Jueces 20:31 - Biblia Enxet

³¹ Apkelántépeykxeyk axta makham tegma apwányam apagkok ma'a Benjamín énxet'ák, makhawók axta apyenyáwak yaqwayam elnapakpok ma'a israelitas. Apkelnapchek axta han treinta israelitas ma'a ámay ekmahéyak nak Betel tén han Guibeá, keñe han ma'a yókxexma nak,

Jueces 20:31 ပူးပေါင်းရင်းမြစ်များ

Isaías 10:29

apkelyeykhákxeyk ma'a ekyapwate apkelyeykheykekxexa nak chá'a énxet'ák, apkelhakmek sekxók ma'a yókxexma Gueba; kelyegweyxcheyk ma'a Ramá, kenyaháxcheyk ma'a Guibea Saúl tegma apwányam apagkok nak.

Josué 7:5

Aptekyókek axta treinta y seis israelitas; keñe m'a nápakha nak apmenxena eyeynmo m'a átog nak tegma apwányam ekweykmoho m'a kélhexyawassamakxa nak chá'a meteymog, axta apkelnáhápweykxak ma'a ekweyweykentamxa nak xapop. Axta keñamak apkelyelqákpo m'a énxet'ák, massék axta élyenna apkelwáxok.

Josué 8:17

Méko axta xama énxet apkeymomap ma'a tegma apwányam nak Ai, tén han ma'a Betel, apyókxoho axta apkelántépak apmenxena m'a énxet'ák Israel; apyenyókek axta aqsa meyke ekmasma m'a tegma apwányam nak.

Jueces 20:30

keñe axta m'a nápakha nak apkelxega, cham'a ektáhakxa axta ántánxo ekhem, peya elenmexek Benjamín énxet'ák apagkok, apchaqnágwokmek axta m'a ekpayho nak Guibeá yaqwayam yempakha', ekhawo m'a aptamhágkaxa axta m'a sekxók axta.

Jueces 20:32

apkeneykek axta yenyahágkok apmonye'e m'a israelitas, ekhawo m'a ektáhakxa axta sekxók axta apkelwáteságko. Makhawók tegma apwányam axta eyke apkelmahágkok ma'a israelitas, yaqwayam enxoho emenxenek ma'a apkelenmexma, ekweykmoho m'a ámay nak.