Levítico 2:16 - Biblia Enxet

¹⁶ Keñe sa' apkelmaxnéssesso Dios énxet'ák apagkok, elwatnek nekha m'a aqsok aktek ekyexna kéltekxekxo nak, tén han ma'a pexmok égmenek nak, yetlo m'a ekyókxoho aqsok ánek ekmátsa nak ekpaqneyam éten agkok, katnehek sa' xama kélmésso naqsa aqsok ekxénweykekxoho kélwáxok kélwatno kélmésso naqsa Wesse' egegkok.

Levítico 2:16 ပူးပေါင်းရင်းမြစ်များ

Salmos 141:2

Yána kaxhok ko'o sélmaxnagko aphakxa m'a aqsok ekmátsa nak ekpaqneyam éten agkok, yána kaxhok aqsok kélmésso naqsa nak chá'a taxnám ma'a sélya'asso nak chá'a néten emék,

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Levítico 1:9

Énxet apyentameykenta nak aptósso yaqwayam kawatnaxche', kéméxcheyk elyenyeksek ma'a ekhéyak nak awáxok, tén han ma'a amagkok. Keñe sa' apkelmaxnéssesso Dios énxet'ák apagkok elwatnek ekyókxoho m'a néten ekwatnamáxchexa nak aqsok, yaqwayam katnehek apmésso naqsa ekmátsa nak ekpaqneyam etekhánek Wesse' egegkok.

Levítico 2:12

Kélwanchek eykhe kólmések kempáseyak tén han yányawhéna' apyegmenek Wesse' egegkok, kélteméssessamól'a m'a kélmésso naqsa nak émha amonye' ekyexna aqsok kélcheneykekxa, eyke nágkólmes ma'a élwatnamáxchexa nak aqsok, yaqwayam enxoho katnehek ekmátsa nak ekpaqneyam etekhánek Wesse' egegkok.

Levítico 2:14

“Apkelsántegkessek sa' agkok xép Wesse' egegkok apmésso naqsa aqsok émha amonye' ekyexna nak aqsok aktek ekyexna, kéméxcheyk esógmak ma'a ekyexna élmakhetma nak, kélmakhetchesso nak kélyexnáyam, tén han ma'a kaxwe kélnakxo ekyexna kéltekxekxo émha amonye' apnakxo nak xép.

Levítico 2:15

Kéméxcheyk eyegkenek pexmok égmenek ma'a néten apmésso naqsa nak aqsok, tén han ma'a aqsok ánek ekmátsa nak ekpaqneyam éten agkok, hakte cháxa ekteme apmésso naqsa aqsok aktek ekyexna xa.

Levítico 2:9

Keñe sa' apkelmaxnéssesso Dios énxet'ák apagkok elmok ketsék ma'a kélmésso naqsa nak aqsok, yaqwayam elwatnek ma'a néten ekwatnamáxchexa nak aqsok, yaqwayam katnehek kélmésso naqsa kélwatno ekxénweykekxoho kélwáxok, cham'a ekmátsa nak ekpaqneyam etekhánek Wesse' egegkok.