Levítico 15:19 - Biblia Enxet

¹⁹ “Yenyawákxeyk agkok ekto xama kelán'a, katnehek sa' ekmanyása émpehek ekweykmoho siete ekhem. “Ekyókxoho ektáha enxoho ekpaknegweykmoho xa kelán'a nak, kaxénaxchek sa' ektáha élmanyása émpe'ék ekwokmoho ekyáqtésa.

Levítico 15:19 ပူးပေါင်းရင်းမြစ်များ

Lamentaciones 1:17

Kelya'ássek néten amék éltamho eykhe kólpasmok ma'a Sión, méko eyke xama enxoho yaqwayam kapeykessásekxak awáxok. Apkeltamhók Wesse' egegkok ewakhak apkelenmexma m'a Jacob; Aptaqnawágweykmek Jerusalén ma'a énxet'ák nak.

Ezequiel 36:17

“Apkenyetséssegkek axta eñama apkeltémakxa ekmaso israelitas ma'a apheykegkaxa axta kañe' xapop apagkok. Ekhéssamok axta ko'o ektémakxa apheykha m'a ektémól'a aqsok ekmanyása agko' la'a.

Levítico 12:2

Etne sa' elának israelitas se'e: Temék sa' agkok lósók xama kelán'a, ektegkesa enxoho étche apkenna', katnehek sa' ekmanyása émpehek ekweykmoho siete ekhem, ektéma nak chá'a kayenyewekxak ekto.

Levítico 12:4

Keñe sa' egken kalenxanmagkohok eyáxñáseykekxa émpehek ekteyapma éma agkok neyseksa ekteme naqláwa, ekweykmoho treinta y tres ekhem. Yawanchek sa' kapaknegwomhok xama aqsok ekpagkanamaxche', megkataxnegwakxeyk sa' nahan ma'a kélpakxanma appagkanamap nak, megkawokmo enxoho néxa' eyáxñáseykekxa émpehek.

Levítico 15:20

“Ekyókxoho aqsok ekyetnakxa enxoho chá'a néten neyseksa ekyenyaweykekxa ekto xa kelán'a nak, kaxénaxchek sa' ektáha ekmanyása. “Ekyókxoho aqsok ektahanakxa enxoho chá'a m'a, kaxénaxchek sa' ekmanyása.

Levítico 20:18

“Énxet apteméssesseykmoho enxoho exma xama kelán'a ekyenyaweykekxa ekto, kólántekkesek sa' nepyeseksa énxet'ák agkok xa ánet nak, élmanyása émpe'ék sa' han katnahagkok xa ánet nak, hakte megkaláneykegkok ma'a negánémaxchexa nak antéhek, eyánémaxchexa nak katnehek kelán'a neyseksa ekyenyaweykekxa ekto.

Levítico 22:5

essenhan apkenyetsésso nak apyempehek eñama appaknegweykmoho aqsok nawhak ekpexyaweykegkoho nak xapop kaxog, essenhan ma'a énxet ekmanyása nak apyempehek, apteméssesso nak ekmanyása apyempehek ma'a pók appaknegweykmoho,