Lamentaciones 2:3 - Biblia Enxet

³ Xama axta aplawa, apmasséssekmek axta ekyókxoho ektémakxa ekha ekyennaqte m'a Israel. Egyementamákxeyk sempasmo apmopwána sẽlenmexa m'a nélenmexma; ¡apwatneyk táxa m'a nepyeseksa énxet'ák Jacob, kelwatneyk ekyókxoho aqsok ekhéyak nak neyáwa'!

Lamentaciones 2:3 ပူးပေါင်းရင်းမြစ်များ

2 Crónicas 34:25

Hakte élyamasmeyk ko'o kéxegke, kélwatnéssegkek han aqsok ekmátsa nak ekpaqneyam éten agkok ma'a mók aqsok kéláyókxa nak, elókassegkek ma'a ekyókxoho aqsok kéllánéyak nak; cháxa keñamak seklawa nak ko'o sektaqnawaya s'e yókxexma nak, megkamassehek nahan sektaqnagko.

Job 16:15

Yetlo ekyentaxno ewáxok élántaxneykxak ma'a apáwa sẽlwáxaqxamo nak, ekheyk náxop sektekxeya xapop épátek sekmegqakto.

Salmos 132:17

Wának sa' ko'o etépekxak makham xama wesse' apwányam ekha apyennaqte David aptáwen neptámen. Ekpenchessessek ko'o xama cháléwasso yaqwayam agkések wesse' apwányam sélyéseykha nak.

Salmos 74:11

¿Yaqsa ektáha memako nak hempasmok? ¿Yaqsa ektáha peya henlanha aqsa?

Salmos 75:10

hakte emasséssessók sa' ektémakxa nak apkeleymákpoho m'a élmasagcha'a nak apkeltémakxa, eyánchessessamhok sa' eyke apmopwána m'a énxet ektaqmalma nak aptémakxa.

Salmos 75:5

nágkólxénmakha kélyennaqte, nágkólteme megkeyxnegwayam kélpaqmeyesma kélpaqmeta enxoho.”

Salmos 79:5

Wesse' egegkok, ¿yaqsa sa' ekhem elwataksek sẽltaqnawéyak? ¿Megkamassegwomeya sa' aplo ektémól'a táxa?

Salmos 89:24

Wásekhohok sa' chá'a ko'o m'a, mayenyawha sa' nahan chá'a, ayánchessesagkohok sa' apmopwána eñama ko'o.

Salmos 89:46

Oh Wesse', ¿yaqsa sa' ekhem kamassegwók séxánegkesso? ¿Megkamassegwomeya sa' aplo ektémól'a táxa?

Isaías 1:31

Pa'at apák sa' etnekxak ma'a énxet apyennaqte nak, keñe sa' ma'a aqsok apkelane nak katnekxak táxa éllo: káléwhok sa' nahan xamók xa ánet nak, méko sa' nahan xama enxoho kaspanchesek.”

Isaías 42:25

Axta keñamak apkeltaqnaweykegko m'a, apkellegassáseykegkók axta apchahaya kempakhakma ekmaso agko' nak, apwakhéssegkek axta m'a táxa; axta eyke emáheyók elya'ásegwók.

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Jeremías 4:4

Énxet'ák Judá tén han Jerusalén, kólyenyekha nekha kélyempehek, hélya'asagkoho han ko'o sekteme Wesse', kólpekken kélwáxok ma'a ekhémo mók nélpaqhetchásamáxkoho nak; katyapok katnehek seklo ektémól'a táxa eyáléwe, eyáléweykhal'a meyke ekmowána kaspanchesek, eñama kéltémakxa ekmaso.

Jeremías 48:25

Aptáhak Wesse' egegkok se'e: “Kélmasséssekmek apkelyennaqte énxet'ák Moab, massegwokmek ekha apkelmopwancha'a.”

Jeremías 7:20

Cháxa keñamak peya nak ko'o ayenyenták seklo neyseksa s'e yókxexma nak, ko'o sektáha nak Wesse' tén han nepyeseksa xa énxet'ák nak, ekweykekxoho m'a aqsok kélnaqtósso, tén han yenta'a élámha nak yókxexma, tén han aqsok kélcheneykekxa. Sa' katnehek ma'a ektémól'a táxa eyáléwe, megkólmowánal'a kólsapanchesek.”

Lamentaciones 1:13

Néten keñamak apyenyeykento Wesse' egegkok táxa ekweykmoho nak élwatno kañe' exchakkok; epekkenchessegkek kelhanma m'a emonye', keñe setaqhessamo; eyámasmeyk aqsa han, keñe seklegeykegkoho chá'a yókxoho ekhem.

Lamentaciones 4:11

Aplómok apagko' ma'a Wesse' egegkok, axta emágweykekxak aplo; apwatnegkek axta m'a Sión keñe apmassésseykmo ekweykmoho m'a apowhók nak.

Ezequiel 13:13

Cháxa keñamak sektáha nak ko'o sekpeywa s'e, sektáha nak Wesse': Neyseksa seklo sa' ko'o wának katyapok éxchahayam ekyennaqte agko' ekho samaxche'; neyseksa seklo sa' nahan wának kammék ekyawe agko' tén han katyamok yegmen élyennaqte ekho meteymog, yaqwayam sa' amasséssók apyókxoho yetlo seklo.

Ezequiel 7:14

“Kapáwak sa' eykhe kélaqkahasso yaqwayam kampakhaxche'; elánekxak sa' aptamhágkaxa apyókxoho énxet, méko sa' eyke xama enxoho yaqwayam exog elnapakpok. Allegássesagkohok sa' ko'o yetlo seklómo ahagko' ma'a énxet'ák apxámokma nak Israel.

Nahúm 1:6

¿Yaqsa megkatsepek ma'a aplawa enxoho? ¿Yaqsa awanchek kalenmaxaxkohok ma'a aplo nak? Máxa táxa eyáléwe katnehek kapayhekxak ma'a aplo, kamayhekxak chá'a neyseksa apmonye' m'a meteymog.

Malaquías 4:1

Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho.

Deuteronomio 32:22

Eklókók ahagko' ko'o, máxa táxa eyáléwe táhak seklo, kawomhok sa' élwatno m'a kañók agko' nak xapop. Kawatnek sa' ma'a xapop tén han ma'a aqsok ekyexna kélcheneykekxa nak, alwatnek sa' ma'a awhók kañók agko' nak ma'a meteymog élwenaqte.