Jueces 5:3 - Biblia Enxet

³ ¡Kóleyxho sekpeywa kéxegke kelwesse'e apkelwányam nak! ¡Kóleyxho sekpeywa kéxegke kéltaqmelchesso nak kélókxa! ¡Anneykmássesek sa' ko'o Wesse' egegkok!, ¡anneykmássesek sa' ma'a Dios apagkok nak Israel!

Jueces 5:3 ပူးပေါင်းရင်းမြစ်များ

Génesis 6:17

Wáphaksek sa' ko'o ekmámeye ekyawe agko' keso náxop, yaqwayam sa' kápok yegmen xapop, kamasséssók sa' ekyókxoho aqsok ekha nak élennama ekyókxoho yókxexma keso náxop, kaletsapok sa' ekyókxoho aqsok ekhéyak nak néten xapop.

Génesis 9:9

“Apekkenchesek sa' ko'o kéxegke ekhémo mók nélpaqhetchásamáxkoho ahagkok, tén han ma'a kéltawán'ák nak kéxegke,

1 Reyes 18:22

Keñe axta Elías aptáha makham: —Ko'o aqsa exakko' seyeymomáxko sekteme seklegasso Wesse' egegkok appeywa, keñe cuatrocientos cincuenta m'a Baal nak apkellegasso ekpeywa.

1 Reyes 19:10

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”

1 Reyes 19:14

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”

Esdras 7:21

Ko'o Artajerjes, sekteme nak wesse' apwányam, éltamhók ko'o elmések Esdras, apteme nak apkelmaxnéssesso Dios énxet'ák apagkok, apkelxekmósso apkeltámésamap nak ma'a segánamakxa apagkok nak Dios apha nak néten, ekyókxoho aqsok apkelmaxneyakxa enxoho chá'a m'a apkeltaqmelchesso nak aqsok élmomnáwa, apheykha nak ma'a teyp wátsam Éufrates, ekpayho nak ektaxnegwánxa ekhem,

Salmos 119:46

Axének sa' chá'a ko'o apchánamakxa antéhek nápaqta'awók kelwesse'e apkelwányam, mamegqayhek sa' chá'a.

Salmos 146:2

Alpeykeshok sa' chá'a ko'o Wesse' egegkok sekyennákxa nak makham; anneykmássesek sa' ko'o negmeneykmasso Dios ahagkok, sekhakxa nak makham.

Salmos 27:6

Keñe sa' ko'o amallánek nepyeseksa m'a sélenmexma; keñe sa' ewanchek alnáhakkasek aqsok ma'a tegma appagkanamap nak, tén han awónchesha kapayhekxak ewáxok, tén han anneykmássesek negmeneykmasso m'a Wesse' egegkok.

Salmos 61:8

keñe sa' alteméssesek chá'a ko'o eyeymáxkoho apwesey meyke néxa, alának sa' chá'a ko'o aqsok sekxeyenma alának yókxoho ekhem.

Éxodo 31:6

Ekteméssessek nahan ko'o appasmeykha aptamheykha m'a Oholiab, apketche nak ma'a Ahisamac, apkeñama nak nepyeseksa m'a Dan énxet'ák apagkok. Ekméssek nahan ko'o néten apkelya'áseyak ma'a énxet apmopwancha'a nak chá'a aqsok, yaqwayam sa' elanagkok ekyókxoho m'a séltamhókxa enxoho chá'a ko'o elanagkok:

Levítico 26:28

alenmexekxak sa' ko'óxa kéxegke, yetlo seklo sa' allegássesagkohok ko'o makham ekyentaxno agko', eñama megkólya'assáxma.

Deuteronomio 32:1

“Néten, keyxho sa' sekmako nak ko'o altennaksek; xapop, kañoho sa' sekpeywa.

Deuteronomio 32:3

“Sa' atnehek ko'o axének Wesse' egegkok apwesey s'e: ¡kólya'asagkoho sa' apteme apwányam apagko' ma'a Dios egagkok!

Jueces 5:7

apkeltaqmópeykegkek axta m'a tegma apketkók nak Israel, tén axta ko'o sémpeykekxo néten, ¡ko'o, Débora, sekteme nak sekho egken ma'a énxet'ák Israel!