Lamentaciones 4:2 - Biblia Enxet

² Máxa weygke apkelánamap la'a yelpa' apkelanél'a xama apkelane yátegwáxwa kaxwók kéltemessásak ma'a apheykha nak Sión, eyaqheykha axta chá'a kélwáxok kóllano', kélhéssamo axta chá'a m'a sawo ekyátekto ekmomnáwa.

Lamentaciones 4:2 ပူးပေါင်းရင်းမြစ်များ

Isaías 30:14

máxa sa' kóltéhek kólmasséssók ma'a ektémól'a yátegwáxwa apkelánamap la'a yelpa', appaqxamól'a apyókxoho, megyeymomap la'a xama nápakha'a apketkok appaqxo negmowána enxoho agmaha antahanchesek átex ólmok ma'a neyseksa táxa nak, essenhan yaqwayam enxoho agyáwak yegmen ma'a yámelchet.”

Isaías 51:18

Méko xama enxoho étchek xe' yaqwayam enxoho éntamha chá'a; méko xama enxoho étchek xe' éktegkesso nak yaqwayam emha chá'a ámek.

Jeremías 19:1

Aptáhak axta ko'o seyáneya Wesse' egegkok se'e: “Exeg, etegye sa' xama yátegwáxwa, eláneyha sa' nápakha apkelámha apmonye'e apagkok nak énxet'ák, tén han nápakha apkelmaxnéssesso énxet'ák ahagkok nano' nak.

Jeremías 19:11

keñe sa' etnehek elának se'e: ‘Aptáhak Wesse' ekha nak apyennaqte s'e: Nápakha'a apketkók sa' ko'o atnéssesek se'e énxet'ák nak, keñe sa' se'e tegma apwányam nak atnéssesek ma'a ektémól'a yátegwáxwa kólpaxqátek, megkólmowánal'a kóllánekxa'. Yókxexma Tófet sa' elátawanyek énxet'ák xa apkeletsapma nak, eñama meyke mók yókxexma yaqwayam kólátawanyek.

Jeremías 22:28

¿Jeconías ya apteme xama yátegwáxwa appaqxo megkólmowánal'a kólmaha, enxeykel'a nahan ma'a aqsok élpaqxo megkólmámenyéhol'a? ¿Yaqsa ektéma kélyenseykmo nak yetlo apketchek ma'a xapop megkólya'áseykegkaxa nak?

Lamentaciones 2:21

Aphágkek aphopák ámay ma'a wokma'ák tén han ma'a apkelwányam nak; aptekyókek ma'a wokma'ák, tén han kelán'a étkók, kélyetxégko chá'a sawo. ¡Apkelnapchek axta exchep ma'a aplawa axta meyke apmopyósa apkelányo!

Lamentaciones 5:12

Kélnaqtehetchessegkek apmék kélmakheyáseykencha'a néten ma'a apkelámha apmonye'e egagkok, massegkek kéláyo m'a apkelwányam nak.

Oseas 8:8

¡Kélsawhomakyek ma'a Israel! Máxa aqsok meyke eyásekhamaxchel'a aptemék apkelányo m'a pók énxet'ák nak,

Zacarías 9:13

Eyeykessek ko'o axát'ák yágke ahagkok sénchesso nak kempakhakma. Judá xa. Ekpekkenchessek nahan xama aktek. Efraín xa. Keñe sa' xép tegma apwányam Sión atnéssesek xama sókwenaqte, wanmexchesek sa' ko'o exchep apketchek ma'a apketchek nak énxet'ák Grecia.”