Jueces 5:21 - Biblia Enxet

²¹ Sawhawók axta élsawa m'a yegmen ényé, cham'a nanók yegmen ényé nak ma'a Quisón. ¡Xeyep sa' elteyágkasagkok apyespa'ák ma'a ekha nak apkelmopwancha'a!

Jueces 5:21 ပူးပေါင်းရင်းမြစ်များ

Génesis 49:18

“¡Xép, Wesse' ahagkok, élhaxneyk ko'o hewagkasek teyp!

1 Reyes 18:40

Keñe axta Elías aptáha apkeláneya s'e: —¡Kólma sa' Baal apkellegasso ekpeywa! ¡Nágkólho aqsa exyenmok xama enxoho! Apkelmeyk axta m'a énxet'ák, apnaqlókek axta Elías ma'a alwáta' nak Quisón, cha'a apkelnáhapwánxa axta han ma'a.

Salmos 44:5

xép sempasmo axta keñamak negmenxanma m'a nélenmexma; ¡xép apwesey axta keñamak nentemessáseykekxo kóneg ma'a ektáha axta chá'a segketámeyam!

Éxodo 15:2

Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Miqueas 7:10

Elwetak sa' nahan ma'a sélenmexma nak, cháxa peya sa' kalmegqaksohok apagko' xa. Hakte axta etnehek chá'a heyának se'e: “¿Háxko aphakxa Dios Wesse' apagkok?”, alanha sa' ko'o kaxwo' kólteyammaha ektémól'a yelpa' m'a ámay nak.

Jueces 4:13

yetlókok axta apcháncheseykekxa novecientos yátnáxeg apkelyenyawasso apagkok sawo émpe'ék, keñe han ma'a apyókxoho sẽlpextétamo apagkok, apkelyetlókek axta han apkelxega apkeleñama m'a Haróset-goím, ekweykmoho m'a alwáta' nak Quisón.

Jueces 4:7

Wának sa' ko'o epéwhok exegmak Sísara emyógmak ma'a alwáta' nak Quisón, apteme nak apkemha apmonye' apagkok ma'a Jabín sẽlpextétamo apagkok, yaqwayam ektámegmak xeyep yetlo yátnáxeg apkelyenyawasso apagkok, tén han sẽlpextétamo. Wának sa' eyke ko'o exchep emok ma'a.’