Jueces 17:2 - Biblia Enxet

^2-3 aptáhak axta apcháneya egken se'e: —Ekleg'ak axta ko'o kélmenyexchesa mil cien sawok selyaqye aktek élmope, tén han ekyemnéncha'a m'a ektáha nak apmenyexma, ko'o ekmáha xa selyaqye nak. Ko'o axta ekmenyexchásak; almeyásekxak sa' eyke makham, hakte ekleg'ak xeyk ko'o ekxéna ekpagkanchesso Wesse' egegkok, yaqwayam kának kalanaxchek xama aqsok kéleykmássesso kélyepetchesso nak émpehek sawo ekmope ekmomnáwa. Apkelmeyásekxeyk axta makham ma'a selyaqye. Tén axta egken ektáha s'e: —¡Wesse' egegkok sa' epasmok, hatte seyásekhayo!

Jueces 17:2 ပူးပေါင်းရင်းမြစ်များ

Génesis 14:19

Axta aptáhak appeywa apkelmaxnéssesa aqsok éltaqmela Abram se'e: “Dios meyke ekhémo sa' epasmok xép, apkelane nak néten tén han keso náxop;

Nehemías 13:25

Élpaqhetchessegkek axta ko'o ekyennaqte, tén axta séltémo kaltemégwomhok exma ekmaso. Nápakha axta han chá'a élnápeykha, tén han seyápetchessama chá'a apwa'ák, keñe axta séltémo etnéssesek naqsók apkelpeywa nápaqto' Dios megyohok chá'a kalmagkok apketchek kelwán'ák tén han apkelennay'a m'a megkatnaha nak appeywomo xamo', tén han megyohok etnahagkok apnaqteyegka'a apketchek apkelennay'a m'a kelán'ák nak, tén han xa énxet'ák nak. Axta ekteme han sélanagkama s'e:

Salmos 10:3

Kaltaqmalmakha chá'a apkelpeywa elxénmakha élmámenyého apkelwáxok ma'a élmasagcha'a nak apkeltémakxa; elwanyaha eyke chá'a Wesse' egegkok ma'a apkelmopmenyého nak exámasagkok aqsok apagkok, exénmakha chá'a ekmaso.

Éxodo 20:7

“Ná etwasha apmeykha apwesey Dios Wesse' apagkok, hakte meyenyekxék aqsa nahan meyke apkelyekpexchetma m'a ektáha enxoho aptawássáseykha apmeykha m'a apwesey.

Proverbios 28:24

Énxet apmenyexma m'a apkelmenyexchesso nak chá'a aqsok ma'a apyáp tén han ma'a egken, keñe exénmakha chá'a melane mey'assáxma.

Jeremías 48:10

(¡Aptaqnómap sa' etnehek énxet melane nak aptamheykha apmésso m'a Wesse' egegkok! ¡Aptaqnómap sa' etnehek énxet memáheyo nak yaqhek pók neyseksa kempakhakma!)

Deuteronomio 27:16

‘Exkak sa' Dios aplo apwañeykha nak chá'a m'a apyáp tén han ma'a egken.’ Apyókxoho énxet sa' etnehek apkelpeywa s'e: ‘Katnahagkok sa'.’

Jueces 17:1

Aphegkek axta xama énxet ma'a egkexe nak Efraín apwesey axta Micaías,

Jueces 5:23

Keñe axta Wesse' egegkok apchásenneykha aptáha appeywa s'e: ‘¡Káhapwak sa' xama aqsok ekmaso agko' ma'a énxet'ák apheykha nak Meroz!’ Hakte axta elye'eykekták yaqwayam epasmok ma'a Wesse' egegkok, aptamheykegko nak ma'a énxet'ák apkelyennaqte nak.

Rut 3:10

—¡Wesse' egegkok sa' epasmok! —axta aptáhak apcháneya Booz—. Yeykhágwokmók agko' nak la'a exche' ekwetamaxche ektaqmalma ektáhakxa élane aqsok eñama megkayenseyam ekxéneykha awáxok ma'a atáwa' axta. Tásek axta eykhel'a kategyaha exche' pók énxet apketkok enxoho, maxnawo nak ko'o, meyke nak aqsok apagkok, essenhan ma'a ekxámokma nak aqsok apagkok, makke exche' katneyk —axta aptáhak apcháneya.

1 Samuel 14:24

Massék axta apkelyenna énxet'ák Israel xa ekhem nak, hakte axta etókagkok aptéyak xama enxoho, hakte naqsók axta aptáha appeywa Saúl se'e: “Kóllegássesagkohok sa' énxet ektáha enxoho apto xama aqsok ma'a megkayáqtésa enxoho makham, mayaqmagkásekxexa enxoho ko'o makham setnéssessamakxa m'a sélenmexma.”

1 Samuel 14:28

Tén axta aptáha apcháneya xama sẽlpextétamo israelitas se'e: —Apméssek xeyk appeywa ekmámnaqsoho sẽlpextétamo m'a apyáp, apxéna kóllegássesagkohok ektáha enxoho ekto xama aqsok se'e sakhem nak. Cháxa keñamak ekmassa agko' nak apkelyenna énxet'ák.

1 Samuel 15:13

Tén axta Samuel apmahágko m'a aphakxa axta Saúl, keñe axta Saúl aptáha apcháneya s'e: —Wesse' egegkok sa' epasmok. Élanak ko'o m'a apkeltémókxa axta alának Wesse' egegkok.

1 Samuel 23:21

Axta aptáhak apkeláneya Saúl se'e: —¡Dios sa' epasmok kéxegke eñama ektaqmeleykha kélwáxok séllányo ko'o!

1 Samuel 26:19

Éltamhók ko'o yeyxhok sekpeywa, wesse', sektáha nak apkeláneykha: Wesse' egegkok sa' agkok sénmexcháseykekxa ko'o exchep, wesse', emok sa' takha' aqsok apmésso naqsa; énxet sa' agkok ma'a, Wesse' egegkok sa' eltaqnaweygkok. Hakte etekkessegkek ko'o s'e yókxexma nak, ektáha nak apagkok ma'a Wesse' egegkok, eyáteyeykegkok alpeykeshok ma'a mók aqsok kéláyókxa nak.