Levítico 18:8 - Biblia Enxet

⁸ “Ná etwasagkoho apyáp etnéssessamhok exma m'a apteme egken nak xép,

Levítico 18:8 ပူးပေါင်းရင်းမြစ်များ

Génesis 35:22

Apheykmek axta Israel ma'a yókxexma nak, apya'áyekmek axta Rubén appatheteykegko m'a Bilhá, kelán'a apmeykha naqsa axta m'a apyáp. Aplókók apagko' axta han apleg'a m'a apyáp. Doce axta apyókxoho apketchek ma'a Jacob.

Génesis 49:4

Kamaskok sa' eyke apteme apmonye', hakte aphawók xép ma'a yegmen ényé megkólmowána nak kólmagkok: hakte aptawáseykha axta exchep sekyetnamakxa néten, appatheteykegko m'a kelán'a sekmeykha naqsa axta.

Ezequiel 22:10

Yetneyk nahan chá'a m'a appatheteykegkokxa nak chá'a apyáp aptáwa' tén han apyennaqtésso nak chá'a apyempehek emáwhok etnéssessamhok exma m'a kelán'a neyseksa ekyenyaweykekxa ekto.

Levítico 20:11

“Appathetágkek sa' agkok xama énxet apyáp aptáwa', cháxa aptawásegkoho apyáp xa. Kólnápekxak sa' ma'a ánet nak, énxet, tén han kelán'a, élsexnánémaxche agko' sa' han katnehek kaletsapok.

Amós 2:7

Máxa xapop nélteyammeykha apteméssessók apnaqtawáseykegkoho m'a énxet'ák apkelmopyóseka nak, mepékessessók chá'a apkelánekxésso amya'a m'a meyke nak ekpasmo. Apkelyaqmagkásamákpek chá'a appathetéyak xama kelán'a m'a apyáp tén han apketche, aptawáseykha chá'a sekwesey ekpagkanamaxche aptamhéyak xa ektáha nak.

Deuteronomio 22:30

“Méko sa' xama énxet enxoho apwanchek etnéssessamhóxma m'a apyáp aptáwa', hakte awanhek sa' katnehek apmegqasso apyáp aptáha enxoho xa ektáha nak.

Deuteronomio 23:1

“Énxet élpaqxo nak chá'a apancha'ák essenhan ma'a kélyaqténchesso nak chá'a apmeykha, mopwanchek etnehek Wesse' egegkok énxet'ák apagkok.

Deuteronomio 27:20

‘Exkak sa' Dios aplo énxet appathetéyak nak chá'a m'a apyáp aptáwa', hakte emegqaksek sa' apyáp aptáha enxoho xa ektáha nak’. Apyókxoho énxet sa' etnehek apkelpeywa s'e: ‘Katnahagkok sa'.’