Jueces 9:15 - Biblia Enxet

¹⁵ Tén axta yámet ekha nak am'ák ektáha éláneya, kélmenyeyk sa' agkok atnehek wesse' apwányam kélagkok, kélyókxoho sa' kólhakha chá'a kóneg pessesse ahagkok; megkólmenyeyk sa' agkok atnehek wesse' apwányam kélagkok, atekkesek sa' táxa yaqwayam kalwatnek ma'a ekyókxoho cedro yámet élaqnéyak nak Líbano.

Jueces 9:15 ပူးပေါင်းရင်းမြစ်များ

2 Reyes 14:9

Aptáhak axta Joás apcháphassásekxo appeywa s'e: “Aptáhak yátapé apcháphássesa appeywa yámet cedro émha nak Líbano s'e: ‘Kagkés étche kelwána m'a hatte apkenna', yaqwayam etnehek aptáwa'.’ Mahágkek axta eyke aqsok nawhak eklo m'a, keñe élteyókmo m'a yátapé.

Salmos 104:16

Kaxek chá'a yegmen élámhakxa m'a yenta'a élyawe, cham'a yámet cedros élámha nak Líbano, apkeneykekxa nak Wesse' egegkok,

Salmos 29:5

kelwáxchetchek Wesse' egegkok appeywa m'a yámet cedros. ¡Apkelekkexchek Wesse' egegkok ma'a cedros élámha nak ma'a Líbano!

Isaías 1:31

Pa'at apák sa' etnekxak ma'a énxet apyennaqte nak, keñe sa' ma'a aqsok apkelane nak katnekxak táxa éllo: káléwhok sa' nahan xamók xa ánet nak, méko sa' nahan xama enxoho kaspanchesek.”

Isaías 2:13

tén han apyókxoho apkene nak exnawok ma'a yámet élyawe cedros élámha nak Líbano, élwenaqtél'a tén han netna'awo', essenhan ma'a yámet robles élyennaqte élámha nak ma'a yókxexma Basán;

Isaías 30:2

Apkelmeyákxeyk ekpekhe agko' ma'a Egipto, keñe ko'o méko sélpaqhetchásamákpoho; apkelya'aweykxeyk apkeltamho elmeyók ma'a faraón, apkelhákxeyk ma'a kañe' Egipto apkeltamho elmeyawakpok.

Isaías 37:24

Apkeláneykha axta exchep apkeláphásak apwanyeykencha'a m'a Wesse' egegkok. Axta aptáhak se'e: ‘Yetlo ekxámokma yátnáxeg apkelyenyawasso ahagkok eyántak ma'a egkexe étseksek nak, cham'a ektáhakxa nak netnók agko' ma'a Líbano. Élyaqténchessek ma'a yámet cedros agkok élwenaqte agko' nak, tén han ma'a yámet pinos éltaqmalma agko' nak. Ekwokmók ma'a naw'ék netnók agko' nak, tén han ma'a naxma agkok ekyentaxno ekhémo nak kélcheneykekxexa aqsok.

Lamentaciones 4:20

Apmomakpek ma'a Wesse' egegkok apkelyéseykha nak, sẽlwasqakkáseykekxoho axta chá'a, cham'a wesse' apwányam nentéma axta chá'a agának se'e: “Aghakha sa' chá'a negko'o aphakxa exchep nepyeseksa énxet'ák yaqwayam hẽlmeyók chá'a”.

Ezequiel 19:14

Tekkek kaxwók táxa eñama m'a aktegák nak, kelwatneyk ma'a kaxwe éltekteyapma nak áwa' tén han ma'a ekyexna. Méko kaxwók eyeymomáxche m'a aktegák élyennaqte nak, kélláneyo axta chá'a m'a yámet apkelmeykha nak chá'a m'a kelwesse'e apkelwányam.’” (Cháxa xama negmeneykmasso senlapwayam nak xa. Kólmaha sa' chá'a xa.)

Ezequiel 31:3

Aphawók xép ma'a yámet ciprés essenhan ma'a yámet cedro émha nak yókxexma Líbano, éltaqmalmal'a áwa', ekyentaxnól'a pessesse agkok katnamok ma'a naxma, élwenaqte agko' la'a, élweykekxohol'a naw'ék ma'a yaphope.

Daniel 4:12

Keltásók agko' axta han ma'a áwa' xámok axta han ekyexna, awanchek axta kasawhekxohok aptéyak apyókxoho énxet'ák. Kelyáqtegkek axta kóneg ma'a aqsok nawha'ák élleykha nak yókxexma, keláneykegkek axta han axanák náta m'a aktegák nak, keleykegkek axta aptéyak apyókxoho énxet'ák keso nélwanmeygkaxa nak.

Oseas 14:7

Ko'o sa' atnehek makham séltaqmelchesso m'a Israel, keñe sa' exámekxak aptémól'a hótáhap apaktek, máxa anmen yámet élyapwél'a sa' etnahagkok; kapayhekxak sa' apkelwesey, ektémól'a anmen yámet égmenek eñama nak Líbano.

Números 21:28

Hesbón keñamak ekteyapma táxa eyáléwe, Sihón tegma apwányam apagkok nak, ekmassessekmo nak ma'a Ar, yókxexma nak Moab, tén han ma'a apheykha nak egkexe Arnón.

Jueces 9:14

“Tén axta yenta'a élaqnéyak nak yókxexma éltamho katnehek wesse' apwányam agkok ma'a yámet ekha nak am'ák.

Jueces 9:16

“Keñe ko'o kaxwo' sektáha sélmaxneyáncha'a s'e: ¿Táseya kéltáhakxa kéxegke kélteméssesa wesse' apwányam ma'a Abimélec? ¿Kélhésawóya ektaqmalma apteméssessamakxa nak chá'a kéxegke m'a Jerubaal tén han ma'a aphawóxama?

Jueces 9:20

sa' agkok kóltáhak xa ektáha nak, ¡etekkesek sa' táxa m'a Abimélec, yaqwayam sa' kamasséssók apyókxoho m'a apheykha nak Siquem tén han Bet-miló, keñe sa' han Siquem tén han Bet-miló, yaqwayam sa' kamasséssók ma'a Abimélec!”

Jueces 9:44

Apketámegkek axta Abimélec yetlo apkelxegexma'a apchaqnágwokmo apkelánencha'a m'a átog nak tegma apwányam, keñe axta m'a nápakha apketámegko apkelnapa m'a apkelmahéyak axta yókxexma;

Jueces 9:49

Apyókxoho axta apkelyaqtennágkok yámet aktegák, keñe apkelyetlawa m'a Abimélec ekweykekxoho m'a tegma apyennaqte, kélpeykessamókxa axta chá'a aqsok kéláyókxa, apchánchesákxeyk axta ekyókxoho yámet aktegák, keñe apwatna, cháxa ektáhakxa axta apkelnapa apyókxoho m'a apheykha nak Migdal-siquem, mil axta apwokmok apyókxoho, énxet tén han kelán'ák.