israelita, keñe apyáp aptáha egipcio. Selomit axta ekwesey m'a egken, Dibrí axta apketche, apkeñama axta nepyeseksa m'a Dan énxet'ák apagkok. Cháxa énxet nak, tén han xama israelita, apkelátegmoweykpek axta pók ma'a apkelpakxeneykegkaxa nak. Keñe axta m'a énxet israelita étche nak aplawa apxéneyncha'a ekmaso m'a Wesse' egegkok apwesey, tén axta kélyentamákxo m'a aphakxa nak Moisés,

Levítico 3:17

“Cháxa ektáha nak xama segánamakxa megkamassegwayam xa, kawakxohok sa' ma'a apyapmeyk nak, tén han kélketchek nak. Nágkóltaw aqsa chá'a pexmok, tén han ma'a kéltósso éma agkok, cham'a kélhámxa enxoho chá'a kéxegke.”

Levítico 6:11

Keñe sa' elyaqmagkasek makham pók apkelnaqta, elsók sa' táhap ma'a yókxexma eyáxñe teyp nak apheykegkaxa énxet'ák.

Levítico 6:16

Keñe sa' ma'a éleymomáxche nak aqsok kélmésso naqsa, Aarón sa' etwok yetlo apketchek meyke nak kempáseyak ma'a kañe' ekpagkanamaxchexa nak, neyáwa nak kélpakxanma, apchaqneykekxexa nak chá'a énxet'ák.

Levítico 6:9

“Eltennés sa' Aarón, tén han apketchek se'e ektémakxa nak élánamáxche élwatnamáxche nak aqsok: Kéltósso ekmatñá nak, kéméxcheyk kólpekkenek aqsa chá'a néten átex ma'a ekwatnamáxchexa nak aqsok, ekyókxoho axta'a, yaqwayam enxoho kalwatnek táxa.

Levítico 8:3

Yánchásekxa' sa' apyókxoho énxet'ák ma'a átog nentaxnamakxa nak kélpakxanma apchaqneykekxexa nak chá'a énxet'ák.”

Levítico 8:31

Keñe axta Moisés aptáha apkeláneya Aarón, tén han ma'a apketchek: “Kólhan sa' ápetek ma'a átog nentaxnamakxa kélpakxanma apchaqneykekxexa nak chá'a énxet'ák, kóltawák sa' nahan ma'a, yetlo m'a kelpasmaga aphágko nak hówenaq étkok awáxok, kélmeykha nak chá'a hẽlteméssesek nélmaxnéssesso Dios énxet'ák apagkok, ekhawo m'a apkeltamhókxa axta ko'o atnehek Wesse' egegkok, aptáha seyáneya s'e: ‘Aarón sa' chá'a etwok se'e ápetek nak, tén han ma'a apketchek nak.’

Malaquías 1:12

Keñe kéxegke séllókassama, hakte xeyenmeyk chá'a kélwáxok kéxegke kélwanchek kóltawasha m'a élwatnamáxchexa nak aqsok ahagkok, ekteme nak ko'o mésa ahagkok, tén han ma'a nento ekhéyak nak néten kélmowána kóltawasha.

1 Samuel 21:6

Keñe axta apkelmésa pán apkelpagkanamap ma'a apkelmaxnéssesso Dios énxet'ák apagkok, hakte wánxa axta han pán ma'a kélpagkanchesso axta Wesse' egegkok, cháxa kélhaxyawasakxa axta han ma'a néten nak ekwatnamáxchexa aqsok kélyaqmagkasa m'a pán kaxwe apmakhetma nak.