Levítico 10:17 - Biblia Enxet

¹⁷ —¿Yaqsa ektáha megkóltawa nak kéltósso kélaqhe ekyánmaga nak magya'assáxma m'a ekpagkanamaxchexa nak? Aqsok ekpagkanamaxche agko' ma'a, Wesse' egegkok axta apmésso kéxegke yaqwayam kólmasséssesek apkelsexnánémap ma'a énxet'ák, tén han kólwetaksek Wesse' egegkok meyaqmagkáseykekxa m'a melya'assáxma nak.

Levítico 10:17 ပူးပေါင်းရင်းမြစ်များ

Éxodo 28:38

Keytek sa' chá'a ekpayhakxa nápat nak ma'a Aarón, emekxak sa' Aarón ekyókxoho m'a aqsok apkelánéyák nak chá'a m'a israelitas megyaqhémo nak chá'a ektémakxa m'a aqsok élpagkanamaxche, tén han ma'a appagkanchesa enxoho chá'a m'a aqsok segkésso naqsa nak ko'o; sa' eyke kañék chá'a sekma takha' aqsok segkésso naqsa m'a aqsok ekpayhe élyenma ekyetno nak ekpayhakxa nápat, ko'o sektáha nak Wesse' kélagkok.

Éxodo 28:43

tén han yaqwayam sa' elatchásekxak chá'a Aarón tén han apketchek apkelántaxnegwákxo enxoho chá'a m'a kélpakxanma apchaqneykekxexa nak chá'a énxet'ák, essenhan ma'a apchaqnágweykxo enxoho chá'a nekha m'a ekwatnamáxchexa nak aqsok, cham'a apkeltamheyncha'a enxoho chá'a elmaxnéssesek énxet'ák ahagkok ma'a kañe' kélpakxanma appagkanamap, yaqwayam enxoho melanagkek chá'a xama aqsok megkapayhawo nak chá'a elanagkok, keñe eletsapok. Cháxa xama segánamakxa apagkok meyke néxa Aarón xa tén han ma'a aptawán'ák neptámen nak.

Levítico 16:22

Cháxa peya sa' eswok ekyókxoho apkeltémakxa ekmaso nak énxet'ák ma'a yát'ay apmahágko enxoho yókxexma meykexa énxet, cham'a meykexa nak ekha.

Levítico 21:22

Apwanchek sa' eyke etwok xa kelpasmaga nak, tén han ma'a aqsok élpagkanamaxche nak, tén han ma'a élpagkanamaxche agko' nak,

Levítico 22:16

tén han megyohok kalpehewakxak melya'assáxma eñama aptéyak ma'a aqsok élpagkanamaxche'. Ko'o sekteme Wesse', sekteméssesso apkelpagkanamap.”

Números 18:1

Aptáhak axta Wesse' egegkok apcháneya Aarón se'e: “Xeyep sa' chá'a kaphemmok apsexnánémap megkataqmela enxoho chá'a élánamáxche aqsok ma'a kélpakxanma appagkanamap tén han ma'a apketchek ekweykekxoho m'a nápakha nak Leví énxet'ák apagkok ektáha nak xép énxet'ák apagkok; xeyep sa' eyke aqsa chá'a wánxa kaphemmok apsexnánémap tén han apketchek eyesagko enxoho chá'a kéxegke kéllánéyak kéltamheykha ektémakxa nak chá'a apkeltamheykha m'a apkelmaxnéssesso Dios énxet'ák apagkok.