Jueces 5:19 - Biblia Enxet

¹⁹ “Keñe axta apkelxegakmo m'a apkelwesse'e apkeleñama m'a Taanac, ekpayho nak ekyetnamakxa yegmen ma'a Meguido; apkelxegakmek axta m'a apkelwesse'e nak cananeos yaqwayam yempakha', axta eyke elwet'ak ma'a selyaqye tén han aqsok élmomnáwa.

Jueces 5:19 ပူးပေါင်းရင်းမြစ်များ

Génesis 14:22

Aptáhak axta apchátegmowágkokxo Abram se'e: —Naqsók ko'o ektemessásak Wesse' egegkok, Dios meyke nak ekhémo, ektáha nak apkelane néten tén han keso náxop,

Génesis 4:16

Aptekkek axta Caín xa yókxexma nak, appaqhetchesakxa axta Wesse' egegkok, aphakmek axta m'a yókxexma Nod, ekpayho nak ekteyapmakxa ekhem teyp Edén.

1 Reyes 4:12

keñe axta Baaná, Ahilud apketche m'a ekpayho nak Taanac, Meguido tén han ma'a ekyókxoho nak Bet-seán, ekyetnama nak ma'a ekpayho nak Saretán, ekpayho nak nepyeyam ma'a Jezreel, eyeynamo m'a Bet-seán ekweykekxoho m'a Abel-meholá, teyp nak ma'a Jocmeam;

2 Reyes 23:29

Apmeyeykekxeyk axta wátsam Éufrates faraón Necao, wesse' apwányam nak Egipto, cham'a apyennaqtamakxa axta, yaqwayam enxoho epásegwakxak ma'a wesse' apwányam nak Asiria. Aptahanya'ak axta nahan náxet ámay ma'a wesse' apwányam Josías; xama axta apwet'a Necao ma'a ekpayho nak Meguido, apchaqhak axta.

2 Crónicas 35:22

Axta eyke etaqhegwokmok ma'a Josías, apkelenxanakmek axta aqsa elnapakpok ma'a, axta elyahákxak aptáhakxa apchésso m'a Necao, amya'a eñama axta Dios. Apchampakha'ak axta ekyapwátegweykenxa nak xóp ma'a Meguido,

Salmos 44:12

meyke ekmomnáwa agko' apkexakhák énxet'ák apagkok, méko han aqsok ekwetassama eñama apkexakha.

Josué 12:21

wesse' nak ma'a Taanac, wesse' nak ma'a Meguido,

Josué 17:11

Apkelxawáyak axta han Manasés tegma apkelyawe apheykegko axta m'a Isacar xapop apagkok, tén han Aser, yetlo chá'a m'a tegma apketkók aphéyak nak nepyáwa', cham'a: Bet-seán, Ibleam, Dor, Endor, Taanac tén han ma'a Meguido, keñe han ma'a ántánxo egkexe nak.

Jueces 1:27

Mopwanchek axta apmáheyo elántekkesek Manasés énxet'ák apagkok, ektáha axta apheykha m'a tegma apwányam Bet-seán, Taanac, Dor, Ibleam tén han Meguido, tén han ma'a apheykencha'a axta m'a tegma apketkók keto' axta m'a tegma apkelyawe nak, apheykha axta aqsa makham cananeos ma'a.

Jueces 4:13

yetlókok axta apcháncheseykekxa novecientos yátnáxeg apkelyenyawasso apagkok sawo émpe'ék, keñe han ma'a apyókxoho sẽlpextétamo apagkok, apkelyetlókek axta han apkelxega apkeleñama m'a Haróset-goím, ekweykmoho m'a alwáta' nak Quisón.

Jueces 5:30

‘Aqsok kexa apmelasseykpok apkelma neyseksa kempakhakma. Apmelasseykpek kexa xama essenhan ánet kelán'a chá'a xama kempakhakma yáp; keñe xa Sísara apkelxaka apáwa apkeltaqmalma nak apkeltáxama: xama essenhan apqánet chá'a m'a kélótma nak chá'a ekxámokma aptáxama, yaqwayam kólchexenchesek apyespok ma'a apmallane nak.