Lamentaciones 4:3 - Biblia Enxet

³ Weykmók semheg nawha'ák éléyak chá'a nam'agkok ma'a étkók, apkellómók apagko' eyke m'a apheykha nak tegma apwányam ahagkok, máxa m'a xápen apkelleykha nak meykexa énxet megkalmopyósal'a elanok apketkók.

Lamentaciones 4:3 ပူးပေါင်းရင်းမြစ်များ

1 Reyes 3:21

Keñe élsaka sekhákxo néten peya wagkok neme hatte, sekwet'a apketsapa. Keñe ekwa'a néten ekhem sélano, keñe sekyekpelcha megkatnaha hatte, ektáha axta ko'o sekwete.

Isaías 13:22

Kalwónmakha sa' semheg nawha'ák éllo m'a kañe' tegma apkelyennaqte nak, keñe sa' ma'a kañe' tegma apkelyawe apkeltaqmalma apagko' nak kallawha m'a aqsok nawha'ák éllo. Chágketwokmek ekhem agkok ma'a Babilonia; megkólwenaqtéssesagkek sa' nahan.”

Isaías 34:13

Kalántépok sa' yámet ekha nak am'ák ma'a tegma apkelyawe apkeltaqmalma apagkok nak, keñe sa' yátape' tén han kentem ma'a tegma apkelyennaqte apagkok nak. Katnehek sa' xama yókxexma élleykegkaxa m'a semheg nawha'ák éllo tén han apkelyexanmomakxa m'a xápen.

Isaías 49:15

¿Kalwagqámhoya chá'a étche xama kelán'a, ektáha nak chá'a étche agko'? ¿Kalwatéssamhoya nahan chá'a eyásekhayo? Kalwagqámak sa' eykhe chá'a m'a mehelwagqámhek sa' eyke ko'o exche'.

Jeremías 19:9

Wának sa' ko'o etawagkokxak aphápetek apketchek apkelennay'a m'a énxet'ák tén han apketchek kelwán'ák, etawagkokxak sa' nahan chá'a aphápetek ma'a pók, eñama melya'assáseyak aptamhágkaxa m'a apkelenmexma apkeltaqnagkamo apagko' nak chá'a neyseksa apwakhe m'a tegma apwányam.

Lamentaciones 2:20

Elano Wesse' egegkok, kalchetam apwáxok méko xama énxet apteméssessama exchep xa ektéma nak. ¿Katawagkokxak enxoho sa' eykel'a chána m'a étchek melyamasma nak makham aptéyak neme? ¿Etekyewekxak enxoho sa' eykel'a nahan apkelmaxnéssesso nak Dios énxet'ák apagkok, tén han ma'a apkellegasso nak appeywa m'a tegma appagkanamap apagkok nak?

Lamentaciones 4:10

Ekháneykekxa ancha'awók han étchek ma'a kelán'ák éltaqmalma axta awáxok; ektéyak axta tamheykekxak ma'a étchek nak, kélmasséssekmo axta m'a tegma apwányam apagkok nak ma'a énxet'ák ahagkok.

Ezequiel 5:10

Etyapok sa' neyseksa exche' m'a énxet apteykekxa nak aphápetek ma'a apketchek, tén han ma'a kélketchek apteykekxa nak aphápetek ma'a apyapmeyk. Alának sa' ko'o m'a yaqwánxa axta atnéssesek, keñe sa' ma'a apkeleymomap nak waxpánchesek ekyókxoho keso náxop.

Levítico 26:29

Keñe sa' kéxegke kóltewekxak aphápetek ma'a kélketchek apkelennay'a nak, tén han ma'a kelwán'ák nak.