Levítico 20:12 - Biblia Enxet

¹² “Appathetágkek sa' agkok xama énxet aptánegken, katekyewekxak sa' han xa ánet nak, élsexnánémaxche agko' sa' han katnehek kaletsapok, hakte cháxa ekteme aqsok ekmaso agko' xa.

Levítico 20:12 ပူးပေါင်းရင်းမြစ်များ

Génesis 38:16

Tén axta apyetnakhágwokmo apyepetchegwokmoho, meyke apya'áseyak ektáha aptánegken. Aptáhak axta apcháneya s'e: —¿Ewancheya apathetagkok? —¿Yaqsa sa' hegkések ekyánmaga sepathetéyak? —axta táhak kelán'a.

Génesis 38:18

—¿Yaqsa amenyeyk apekkenchásekxa'? —axta aptáhak Judá. —Hegkés sa' xa apkelqahasso yetlo axát'ák nak, tén han aptasqapeykha apmeyncha'a nak —axta táhak eyátegmowágko. Apkelméssek axta Judá xa aqsok nak, tén axta appathetágko. Lósók axta aptemessásak.

Éxodo 22:2

“Kélwetágkók agkok nahan apmenyexakxa xama énxet apmenyexmo nak chá'a, kélyensássek agkok keñe yetsapok, mexénakpek sa' ektáha apmatñà m'a apketsapa enxoho.

Levítico 18:15

“Ná etnéssessamho aqsa exma exchep ma'a aptánegken nak, hakte apketche aptáwa' m'a; megkapayhawok xép etnéssessamhok exma m'a.

Levítico 18:23

“Ná etnéssesamho exma xama enxoho aqsok nawha'ák, yaqwayam enxoho katnéssesek ekmanyása apyempehek eñama apteme xa. Tén han kelán'a, megkapayhawok katnéssessamhok exma xama aqsok nawha'ák. Cháxa ekteme ekmaso agko' nentémakxa xa.

Deuteronomio 27:23

‘Exkak sa' Dios aplo énxet appatheteykegkokxa nak chá'a m'a apepyámog.’ Apyókxoho énxet sa' etnehek apkelpeywa s'e: ‘Katnahagkok sa'.’