Jueces 5:2 - Biblia Enxet

² “Kóltemésses sa' kélyókxoho apcheymákpoho Wesse' egegkok, hakte apháha makham Israel énxet'ák appenchessamo nak aptamhágkaxa yaqwayam yempakha'; yetneyk makham nepyeseksa énxet'ák meltaqhessamo nak kóláneyha yaqwayam yempakha'.

Jueces 5:2 ပူးပေါင်းရင်းမြစ်များ

2 Crónicas 17:16

tén axta han aptétéyak ma'a Amasías, Zicrí axta apketche, apteme axta apmáheyo apagko' etnéssesha m'a Wesse' egegkok, yetlo m'a doscientos mil sẽlpextétamo megyeye nak elmahagkok eyesagkexa'.

Nehemías 11:2

Tén axta énxet'ák apkeltamho kataqmelhok chá'a apheykha apyókxoho, apmáheyo apagko' nak chá'a elhók ma'a Jerusalén.

Salmos 103:2

Alpeykeshok sa' chá'a ko'o Wesse' egegkok ekweykmoho kañók agko' ewáxok; mehelwánaqmeyk sa' chá'a xama enxoho m'a aqsok éltaqmalma apkelane nak.

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Salmos 136:15

Apweykáseykegko axta Wátsam Ekwányam Ekyexwase m'a faraón, yetlo sẽlpextétamo apagkok, hakte megkamassegwomek chá'a segásekhayo.

Salmos 18:47

Cha'a apteme Dios seyaqmagkassáseykekxa nak chá'a mók sélteméssessamakxa m'a, tén han sélmésso m'a énxet'ák yaqwayam atnehek séláneykha.

Salmos 48:11

¡Kalpayhekxa kélwáxok kélheykha nak egkexe Sión! ¡Kólnextegmakha néten kalpayhekxak kélwáxok kélheykha nak tegma apkelyawe Judá, eñama ekpéwomo apkelánekxésso kélheykha m'a Dios!

Salmos 94:1

Wesse' Dios, apyaqmagkáseykekxoho nak chá'a nentémakxa, henxekmósap.

Salmos 97:8

Oh Wesse', kelpayhekxeyk agko' apkelwáxok ma'a apheykha nak Sión, tén han ma'a tegma apkelyawe nak Judá, eñama m'a apkeltémókxa nak chá'a etnahagkok;

Deuteronomio 32:43

“¡Énxet'ák, kélheykha nak ekyókxoho apchókxa, kalpayhekxa kélwáxok xamo' ma'a Dios énxet'ák apagkok! ¡Sa' exnésseshok mók aptekyawa apkeláneykha m'a, exnésseshok sa' mók apteméssessamakxa m'a apkelenmexma nak, yásekhekxohok sa' ma'a apchókxa nak tén han ma'a énxet'ák apagkok!”

Deuteronomio 33:21

Gad nahan apmak ma'a xapop ektaqmelakxa agko' nak, xama xapop ekpayhémo nak yaqwayam elxawagkok ma'a sẽlpextétamo apkelwesse'e. Aptemék apkemha apmonye' apagkok ma'a énxet'ák, apkelanak ma'a apkeltémo axta chá'a elának ma'a Wesse' egegkok péwók axta nahan apkelánekxésso chá'a amya'a apnámakkok ma'a kañe' Israel.”

Jueces 5:9

“¡Ekméssek ko'o ekxeyenma ewáxok ma'a apkelámha apmonye'e apancha'awo nak ma'a Israel, tén han ma'a sekhawóxama nak, ektáha axta apkelyeheykekxoho kéláneyeykha, yaqwayam yempakha'! ¡Kóltemésses sa' kélyókxoho apcheymákpoho Wesse' egegkok!