Jueces 20:21 - Biblia Enxet

²¹ Apkelántekkek axta eyke tegma apwányam apagkok ma'a Benjamín énxet'ák apagkok apkelanyexakmo, cháxa ekhem nak aptekyawakxa axta veintidós mil israelitas.

Jueces 20:21 ပူးပေါင်းရင်းမြစ်များ

Génesis 49:27

“Aqsok nawhak eklo m'a Benjamín, ektómól'a ekyógkexma axto'o, ekmelásektamól'a taxnám ma'a eyeygwayam.”

2 Crónicas 28:10

Xeyenmék kélwáxok kóltéhek kélásenneykha naqsa m'a énxet'ák Judá, tén han Jerusalén, cham'a apkelennay'a tén han ma'a kelwán'ák nak. ¿Yagkólláneykegkok kéxegkáxa megkólya'assáxma énmexma nak ma'a Dios Wesse' kélagkok?

Salmos 33:16

Mewagkasakpek teyp xama wesse' apwányam eñama apxámokma m'a sẽlpextétamo apagkok, melwagkasakpek han teyp énxet'ák apkelyennaqte, eñama m'a apkelyennaqte apagko' nak;

Salmos 77:19

Apmeykáseykekxeyk axta neyseksa wátsam ekwányam aptámeyeykekxo, apmallanegkek axta ekyawakxa yegmen, méko axta eyke ekwetassama apmenek.

Salmos 78:62

Apméssegkek axta yaqwayam elnápok énxet'ák apagkok ma'a apkelenmexma, hakte apkeltaqnaweykegkók apagko' axta.

Jeremías 12:1

Wesse', élátegmoweyxchek agkok ko'o exchep, xeyep aqsa chá'a kapayhohok aptáhakxa appeywa; peyk eykhe almaxneyha ko'o exchep ektémakxa aqsok sekwete. ¿Yaqsa enxoho ektéma ektaqmalma chá'a ekteyapma aqsok apkelánéyak ma'a élmasagcha'a nak apkeltémakxa? ¿Yaqsa enxoho ektéma megkatnegweykmoho chá'a exma apheykha m'a appelakkassesso nak chá'a elsexnenak apnámakkok?

Oseas 10:9

Aptáhak Wesse' egegkok se'e: “Melwáteseykegkok apkeláneyak melya'assáxma m'a énxet'ák Israel, apcheynamo axta apkeláneyak ma'a Guibeá. ¡Melwáteseykegkok melya'assáxma! Cháxa keñamak ekmáheyo nak káhapwak kempakhakma m'a Guibeá, kay'áwak xa élmasagcha'a nak apkeltémakxa.

Deuteronomio 23:9

“Kélyo'ókmek sa' agkok chá'a kéxegke kempakhakma kólempakhak ma'a kélenmexma nak, nágkóllána chá'a xama enxoho m'a aqsok ényetséssamo nak chá'a egyempehek, cham'a kélpakxenwánxa enxoho chá'a.

Jueces 20:20

Apkelxegkek axta apyo'ókmo Benjamín énxet'ák apagkok, apchaqnágwokmek axta m'a ekpayho nak Guibeá yaqwayam yempakha'.

Jueces 20:22

Axta keñamak apkelmeyákxo israelitas ma'a Betel, peya ellekxagwaha nápaqtók Wesse' egegkok ekwokmoho ekyáqtésa, keñe axta apkelpaqhetchásekpoho apkelmaxneya, apwanchek kexa ektamagkokxak makham ma'a Benjamín énxet'ák apagkok, cham'a appeywomo xamo' nak. Apkelyennákxók axta makham, hakte apkeltamhók axta ektámegkokxak ma'a Wesse' egegkok, keñe axta mók ekhem, peya yempakhekxak makham ma'a Benjamín énxet'ák apagkok, cham'a apkelnápékpexa axta han ma'a sekxók axta.

Jueces 20:25

Apkelanyexánteyk axta eyke makham apketámento Benjamín énxet'ák apagkok apkeleñama m'a Guibeá, apkelnápekxeyk axta makham dieciocho mil sẽlpextétamo israelitas.