Levítico 10:18 - Biblia Enxet

¹⁸ Kóltawagkok xeykhe kéxegke aqsok ekmatñá m'a ekpagkanamaxchexa nak, hakte megkólsáwak éma m'a apwáxok nak kélpakxanma appagkanamap, ekhawo m'a sektáhakxa axta ko'o séláneya kéxegke.

Levítico 10:18 ပူးပေါင်းရင်းမြစ်များ

Éxodo 29:33

Etawagkok sa', hakte cháxa kélmésso yaqwayam kataksek megkólyaqmagkáseykekxa apkeltémakxa melya'assáxma m'a apkelpagkanákpo axta yaqwayam etnahagkok apkelmaxnéssesso énxet'ák ahagkok, tén han apkelxawágko axta apkeltamheykha. Méko sa' eyke pók énxet enxoho apwanchek etwok xa aqsok nak, hakte élpagkanamaxche xa.

Levítico 6:19

Aptáhak axta Wesse' egegkok apcháneya Moisés se'e:

Levítico 6:26

Apwanchek sa' chá'a etwok apkelmaxnéssesso Dios énxet'ák apagkok ma'a kéltósso ekmatñá nak ekyánmaga megkólya'assáxma. Sa' eyke etwok ma'a ekpagkanamaxchexa nak, cham'a nepyáwa nak kélpakxanma apchaqneykekxexa nak chá'a énxet'ák.

Levítico 6:30

Wánxa eyke aqsa megkólwanchek kóltók xama enxoho m'a kéltósso kélmésso nak ekyánmaga megkólya'assáxma, kélseykekxa nak éma agkok ma'a kélpakxanma apchaqneykekxexa nak chá'a énxet'ák, yaqwayam enxoho megkólyaqmagkásekxeyk megkólya'assáxma m'a kélpakxanma appagkanamap nak. Cháxa kéltósso kélaqhe nak, kéméxcheyk chá'a kólwatnek ma'a táxa nak.