Lamentaciones 1:9 - Biblia Enxet

⁹ Kelyepetcheyak élnaqta m'a aqsok élmanyása; megkaxeyenmak awáxok yaqweykenxa katnehek. Asagkek ektáhakxa ektéyam; méko xama enxoho yaqwayam epeykessásekxak awáxok. ¡Wesse', elano sẽltemessáseykekxa mékoho tén han ektémakxa apkeleymákpoho m'a sélenmexma!

Lamentaciones 1:9 ပူးပေါင်းရင်းမြစ်များ

2 Samuel 16:12

Lapmaxcheyk sa' heyáphássesek aqsok ektaqmela Wesse' egegkok apleg'a enxoho ektémakxa ekyentaxno ewáxok, ekyaqmagkasso m'a sélyemneykha sekleg'a nak sakhem.

2 Reyes 14:26

Hakte apweteyak axta Wesse' egegkok ektémakxa ekmaso agko' apkellegeykegkoho m'a énxet'ák Israel, méko axta égketamaxko xama enxoho, apweteyak axta méko ekpasmo xama enxoho m'a Israel.

Nehemías 9:32

“Dios egagkok, Dios meyke ekhémo, tén han apyennaqte, tén han ekha kélaye, tén han meyaqmagkasseyam nak ekhémo mók nélpaqhetchásamáxkoho apagkok, tén han ekyawe segásekhayo, kaxén apwáxok ekyókxoho aqsok ekmaso ektémakxa axta m'a kelwesse'e apkelwányam egagkok, tén han apkelámha apmonye'e egagkok, tén han ma'a apkelmaxnéssesso Dios énxet'ák apagkok, tén han ma'a apkellegasso nak appeywa, tén han ma'a ẽlyapmeyk nano' axta, tén han ma'a apyókxoho énxet'ák egagkok, eyeynmo m'a apheykegkaxa axta apkelwesse'e apkelwányam axta Asiria, ekwokmoho s'e kaxwo' nak.

Salmos 119:153

Elano ektémakxa seklegeykegkoho, hemallahanches, hakte mehelwagqeykmok ko'o m'a nélxekmowásamáxche apagkok nak.

Salmos 140:8

Wesse', ná egkés aqsok apkelmopmenyého m'a élmasagcha'a nak apkeltémakxa; nágyoho katyapok ma'a aqsok apmáheyo elanagkok. Apkeleykpok ma'a apheykha nak neyáwa' sekhakxa; ¡yána kápekxak ma'a aptamhágkaxa nak apkelpeywa apkeltamho hetnégwomhok exma ekmaso ko'o!

Salmos 25:18

Elano ektémakxa nak ko'o seklegeykegkoho, tén han sekyampayo, ná eyaqmagkásekxa ektémakxa may'assáxma.

Salmos 69:21

Pánaqte segaqhamo chá'a hénchahassásekxak sekto, hem agkok han chá'a eyaqhak, heyagkok chá'a m'a aqsok égmenek ekmáske amnáye nak.

Éxodo 3:17

Éltennássek axta nahan ko'o apxéna kéxegke apmako elmallahanchesek ma'a ektémakxa nak kéllegeykegkoho m'a Egipto, apxéna elya'aksek ma'a yókxexma apagkok nak ma'a cananeos, hititas, amorreos, ferezeos, heveos, tén han ma'a jebuseos; cham'a xama xapop ényahamakxa nak weyke nagkeygmenek, tén han ma'a yányawhéna' apyegmenek ektémól'a kanyehek ma'a yegmen.’

Éxodo 3:7

Apkelenxanakmók axta eyke aptáha apcháneya Wesse' egegkok se'e: —Naqsók agko' ko'o sekweteya ektémakxa apkellegeykegkoho énxet'ák ahagkok ma'a apheykencha'a nak Egipto. Eklegayak nahan ko'o ektémakxa apkelpaqméteykha apkelxeyenma élleklámeykegko aptamheykegkaxa m'a apkelámha apmonye'e apxegkessesso nak chá'a apkeltamheykha, ekya'ásegkók ektémakxa apkellegeykegkoho.

Éxodo 4:31

Tén axta m'a énxet'ák nak maxta elya'ássekmok. Xama axta apkelya'ásegwokmo apkeláneykencha'a Wesse' egegkok tén han apweteya ektémakxa apkellegeykegkoho. Apkelháxahánteyk axta apkeltekxeyágko aptapnák xapop apkelpeykásawo.

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Isaías 3:8

Naqsók kéltegkesa m'a Jerusalén, keñe Judá kéltawáseyncha'a, hakte cham'a ekxénamaxchexa chá'a aqsok énmexma nak Wesse' egegkok ma'a tén han élánamáxchexa chá'a m'a aqsok eklókassamo nak wesse'.

Isaías 37:17

Wesse', etaqmelchesho sa' apháxenmo. Wesse' etaqmelchesho sa' apkelányo. Yeyxho sa' amya'a apkeltémo exchek ko'o héllegásseták ma'a Senaquerib, amya'a ekyókxoho énmexma nak xép, Dios memassegwayam.

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Isaías 37:29

Watchessesek sa' ko'o exchep apwéhek sawo ekhaxe tén han xama ekmassáseyak chá'a apátog ektémól'a kélatchessesso apwáxok ma'a yátnáxeg, eñama sekwete ektémakxa aplo tén han megyésso yeykpoho', wáphaksek sa' makham etaqhohok epéwhok ma'a ámay appéwomókxa axta apxegeykmo.”

Isaías 37:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

Isaías 40:2

kólpaqhetchesha yetlo éltaqmeleykha kélwáxok ma'a énxet'ák Jerusalén, kóltennés ekmassegwokmo kaxwo' ma'a ektémakxa nak kélásenneykha naqsa ekyentaxno, kóltennés appenchesa apyaqmagkáseykekxa mók ma'a aqsok melaqhémo, tén han sekyeykhássekmoho ko'o séllegassáseykegkoho ekyókxoho m'a melya'assáxma.”

Isaías 47:7

Axta temék chá'a ekpeywa s'e: ‘Atnehek sa' chá'a wesse' meyke néxa'; keñe megkalchetagkáseykencha'a exche' awáxok ektémakxa xa aqsok nak, megkaxeyenmak nahan awáxok yaqweykenxa katnéssesek.

Isaías 51:19

Keso ánet aqsok ekmaso eyáhapwaya nak kéxegke s'e: kélmassésseykmek ma'a kélókxa kelmomaxcheyk nahan aqsok ekhéyak ma'a kañe', apkeletsepmeyk nahan énxet'ák kélagkok meyk élnapma tén han kempakhakma. ¿Yaqsa sa' kayóshok kalanok kéxegke? ¿Yaqsa sa' kalpeykessásekxak kélwáxok?

Isaías 54:11

“¡Tegma apwányam apmopyósa nak ektémakxa, ektegkesso nak éxchahayam ekyennaqte, meyke nak yaqwayam kapeykessásekxak apwáxok! Anegkenchesagkok sa' ko'o exchep meteymog apagkok ma'a néten nak meteymog ekpésyam élyenma, keñe sa' apowhak ekyennaqtéssamakxa nak ma'a meteymog élyápaqmate;

Jeremías 13:27

Ekweteyak ko'o m'a aqsok kélyespagko nak, kélnaqtawáseykegkoho kélnaqteyegka'a kéllane chá'a mók, tén han kéltémakxa segmegqassamo kélhémo m'a kelán'a ekyaqmagkáséyak pók énxet ekpathetéyak ekma chá'a ekyánmaga; tén han kéltémakxa ekmaso agko' ma'a néten egkexe nak tén han ma'a yókxexma nak. ¡Xél'aye Jerusalén! ¿Háxko sa' ekwánxa katnégwók néxa ekteme ekmanyása émpehek?”

Jeremías 16:7

Méko sa' nahan kalának ektámaxche ekyawe ekxeyenma nak egwáxok egmók apketsapma, yaqwayam enxoho kóltaqmelchessásekxak awáxok ma'a apnámakkok, megkeyxek sa' ektáha enxoho apketsapma m'a apyáp essenhan egken.

Jeremías 2:34

Apkeltexneymákpek kélnaqta éma apagkok ma'a énxet'ák meyke nak aqsok apagkok, tén han ma'a meyke nak apkeltémakxa, énxet'ák megkólweteya axta chá'a kéxegke elanagkok xama enxoho m'a aqsok ekmaso agko'.

Jeremías 48:26

Kólnáhakkas anmen énxet'ák Moab, hakte apkenmexeykekxeyk Wesse' egegkok. Keñe sa' eltexneykpekxak apkelyekxo m'a énxet'ák Moab, apyókxoho énxet'ák sa' elesmaksek ma'a.

Jeremías 5:31

Wanchek amya'a m'a apkelxeyenma nak chá'a Dios appeywa apkellegasso; etnahagkok nahan chá'a apmakókxa enxoho etnahagkok apkeláneykha apchókxa m'a apkelmaxnéssesso nak Dios énxet'ák apagkok, ¡kalkohok nahan apkelwáxok énxet'ák ahagkok katnehek xa ektáha nak! ¿háxko sa' eyke kéxegke kóltéhek ekwokmo sa' néxa ekhem?’”

Jeremías 50:29

“¡Kólwónmakha apyókxoho apkelmeykha nak chá'a yágke, yaqwayam sa' ektamagkok ma'a Babilonia! ¡Kólpakxenák sa' ma'a nepyáwa nak tegma apwányam, yaqwayam sa' megyenyehek exyenmok xama énxet enxoho! ¡Kólhésho mók ma'a apteméssessamakxa axta! ¡Kóltemésses ma'a apteméssessamakxa axta! Hakte cheymáxkók axta chá'a appeywa sexéneykencha'a ekmaso ko'o, ko'o sektáha nak Wesse' Dios Appagkanamap ma'a Israel.

Lamentaciones 1:17

Kelya'ássek néten amék éltamho eykhe kólpasmok ma'a Sión, méko eyke xama enxoho yaqwayam kapeykessásekxak awáxok. Apkeltamhók Wesse' egegkok ewakhak apkelenmexma m'a Jacob; Aptaqnawágweykmek Jerusalén ma'a énxet'ák nak.

Lamentaciones 1:21

Apkellegayak eykhe énxet'ák se'e ektémakxa nak sélekxagweykha, méko eyke xama enxoho yaqwayam epeykásekxak ewáxok. Apkelya'ásegkók ektémakxa ekmaso sekha m'a apyókxoho nak sélenmexma, kelpayheykekxók han apkelwáxok setnéssessama ko'o exchep xa. ¡Yána kawak heykxa m'a ekhem apxeyenma axta, keñe sa' kay'ammok han ma'a ektéma nak ko'o sey'áya!

Lamentaciones 2:13

¿Yaqsa ko'o ewanchek axnésho essenhan eytchásekxohok xeye' Jerusalén ektaqmalma? ¿Yaqsa ewanchek eytchásekxohok yaqwayam ataqmelchessásekxak awáxok xeye' Sión ektaqmalma meyke nak kélteméssesseykmoho exma'? Awanhók agko' ektémakxa kélmassésseyam, máxa m'a wátsam ekwányam; ¿yaqsa awanchek kataqmelchessók?

Lamentaciones 4:1

¡Peysamákxeyk ma'a sawo ekyátekto ekmomnáwa nak! ¡Massegwokmek élyenma m'a sawo ekyátekto ekmomnáwa agko' nak! ¡Kexpaqneykha ekyókxoho máséyak ámay ma'a meteymog apagkok nak ma'a tegma appagkanamap!

Lamentaciones 5:1

Wesse' egegkok, kaxénwakxoho apwáxok ma'a sentémakxa axta negko'o; henlano, elano ektémakxa sẽlxéneykha ekmaso.

Oseas 2:14

“Wának sa' kamekxak makham awáxok ko'o: ay'aksek sa' yókxexma meykexa nak énxet, kataqmalmakha sa' sekpeywa alána'.

Sofonías 2:10

Cháxa yaqwánxa sa' katnehek apkelxawéyak ekyaqmageykekxa apkeltémakxa m'a énxet'ák Moab tén han ma'a Amón, eñama apkelxéneykha ekmaso m'a Wesse' egegkok énxet'ák apagkok, tén han eñama apkelyennaqteyásamákpoho apkelyementaméyak chá'a xapop apagkok ma'a Wesse' ekha nak apyennaqte énxet'ák apagkok.

Deuteronomio 26:7

Tén axta nélmaxnagkama negko'o néltémo hempasmok ma'a Wesse' egegkok Dios apagkok nak ma'a ẽlyapmeyk, apháxenmók axta nahan nélmaxnagko negko'o m'a, apweteyak axta m'a ektémakxa ekmaso negheykha, tén han néltamheykha ekyentaxno tén han sẽlnaqtawáseykegkoho;

Deuteronomio 32:27

axta eyke nahan altamhók ko'o hésmaksek ma'a sélenmexma nak; axta altamhók kaleyxkohok apkelpeywa tén han etnehek elpaqmétek se'e: Háwe Wesse' egegkok apteméssesso xa; negko'o nenteméssesso eñama ekha negmowancha'a.’

Deuteronomio 32:29

Kaxtemék axta ekha apkelya'áseyak xa, elyekpelkohok axta; elya'asagkohok axta aqsok élhaxna m'a apmonye'e.

1 Samuel 1:11

Entáhak axta eyáneya s'e: “Wesse' egegkok ekha nak apyennaqte: Apkelanawók sa' agkok xeyep ektáhakxa eklegeykegkoho s'e apkeláneykha nak, ná hélwánaqma aqsa ko'o, hegkés sa' xama sakcha'a, ko'o sa' agkések yaqwayam etnehek apchásenneykha, megkólyaqténchesek sa' nahan apwa'. Sa' katnehek megkatnatchásamáxche xa ektáha kélteméssesso appagkanamap.” Naqsók xa sektáhakxa nak seyáneya.