Jueces 5:17 - Biblia Enxet

¹⁷ “Axta apkekhegwa'ak énxet'ák Galaad ma'a neyp nak wátsam Jordán; keñe axta énxet'ák Dan apháncha'a aqsa m'a ekhágkaxa axta yántakpayhe, keñe axta Aser énxet'ák apagkok apháncha'a m'a neyáwa wátsam. Apháha axta aqsa m'a ekheykegkaxa nak yántakpayhe;

Jueces 5:17 ပူးပေါင်းရင်းမြစ်များ

Génesis 35:25

Keñe axta Bilhá étchek, Raquel axta éláneykha, apwetasso axta m'a Jacob: Dan tén han Neftalí;

Amós 4:3

Kóléwekxak sa' kólántépok ma'a ekyagqaxe nak kélhaxtegkesso tegma, sa' kólchexakhagwók ma'a egkexe Hermón nak.” Wesse' egegkok apxeyenma xa.

Josué 13:25

Axta payhémók apkelxawáya m'a tegma apwányam nak Jazer, keñe han ma'a apyókxoho tegma apkelyawe nak Galaad, náxet xapop apagkok axta m'a amonitas, ekweykekxoho m'a tegma apwányam nak Aroer, apyetnama axta m'a ekpayho nak Rabá,

Josué 13:31

náxet yókxexma axta m'a Galaad, keñe han ma'a tegma apkelyawe nak Astarot, tén han ma'a Edrei. Nápakha Maquir aptawán'ák neptámen axta apkelxaweykegkok xa apyókxoho nak, apketche axta m'a Manasés, apwánxa axta chá'a apxámokma m'a apnámakkok.

Josué 22:9

Cháxa ektáhakxa axta apkeltaqháwo Rubén énxet'ák apagkok, tén han ma'a Gad, keñe han ma'a nápakha nak Manasés énxet'ák apagkok, apkexeykxo m'a nápakha nak énxet'ák Israel, apheykha axta m'a Siló, cham'a yókxexma nak Canaán, apkeltaqháwok axta makham apkelmeyákxo m'a yókxexma Galaad, cham'a xapop apmomakxa axta, apkeltémókxa axta emok ma'a Wesse' egegkok, apchásenneykekxo axta m'a Moisés.