Jueces 21:22 - Biblia Enxet

²² Apkelwa'ak sa' agkok yapmeyk apkelmeyawa enxoho m'a kelán'a étkók, essenhan ma'a kelyapma nak, sa' negko'o antéhek agának se'e: ‘Nágkóltaqnow aqsa m'a énxet'ák nak, kólásekhekxoho sa', hakte mogwanchek axta negko'o negmako agwetaksek kelán'a apyókxoho xa yaqwayam etnahágkok apnaqteyegka'a, némpakha'a axta m'a Jabés. Megkólmeyáseykegkok han kéxegke, naqsók kélyeheykekxoho m'a nentémakxa axta neghéssamo mók nélpaqmeyesma.’”

Jueces 21:22 ပူးပေါင်းရင်းမြစ်များ

Génesis 1:27

Xama axta apkelana Dios énxet, apkelanak axta m'a aphawo nak aptémakxa; apkelanak axta apkenna' tén han kelán'a.

Génesis 7:13

Aptaxneyk axta Noé yántakpayhe xa ekhem nak, yetlo aptáwa' tén han apketchek Sem, Cam, tén han ma'a Jafet, tén han ma'a ántánxo aptánegken'ák nak.

Proverbios 20:25

Asagkek eltennaksek aqsa énxet elának aqsok ma'a Dios meyke sekxók élchetámeykha apwáxok, keñe emáwhok elwátessók ektáhakxa apmésso appeywa.

Jueces 21:1

Naqsók axta apteméssessók apkelpeywa israelitas, cham'a apheykegkaxa axta Mispá, megyohok chá'a kalmagkok apketchek kelwán'ák xama enxoho m'a Benjamín nak énxet'ák apagkok.

Jueces 21:14

Apkelwa'akteyk axta makham ma'a Benjamín énxet'ák apagkok, apkelmeyásegkek axta han israelitas ma'a kelán'a apnaqleykenta axta éleñama m'a yókxexma Jabés. Ántawók agko' axta eyke han ma'a kelán'a, axta kawákxoho'.

Jueces 21:18

Mogwanchek eyke negko'o ólmésagkok egketchek kelwán'ák yaqwayam etnahagkok apnaqteyegka'a m'a, hakte nenxénchek axta negko'o mólmésagkehek egketchek kelwán'ák ma'a Benjamín énxet'ák apagkok, negyókxoho nentáha nak israelitas, hakte ólsexnánéxche katnehek hẽllegássesagkoho'.

Jueces 21:7

¿Háxko sa' anteméssesek agwetaksek apnaqteyegka'a Benjamín énxet'ák apagkok apkeleymomap nak? Naqsók axta nenteméssessók negko'o yetlo nenxeyenma Wesse' egegkok apwesey, móghók kalmagkok egketchek kelwán'ák ma'a énxet'ák nak.