Lamentaciones 4:4 - Biblia Enxet

⁴ Hem egkelnapmak ma'a sakcha'a megkalyamasma nak makham neme, kelyamáyak axkok. Kaltemeykha chá'a ektéyak sakcha'a, méko eyke xama enxoho yaqwayam chá'a egkések.

Lamentaciones 4:4 ပူးပေါင်းရင်းမြစ်များ

2 Reyes 18:27

Tén axta sẽlpextétamo asirios aptáha s'e: —Háwe wesse' apagkok, háwe nahan wánxa kéxegkáxa, apkeltémo altennaksek ko'o wesse' apwányam Asiria s'e aqsok nak. Apyókxoho énxet'ák apheykha nak ma'a néten meteymog kélhaxta nepyáwa tegma, hakte kélhawók kéxegke m'a, kóltewekxak sa' kélye', kólyenagkokxak sa' nahan ma'a yegmen kélagkok.

2 Reyes 25:3

Keñe axta ekhem nueve, pelten cuatro xa apyeyam nak, ekyágwokmoho meyk segaqhe m'a tegma apwányam, méko axta entáhak aptókagkaxa énxet.

Salmos 137:6

¡Agkok kaxénak ewáxok xép, keypetchekxak sa' epaqpehek ahaxkok, matnéssesa enxoho apmonye' exchep Jerusalén, amonye' m'a ekpeykeseykekxoho nak chá'a ewáxok!

Salmos 22:15

Yamáyak ahátog, máxa ektémól'a yelpa' ekyamaye; yepetcheykekxeyk ahaxkok epaqpehek. ¡Epekkenmeyk náxop, máxa sétsapma etnéssessók!

Isaías 5:13

Kólnaqlakxak sa' megkatnahakxa nak apkelókxa m'a énxet'ák ahagkok, eñama megkalyaqwáméyak elya'asagkoho'. Eletsapok sa' meyk tén han hem át'ák ma'a apyókxoho énxet, ekweykekxoho m'a apkelámha apmonye'e apagkok.

Jeremías 14:3

Apkelápháseyha etegyagkok yegmen apkeláneykha m'a kelwesse'e; apkelmeyákxeyk chá'a m'a yámelchet, makke elwetágweykxak chá'a yegmen, apkelchexyekmek aqsa chá'a meyke yegmen ma'a yátegwáxwa apagkok; melya'ásegkok aptamhágkaxa, apkelaqlássek apqatkok yetlo ekyawe agko' apkelmegqakto.

Lamentaciones 1:11

Apkellekxagweyha apyókxoho énxet'ák apheykha nak ma'a kañe', aptegyágkek aptéyak; apkelméssek chá'a aqsok apagkok ekyaqmageykekxa nento, yaqwayam enxoho meletsephe'. ¡Wesse', elano sẽlteméssesakxa ekmaso! ¡Kaxén apwáxok setnahakxa nak!

Deuteronomio 28:48

Sa' etnehek apkelásenneykha kéxegke m'a kélenmexma peya nak eláphaksek ey'áwak kéxegke m'a Wesse' egegkok; kóllegagkohok sa' meyk élnapma, tén han hem át'ák, meyke apáwa tén han ma'a ekyókxoho mók ektémakxa nak chá'a nenlegeykegkoho meyke agko' aqsok egagkok. Ellegássesagkohok sa' Wesse' egegkok ekyentaxno agko' kélásenneykha naqsa, ekwokmoho kélmassegwokmo.

Deuteronomio 32:24

eletsapok sa' meyk élnapma tén han negmasse; kamasséssók sa' negmasse ekmáske nak hentéhek; wahak sa' ko'o m'a aqsok nawha'ák éllo élleykha nak naxma tén han ma'a yéwa ekmáske nak hentakxek.