Jueces 4:19 - Biblia Enxet

¹⁹ keñe axta Sísara apkelmaxneya yegmen, hakte hem axta chaqhak. Lekkessek axta átog xama yempehek ekyátamo axta chá'a weyke nagkeygmenek, keñe eyágko; tén axta eyápeykxo makham.

Jueces 4:19 ပူးပေါင်းရင်းမြစ်များ

Génesis 24:43

éltamhók ko'o kaxwók katnehek se'e, sekha nak nekha yámelchet: yekwa'akteyk sa' agkok yegmen xama kelán'a étkok, sektáha enxoho wának se'e: Heyák hana ko'óxa ketsék yegmen xa yátegwáxwa agkok nak,

1 Reyes 17:10

Apxegkek axta Elías apmahágko m'a Sarepta. Apwomók axta aqsa m'a nentaxnamakxa nak tegma apwányam, apwet'a xama kelán'a tampe' ekyekhámencha'a yántapák. Apwóneyha axta, keñe aptáha apcháneya s'e: —Heyekwés hana yegmen yaqwayam eynek ko'o.

Isaías 41:17

“Aptegyágkek yegmen ma'a énxet'ák meyke nak aqsok apagkok tén han ma'a apmopyóseka nak chá'a, makke elwet'ak. Kelyamakak apaxkok élnapma ekhem; apasmok sa' eyke ko'o, ko'o sektáha nak Wesse', makxayhek sa' chá'a, ko'o sektáha nak Israel Dios apagkok.

Jueces 4:18

kelañexágkek axta ekma takha', keñe ektáha eyáneya s'e: —Exegma', emyenta s'e wesse' ahagkok; nágkatneykha apwáxok. Aptaxneyk axta Sísara m'a kañe' ekpakxanma, tén axta ekpósa eyaqlasa xama yát'apáwa m'a Jael;

Jueces 4:20

Aptáhak axta Sísara apcháneya s'e: —Katnamha sa' aqsa xa átog nak ekpakxanma, apwa'ak sa' agkok xama énxet, tén han apkelmaxneyáncha'a enxoho, yetnéya énxet se'e kañe' nak, kaltennaksek sa' méko.

Jueces 5:24

“¡Éleñémo sa' katnehek neyseksa kelán'ák ma'a Jael, aptáwa' nak ma'a Héber, apteme nak quenita! ¡Éleñémo sa' katnehek neyseksa m'a kelán'ák ekheykha nak apkelpakxeneykegkaxa!