Jueces 6:23 - Biblia Enxet

²³ Aptáhak axta apchátegmowágko Wesse' egegkok se'e: —Nágkatneykha aqsa apwáxok, megyetsepek sa'. Ema sa' meyke ektáhakxa egwáxok eñama nak ko'o.

Jueces 6:23 ပူးပေါင်းရင်းမြစ်များ

Génesis 32:30

Penuel axta aptemessásak ekwesey Jacob xa yókxexma nak, hakte axta aptáhak se'e: “Ekwet'ak ko'o Dios ahaqta'ák ahagko', makke watsapak.”

Génesis 32:31

Tekkek axta ekhem apxega Jacob apkeñama m'a Penuel; apyaqteyágkek axta eyke apxega eñama ekleyamaxche awhak apyók.

Génesis 43:23

Aptáhak axta apkemha apmonye' apchátegmowágkokxo s'e: —Nágkatneykha kélwáxok, nágkole'. Axta kexa apchaqxegkessesso yágkentamáhak kélagkok kéxegke selyaqye m'a Dios kélagkok nak kéxegke tén han ma'a kélyáp Dios apagkok, hakte ekmomchek axta ko'o selyaqye kélyánmagkasso axta kéxegke. —Aptekkessákxeyk axta han apkemha apmonye' m'a Simeón, apyentamákxeyk axta m'a aphágkaxa axta;

Salmos 85:8

Weyxhok sa' ko'o peya nak exének Wesse' egegkok; hakte exének sa' egkések meyke ektáhakxa apheykha m'a énxet'ák apagkok, cham'a ektáha nak chá'a melyenseyam apkelyetleykha, melánegkokxo enxoho makham apkeltémakxa élyeyháxma.

Daniel 10:19

aptáhak axta seyáneya s'e: ‘Nágye aqsa, nágkatneykha apwáxok. Apchásekhayók xép ma'a Dios; ¡ewasqápekxoho, énnaqteyásekxoho apwáxok!’ “Ekyekpelcheyk axta peya amekxak makham sekyennaqte neyseksa sepaqhetchesso, tén axta sektáha seyáneya s'e: ‘Wesse', héltennés kaxwók apmako exchek héltennaksek, hakte egkeyásekxeyk makham sekyennaqte.’

Jueces 19:20

Tén axta kelaphope aptáha apchátegmowágko s'e: —Nók sa' exagkok. Ko'o sa' almések chá'a ekyókxoho aqsok kélámenyéxa enxoho chá'a. Maltamhók ko'o kólnaqtének axta'a s'e apheykegkaxa nak chá'a énxet elweynchamha.

Jueces 6:22

Xama axta apya'ásegwokmo Gedeón aptáha Wesse' egegkok apchásenneykha m'a. Aptáhak axta s'e: —¡Hay Wesse'! ¡Ekwet'ak ko'o ahaqta'ák ahagko' ma'a Wesse' egegkok apchásenneykha!

Jueces 6:24

Tén axta Gedeón apkelánesa xama aqsok ekwatnamáxchexa Wesse' egegkok ma'a, apteméssessek axta ekwesey “Wesse' egegkok apteme meyke ektáhakxa egwáxok”. Makhemek makham ekyetno Ofrá xa ekwatnamáxchexa nak aqsok, tegma apwányam apagkok nak ma'a Abiézer apnámakkok.