Levítico 19:32 - Biblia Enxet

³² “Kólxekmósho chá'a kéláyo m'a apkelwányam nak, kólchempekxa chá'a néten apmonye'. Kólteme chá'a kéláyo Dios kélagkok. Ko'o sekteme Wesse'.

Levítico 19:32 ပူးပေါင်းရင်းမြစ်များ

Génesis 31:35

Keñe axta Raquel ektáha s'e: —Táta, ná elaw aqsa magwampákxo enxoho néten apmonye', ekyenyawákxeyk ko'o sekto sakhem. Apkelchetamchek axta eykhe Labán ma'a aqsok apcháyókxa, axta eyke elwetákxa',

Génesis 48:12

Apkelmákxeyk axta apketchek José apkelyementamákxo m'a apyáp, apháxahánteyk axta ekwokmoho aptekxeya ekpayhakxa nápat xapop.

1 Reyes 2:19

Keñe axta ekxega Betsabé ekpaqhetchessákxo m'a wesse' apwányam Salomón, éltennássesa m'a Adonías. Apchampákxeyk axta néten wesse' apwányam apma takha' m'a egken, apháxahánteyk axta amonye'. Tén axta aphákxo makham ma'a néten aptaháno, apkeltamhók axta han kólsantagkasek taháno m'a egken; heyk axta m'a ekpayhókxa apkelya'assamakxa',

2 Reyes 17:36

Hélpeykesho chá'a ko'o, sektáha nak Dios Wesse' kélagkok, ektáha axta sélántekkesso Egipto yetlo sekxekmósso ekyawe agko' sekmowána. Ko'o sa' aqsa chá'a héláwho', tén han hélpeykesho', tén han hélmések chá'a aqsok kélnapma nak.

Job 32:4

Apkelhaxneyk axta aqsa han epenchesagkok apkelpaqhetchesso Job ma'a apqántánxo nak, hakte apketkok apagko' axta m'a Elihú, maxta exnawok ma'a;

Job 32:6

yetlókok axta appaqmeyesma. Élnawágweykxeyk xeyk ko'o sekmako altennaksek ektáhakxa élchetamso ewáxok, hakte étkok ahagko' ko'o, maxnawok kéxegke, kélwányam.

Proverbios 16:31

Apxawe ekwenaqte apha énxet ma'a ekmópeyo nak chá'a apqátek, eñama meyke aptémakxa'.

Proverbios 20:29

Apkelyennaqte chá'a ekpeykessáseykekxa apkelwáxok ma'a wokma'ák; keñe apkelwányam kagkések chá'a ekha kéláyo m'a ektémakxa nak élmope apqatkok.

Proverbios 23:22

Yeyxho chá'a appeywa apyáp, ektáha axta apkelane; ná etaqnaweyha chá'a egken ektáha enxoho ekwányamo'.

Isaías 3:5

Yentexek sa' katnehek apheykha m'a énxet'ák, yenmexekxak sa' aqsa chá'a m'a pók, megkeyxek sa' ma'a apkelxegexma apagko' nak chá'a. Elenmexekxak sa' apketkók ma'a apkelwányam nak, keñe sa' ma'a énxet'ák meyke nak kéláyo, elenmexekxak chá'a m'a énxet'ák ekha nak kéláyo.

Lamentaciones 5:12

Kélnaqtehetchessegkek apmék kélmakheyáseykencha'a néten ma'a apkelámha apmonye'e egagkok, massegkek kéláyo m'a apkelwányam nak.

Levítico 19:14

“Nágkóltamho katnégwomhok exma énxet meyke nak apeyk'ák. “Nágkólpekkenches nahan chá'a xama aqsok ámay apagkok ma'a meyke nak apaqta'ák, yaqwayam katlápagkasek. Kólteme chá'a kéláyo m'a Dios. Ko'o sekteme Wesse' kélagkok.