Jueces 18:3 - Biblia Enxet

³ Apchágketchessekmek axta apxagkok Micaías, apyekpelchawók axta appeywa m'a wokma'ák levita, keñe axta apkelyo'ókmo aptáha apkelmaxneyáncha'a s'e: —¿Yaqsa axta ekyentamayam se'e? ¿Yaqsa ektéma aphaya s'e yókxexma nak? ¿Yaqsa aptegyeykencha'a?

Jueces 18:3 ပူးပေါင်းရင်းမြစ်များ

Génesis 27:22

Apyepetchegwokmók axta apyáp ma'a Jacob yaqwayam enxoho epaknegwomho'. Keñe axta Isaac aptáha s'e: “Hawo nak appeywa Jacob, keñe ekhawo apaktegák ma'a Esaú.”

Isaías 22:16

“¿Yaqsa apkelánéya exchep se'e? ¿Yaqsa ekmésso yaqwayam yának kalanaxchek xama takhaxpop se'e? ¿Yaqsa éltémo yának kóllánegwók xama sẽlátawanyamakxa m'a néten nak? ¿Yaqsa éltémo yának kólmétawók meteymog ma'a néllókassamakxa nak chá'a nélyampe?

Jueces 12:6

kólának axta chá'a etnehek epaqmétek se'e: “Shibolet”. Aptemék axta agkok chá'a “Sibolet”, hakte mopwanchek etnehek exének xa ektáha nak, emakpok axta chá'a, keñe emátog, cham'a nekha nak chá'a apkelyeykheykekxexa énxet'ák ma'a Jordán. Cháxa ekhem nak aptekyawakxa axta cuarenta y dos mil Efraín énxet'ák apagkok.

Jueces 18:2

Axta keñamak Dan apkeláphassama cinco énxet'ák apagkok megyeye nak elmahagkok eyesagkexa apkeleñama m'a Sorá tén han Estaol, yaqwayam enxoho elanok yókxexma. Cháxa cinco apkelányo yókxexma nak, apkelmahágkek axta m'a egkexe nak Efraín, keñe apkelwokmo m'a Micaías apxagkok. Axta apnaqteyenwokmok han axta'a m'a.

Jueces 18:4

Apkeltennáseyha axta levita aptémakxa appeywa apkeláneya m'a Micaías, tén han aptémakxa apkeltémo etnehek apkelmaxnéssesso énxet'ák apagkok.