Levítico 22:10 - Biblia Enxet

¹⁰ “Mopwanchek sa' etwok aqsok élpagkanamaxche xama enxoho m'a metnaha nak apkelmaxnéssesso Dios énxet'ák apagkok, essenhan ma'a apnámakkok nak. “Mopwanchek sa' han etwok aqsok élpagkanamaxche m'a apkelmaxnéssesso Dios énxet'ák apagkok nak meyk'a apagkok, tén han ma'a apkeláneykha nak.

Levítico 22:10 ပူးပေါင်းရင်းမြစ်များ

Esdras 2:63

Apkeltamhók axta han apkeláneykha nak apchókxa metawagkehek ma'a nento élpagkanamaxche nak, ekwokmoho apwet'a yaqwánxa kólteméssesek ma'a apkelmaxnéssesso nak Dios énxet'ák apagkok, eñama aptawasso m'a Urim tén han Tumim.

Éxodo 12:43

Aptáhak axta apkeláneya Wesse' egegkok Moisés tén han Aarón se'e: “Keso yaqwánxa katnehek segánamakxa agkok ekhem ektámáxchexa nak kéltósso ápetek ekhem Pascua s'e: Méko sa' xama énxet megkatnaha nak kélenyémeyo xamo' apwanchek etwok kéltósso ekmatñà ápetek,

Éxodo 12:45

Méko sa' xama énxet enxoho megkatnaha nak kélpeywomo xamo', cham'a apwe nak yaqwatakxoho essenhan ma'a ekha nak apxawe kélyánmagkasso aptamheykha, apwanchek etwok kéltósso ápetek.

Éxodo 29:33

Etawagkok sa', hakte cháxa kélmésso yaqwayam kataksek megkólyaqmagkáseykekxa apkeltémakxa melya'assáxma m'a apkelpagkanákpo axta yaqwayam etnahagkok apkelmaxnéssesso énxet'ák ahagkok, tén han apkelxawágko axta apkeltamheykha. Méko sa' eyke pók énxet enxoho apwanchek etwok xa aqsok nak, hakte élpagkanamaxche xa.

Ezequiel 44:8

Megkólláneykegkok nahan chá'a m'a aqsok élpagkanamaxche ahagkok séltémo axta chá'a kóllána', kélméssegkek aqsa chá'a yaqwayam elanagkok ma'a énxet'ák megkatnaha nak kélókxa xamo'.’

Levítico 21:22

Apwanchek sa' eyke etwok xa kelpasmaga nak, tén han ma'a aqsok élpagkanamaxche nak, tén han ma'a élpagkanamaxche agko' nak,

Levítico 22:13

Sa' eyke m'a tampe' enxoho, essenhan apyamasma enxoho atáwa', meyke nak makham étchek, ekmeyeykekxa nak makham ma'a yáp apxagkok, ektéma axta m'a meykexa axta atáwa', awanchek katwok ma'a yáp apto nak. Keñe sa' mopwanchek etwok xama enxoho m'a metnaha nak apkelmaxnéssesso Dios énxet'ák apagkok, tén han ma'a apnámakkok enxoho.

Números 3:10

yoho wánxa elának aptamheykha apteme apkelmaxnéssesso Dios énxet'ák apagkok ma'a Aarón, tén han ma'a aptawán'ák neptámen nak. Yetneyk sa' agkok xama énxet apkelane aptamheykha metnahakxoho apkelmaxnéssesso Dios énxet'ák apagkok. Kólaqhekxak sa'.”

1 Samuel 21:6

Keñe axta apkelmésa pán apkelpagkanamap ma'a apkelmaxnéssesso Dios énxet'ák apagkok, hakte wánxa axta han pán ma'a kélpagkanchesso axta Wesse' egegkok, cháxa kélhaxyawasakxa axta han ma'a néten nak ekwatnamáxchexa aqsok kélyaqmagkasa m'a pán kaxwe apmakhetma nak.

1 Samuel 21:7

Aphegkek axta han xama Saúl apkeláneykha m'a, apheykekxa axta yaqwayam elának aptamheykha m'a kélpakxanma appagkanamap. Doeg axta han apwesey, apteme axta edomita, apkemha apmonye' axta apkeláneseykha Saúl apnaqtósso nepkések.