Levítico 16:15 - Biblia Enxet

¹⁵ Keñe sa' yaqhek ma'a yát'ay apkennawo' nak, etnéssesek apmatñà ekyánmaga melya'assáxma m'a énxet'ák nak, keñe sa' éma esakxak ma'a teyp nak apyexnamakxa apáwa; yexpaqheykha sa' ma'a amonye' nak yántéseksek átog, tén han amonye' nak, ekhawo apteméssesakxa exchek ma'a éma agkok nak weyke kennawo'.

Levítico 16:15 ပူးပေါင်းရင်းမြစ်များ

Levítico 16:2

Aptáhak axta Wesse' egegkok apcháneya Moisés se'e: “Eltennés sa' Aarón, apepma nak xép, nágyána aqsa chá'a etaxnegwakxak kañe' ekpagkanamaxchexa agko' nak apmakókxa enxoho chá'a etaxnegwakxa', teyp nak apyexnamakxa m'a apáwa apkexyawe, essenhan ma'a ekpayho nak átog ma'a yántéseksek, yaqwayam sa' megyetsepe', hakte axekmósaxkohok sa' ko'o xama yaphope m'a néten nak átog.

Levítico 4:21

Keñe sa' kóltekkesek weyke étkok kennawo' ma'a teyp apkelpakxeneykegkaxa nak énxet, kólwatnek sa' nahan, ekhawo kélteméssesakxa axta m'a amonye' weyke étkok kennawo' nak, hakte cháxa ektáha ekmatñá ekyánmaga melya'assáxma m'a apyókxoho énxet'ák nak.

Levítico 4:5

Keñe sa' natámen emok ketsék éma agkok ma'a weyke étkok kennawo' nak, tén sa' esakxak ma'a kélpakxanma apchaqneykekxexa nak chá'a énxet'ák;

Números 17:11

Apkelanak axta Moisés ekyókxoho apkeltamhókxa axta etnehek ma'a Wesse' egegkok,

Números 28:15

Keñe nahan aqsok élwatnamáxche nak chá'a yókxoho ekhem, kólmések sa' chá'a Wesse' egegkok xama yát'ay apkennawo', yaqwayam emátog ekyaqmageykekxa megkólya'assáxma, yetlo m'a vino ekyetlómo nak chá'a aqsok kélmésso naqsa.