Jueces 5:31 - Biblia Enxet

³¹ “¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.

Jueces 5:31 ပူးပေါင်းရင်းမြစ်များ

2 Samuel 18:31

Yetlókok axta han apweykekxa m'a énxet Etiopía, keñe aptáha s'e: —Ema sa' takha' s'e amya'a ektaqmalma seksántegkesa nak, wesse': sakhem ektaqmela apteméssesakxa exchep ma'a Wesse' egegkok, apmallahanchesa nepyeseksa m'a apyókxoho apkenmexeykekxa axta chá'a exchep, wesse'.

2 Samuel 18:32

Apkelmaxneyáha axta wesse' apwányam ma'a énxet Etiopía: —Kenhan ma'a Absalón, ¿táseya apha? Apchátegmowágkek axta énxet Etiopía: —Emassegwomho annal'a apkelenmexma nak xép, wesse', tén han ma'a apyókxoho apkenmexeykekxa nak chá'a exchep, tén han ma'a apmáheyo nak chá'a etnéssessamhok exma ekmaso exchep, ekhawo ektáhakxa nak ma'a wokma'ák nak.

2 Samuel 23:4

exhok sa' ma'a ektémól'a katyapok ekhem axto'o, máxa sa' etnehek ma'a ekhem éltátchesso meykel'a yaphope, ektaqmelcháseykekxal'a pa'at natámen ekmámeye.’

Salmos 19:6

Katyapok chá'a ekhem xama nekha yaphope, kayeyhekxak chá'a kataxnegwakxak ma'a mók nekha nak, méko han xama enxoho awanchek keyxánegkesek ma'a ekmexanma.

Salmos 20:8

Kalyelqaxkohok eyke chá'a apyay'ák ma'a, keñe elyaqnenek chá'a, keñe negko'o, mólyaqnenek chá'a, ólchempekxak chá'a néten.

Salmos 37:6

Yának sa' kataxchek ma'a aptémakxa ekpéwomo nak xép, máxa sa' ekhem éltátchessól'a yetseksók ekhem katnehek ma'a aptémakxa eyáxñeyo.

Salmos 89:36

etnahagkok sa' chá'a kelwesse'e apkelwányam apyaqmagkasso m'a aptawán'ák neptámen meyke néxa, megkamassegwánxa nak makham ekhem.

Salmos 89:37

¡Etnahagkok sa' chá'a kelwesse'e apkelwányam, aptémól'a pelten memassegwayam! ¡Megkamassegwánxa nak makham néten!”

Salmos 91:14

“Awagkasek sa' chá'a ko'o teyp, ay'aksek sa' chá'a meykexa ektemégweykmoho exma, hakte eyásekhayók ko'o m'a, ey'ásegkok nahan.

Salmos 92:10

Eyánchessáseykegkók ko'o exchep sekyennaqte, ekweykenxal'a ekyennaqte m'a weyke kennawo', éxpaqhássessegkek nahan épátek ma'a sokmátsa nak.

Salmos 92:9

Wesse', naqsók eyke negya'ásegkoho negko'o peya kólmasséssók ma'a apkelenmexma nak; tén han kélmáheyo kólexpánchesek apyókxoho m'a apkeláneykegkoho nak chá'a aqsok ekmaso.

Salmos 97:10

Yásekhohok Wesse' egegkok ma'a aptaqnagko nak aqsok ekmaso; emyók han chá'a m'a melyenseyam nak chá'a apkelyetleykha; megyohok chá'a emok ma'a élmasagcha'a nak apkeltémakxa.

Salmos 97:8

Oh Wesse', kelpayhekxeyk agko' apkelwáxok ma'a apheykha nak Sión, tén han ma'a tegma apkelyawe nak Judá, eñama m'a apkeltémókxa nak chá'a etnahagkok;

Éxodo 20:6

Altaqmelcheshok eyke chá'a ko'o ekyetlómo sélásekhayo m'a énxet'ák ektáha nak chá'a seyásekhayo, tén han ma'a apkeláneyo nak chá'a m'a segánamakxa ahagkok ekweykekxoho m'a apketchek, tén han ma'a aptawán'ák megkatnégwayam néxa.

Proverbios 4:18

Máxa kaxwe ekteyapma ekhem élsassóxmal'a ámay apagkok ma'a énxet'ák élpéwomo nak apkeltémakxa': kataqmelchesagkohok aqsa kalsaksek exma, ekwokmoho m'a ekyennaqwokmo élsassóxma.

Daniel 12:3

Máxa aqsok élápogwátéyak néten sa' etnahagkok elápogwátek ma'a apkelyekpelchémo nak aqsok, apnaqlo axta chá'a ámay ekpéwomo m'a apxámokma énxet; ¡elápogwátek sa' meyke néxa, aptémól'a yaw'a!

Oseas 6:3

¡Ólwasqápekxohok hana agya'ásegwók Wesse' egegkok! Hegyo'ótak sa' negko'o Wesse' egegkok, ektémól'a katyapok ekhem, ektémól'a kamme' kayássesek xapop, ekmáxaqxamakxal'a exma, tén han élyapweykxal'a yenta'a.

Deuteronomio 6:5

“Kólásekhoho Dios Wesse' kélagkok, ekweykmoho kañók agko' kélwáxok, tén han ekweykmoho m'a élchetámeykegkaxa nak kélwáxok, tén han ekweykmoho m'a kélyennaqte nak.

Deuteronomio 7:9

Kólya'asagkoho sa' Dios Wesse' kélagkok apteme Dios apmámnaqsoho apagko', apkelánéssamo nak chá'a meyke apyenseyam ekhémo mók nélpaqhetchásamáxkoho apagkok ma'a apyókxoho énxet ekweykekxoho m'a kaxwe apkektegéyak nak tén han ma'a peya nak elántépekxak makham egmonye', cham'a ektáha nak chá'a apchásekhayo, tén han apkelane nak chá'a m'a apkeltémókxa nak chá'a antéhek;

Jueces 3:11

Tén axta natámen xa, ektaqmeleykekxo makham apheykha énxet'ák ma'a yókxexma, ekweykmoho cuarenta apyeyam. Keñe axta natámen apketsapma Otoniel,

Jueces 3:30

Axta temék israelitas apmoma m'a Moab. Natámen axta xa ektaqmeleykekxo makham apheykha m'a yókxexma nak, ekweykmoho ochenta apyeyam.