Jueces 19:17 - Biblia Enxet

¹⁷ Xama axta apwet'a ekheykha kelaphope m'a apheykegkaxa axta chá'a énxet elweynchamha, aptáhak axta apkelmaxneyáncha'a s'e: —¿Háxko kéleñamakxa'? ¿Háxko peyk kólmahagkok?

Jueces 19:17 ပူးပေါင်းရင်းမြစ်များ

Génesis 16:8

Aptáhak axta apkelmaxneyáncha'a s'e: —Agar, Sarai nak eyásenneykha, ¿háxko éñamakxa? ¿Háxko ekmahágkaxa? —Wesse' ahagkok Sarai ko'o ekyexánegkásak —axta entáhak eyátegmowágko.

Génesis 32:17

Tén axta aptáha apcháneya apmonye' apxega axta s'e: —Aptahanya'ak sa' agkok ma'a eyapma Esaú, apkelmaxneyáha sa' agkok yaqsa wesse' apagkok, háxko apmahágkaxa, yaqsa eknaqtósso xa kélpakhégko nak,

2 Samuel 12:4

Xama ekhem axta aptáha meyk'a énxet apkeñama mók nekha m'a énxet ekxákma axta aqsok apagkok; keñe axta memako yaqhássesek xama nepkések aptósso m'a meyk'a apagkok, tén han weyke yaqwayam yahanchesek, apyementagwokmek axta aqsa nepkések apketkok aptósso m'a énxet meyke axta aqsok apagkok, aphanchessek axta yaqwayam yagkok ma'a apwayam axta apxagkok.

Isaías 33:8

Meyke xama aqsok kaxwók tamhákxak ma'a ámay, méko kaxwók élpéwo m'a. Megkalanamáxchek ma'a ekhémo mók nélpaqhetchásamáxkoho tén han ma'a aphéssamo axta mók apkelpaqmeyesma m'a énxet; méko xama énxet enxoho megkólwanyémo.

Jeremías 14:8

Xép, apkelhaxanma nak chá'a énxet'ák Israel, sẽlwagkasso nak chá'a teyp ekwa'a enxoho ekhem ekmaso negheykha, ¿yaqsa ektéma aptéma máxa apkeñama mók nekha s'e negyeseksa nak negko'o, aptémól'a m'a énxet apxegál'a, aphayam la'a sekxók yaqwayam etyenek axta'a?

Jueces 19:16

Yáqtéssek axta, apyeykhágwa'akteyk axta xama kelaphope apkeñékto aptamheykegkaxa'. Egkexe Efraín axta apkeñamak xa kelaphope nak, aphegkek axta m'a, máxa axta aptemék ma'a énxet apkeñama mók nekha, hakte Benjamín énxet'ák apagkok axta m'a apheykencha'a axta Guibeá.

Jueces 19:18

Apchátegmowágkek axta levita: —Yaqwatakxoho negko'o negháha s'e. Néleñamak negko'o m'a Belén, cham'a Judá, peyk ólmahagkok ma'a makhawók agko' nak egkexe Efraín, sekhamakxa nak ko'o. Axta ekheykmok sekxók ko'o m'a Belén, keñe sekmeyákxo makham exagkok, méko eyke xama énxet enxoho segkésso yaqwánxa atyenek se'e.