Jueces 6:5 - Biblia Enxet

⁵ Elántaxnéssak axta chá'a apnaqtósso m'a xapop nak Israel, elpakxenagkok axta han chá'a, etwasha axta m'a ekyókxoho nak. Elxegmak axta chá'a yetlo yányátnáxeg apxámokma apagko', aptémól'a sawa' apxámokma.

Jueces 6:5 ပူးပေါင်းရင်းမြစ်များ

Cantares 1:5

Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

Isaías 13:20

Mexnekxók sa' chá'a énxet ma'a, méko sa' kaxnekxak xama enxoho m'a kañe' nak. Kamaskok sa' elpakxenagkok énxet'ák Arabia m'a, mellókassessekxék sa' nahan chá'a kaxwók apkelyampe nepkések apnaqtósso keláneykha nepkések ma'a.

Isaías 60:6

Kólwetak sa' ewakhegwak apxámokma apagko' yányátnáxeg apkeleñama m'a Madián tén han ma'a Efá; elwak sa' apyókxoho m'a énxet'ák apkeleñama nak Sabá, elpatmohok sa' ma'a sawo ekyátekto élmomnáwa tén han ma'a aqsok ánek ekmátsa nak ekpaqneyam éten agkok, elxének sa' nahan aqsok éleymáxkoho apkelane nak ma'a Wesse' egegkok.

Jeremías 46:23

¡Elyaqténchesagkok sa' ma'a yenta'a apagkok naxma ekyentaxno nak! Ko'o sekxeyenma xa, sektáha nak Wesse'. Apxámok apagkok ma'a, mexnawok ma'a apweykenxal'a apxámokma sawa', méko awanchek kalyetsetek.

Jeremías 49:29

Kólyementamák ma'a apkelpakxenéyak nak, tén han ma'a apnaqtósso nepkések, tén han ma'a apkelpakxanma nak chá'a, yetlo m'a ekyókxoho aqsok apagkok apkelmeykegkaxa nak chá'a. Kólyementamák ma'a yányátnáxeg apkelchánte, kólteme kólpáxegkesha ekyennaqte kólyegwakkasek se'e: ‘¡Sawheykxók élmeneymáxche ekyókxoho yókxexma!’

Jeremías 49:32

¡Kólmenyexchesák yányátnáxeg apkelchánte, tén han ma'a ekyókxoho aqsok apnaqtósso! Waxpánchesek sa' ko'o alya'aksek ekyókxoho yókxexma xa énxet'ák apkelmópéssamo nak chá'a apkelyésesso élpayhakxa nápaqta'a; ekyókxoho yókxexma sa' wahak aqsok ekmaso. Ko'o sekxeyenma xa, sektáha nak Wesse'.

Jeremías 51:14

Aptáhak apxéna ekmámnaqsoho Wesse' ekha nak apyennaqte s'e: “¡Wáhakkassak sa' ko'o exchep apkelenmexma, aptémól'a sawa', elátsaha sa' nepyeseksa exchep elmallánek ma'a!”

Deuteronomio 28:33

Keñe sa' ma'a kélnakxo nak aqsok kélcheneykekxa m'a xapop kélagkok tén han ma'a ekyókxoho ekyexna eñama nak kéltamheykha, etókasek sa' ma'a énxet'ák megkólweteya axta kéxegke, megkamassegwomek sa' chá'a kéllegeykegkoho kélnaqtawáseykegkoho tén han ekmaso kélteméssesakxa.

Jueces 7:12

Appayhekxeyk axta madianitas, amalecitas tén han apkeleñama nak teyepmakxa ekhem ma'a ekyókxoho nak ekyapwátegweykenxa. Máxa sawa' apxámokma axta aptamhágkok. Apxámók apagko' axta han ma'a yányátnáxeg, máxa m'a xapop ánek ekhéyak nak neyáwa wátsam ekwányam.

Jueces 8:10

Axta aphak Zébah tén han Salmuná m'a Carcor, yetlo quince mil énxet apkelxegexma'a, axta m'a sẽlpextétamo apkeleymomap apkeleñama axta m'a ekteyapmakxa ekhem, hakte apkeletsepmeyk axta ciento veinte mil énxet apkelxegexma'a.

Jueces 8:21

Keñe axta Zébah tén han Salmuná aptáha apcháneya m'a Gedeón: —¡Hẽlnáhap xép! ¡Ekyennaqte apwáxok chá'a keykpelchexkohok ma'a énxet! Apchampákxeyk axta néten Gedeón keñe apkelnapa, apkelmeyk axta m'a aqsok apkelchexenchesso axta apyespa'ák apkelnáxegkáseykha yányátnáxeg apchánte m'a Zébah tén han Salmuná.

1 Samuel 30:17

Apketámegkek axta han David eyeynmo axto'o ekweykekxoho taxnám, wánxa axta aqsa han apkeleymékpo m'a cuatrocientos wokma'ák apkelchánte axta yányátnáxeg apkelxegányam, keñe m'a nápakha nak apsawhawo apkelnapa.