Jueces 4:15 - Biblia Enxet

¹⁵ axta elya'assásegkok aptamhágkaxa Wesse' egegkok ma'a apkelchánte nak yátnáxeg apkelyenyawasso, tén han sẽlpextétamo apagkok axta m'a Sísara, apkelyegwakkásawók apagko' axta apkelnápekpo sókwenaqte m'a Barac; wokmók axta han aptepa yátnáxeg apyenyawasso apchánte m'a Sísara, keñe apkenyaha náxop.

Jueces 4:15 ပူးပေါင်းရင်းမြစ်များ

2 Reyes 7:6

Hakte Wesse' egegkok axta apteméssesso m'a sẽlpextétamo nak Siria, yaqwayam ellegak ektémól'a kalxegmak ekxámokma yátnáxeg apkelyenyawasso apkenchesso nak kempakhakma, keñe han yátnáxeg apkelchánte, tén han ma'a ektémól'a sẽlpextétamo apxámokma elxegma'; apkeneykek axta eláneyáha yaqwayam epasmok wesse' apwányam Israel ma'a apkelwesse'e apkelwányam apagkok nak hititas, tén han ma'a apkelwesse'e apkelwányam apagkok nak egipcios, yaqwayam ektamagkok ma'a sirios.

Deuteronomio 7:23

Dios Wesse' kélagkok sa' eyke egkések kéxegke yaqwayam kólmok xa énxet'ák nak, kóltaqmelchesagkohok sa' aqsa kólsáwak ekwokmoho apsawheykpoho apagko' ma'a apyókxoho nak.

Josué 10:10

Wesse' egegkok axta apmeyásak ekyawe agko' apkelyegwakto amorreos apkelwet'a m'a énxet'ák nak Israel. Axta keñamak apkelnapa apxámokma apagko' énxet'ák Josué m'a Gabaón nak. Keñe axta apmenxena han ma'a ámay ekmahéyak nak Bet-horón. Apkelnápegkek axta amorreos ma'a ekweykmoho yókxexma nak Azecá tén han ma'a Maquedá.

1 Samuel 7:10

Axta han epenchásawok apkelane Samuel ma'a aqsok apwatno, apchágketchessa'a filisteos yaqwayam ektámegmak ma'a israelitas; keñe axta Wesse' egegkok apyenyénto éxtegyawà ekyennaqte agko' nepyeseksa, kelyegwakkassek axta, keñe axta apkenyahágko m'a filisteos.