Levítico 11:35 - Biblia Enxet

³⁵ Ekyókxoho aqsok ektégweykta enxoho ápak xa aqsok nawhak nak, katnehek sa' ekmanyása, megkeyxek sa' ma'a kélmakhetchessamakxa kelpasmaga, tén han ma'a kélwatnamakxa nak táxa: kólyaqnegkesagkok sa', hakte aqsok ekmanyása xa, cháxa eyeyméxko nak han kéxegke kólteméssesek aqsok élmanyása xa.

Levítico 11:35 ပူးပေါင်းရင်းမြစ်များ

Job 39:8

Kalweynchamha chá'a m'a egkexe nak kategyagkok pa'at, kategyagkok chá'a m'a pa'at éltaqmalma nak áwa' yaqwayam katawagkok.

Levítico 11:33

“Tégwa'akteyk sa' agkok nahan yátegwáxwa apwáxok xama enxoho ápak xa aqsok nawhak nak, keñe sa' ma'a ekyókxoho aqsok ekhéyak nak kañe' apwáxok katnehek élmanyása, keñe sa' kólpaxqátekxak ma'a yátegwáxwa nak.

Levítico 11:34

Ekyókxoho nento ekpálweykta enxoho yegmen eñama xa yátegwáxwa nak, élmanyása sa' katnehek; keñe sa' ma'a ekyókxoho aqsok égmenek ekyetno enxoho m'a kañe', katnehek sa' ekmanyása.

Levítico 11:36

“Eyáxñeyo sa' eyke chá'a katnehek ma'a ekteyapmakxa nak yegmen, essenhan ma'a yámelchet ekyamaxchexa nak chá'a yegmen; eyke m'a énxet appaknegweykmoho xa aqsok nawha'ák apák nak, katnehek sa' ekmanyása apyempehek.

Levítico 13:52

Kólwatnekxak sa' chá'a ekyókxoho aqsok ekyápaqmate nak chá'a nekha', hakte negmasse ektepelchamaxche egyempehek ekmaso xa ektéma nak.

Levítico 15:12

“Kólpáxqátekxak sa' yátegwáxwa appaknegweykmoho enxoho xa énxet eksekkeneykha nak apyegmenek; keñe sa' ma'a aqsok élánamáxche nak yántéseksek, kólyenyeksek sa' chá'a.

Levítico 6:28

Kólpaxqátek sa' nahan sógweygke kéllane nak yelpa' kélmeykha nak kélhanma m'a ápetek kélmésso naqsa; kélmáha sa' agkok han kólhánek ma'a sógweygke apkelánamap nak sawo ekyexwase, kólyenyeksek sa' aqsa yegmen kóláxñásekxa'.