Jueces 16:28 - Biblia Enxet

²⁸ Tén axta Sansón apwóneyncha'a Wesse' egegkok. Aptáhak axta apcháneya s'e: “Wesse' egegkok, éltamhók eykhe kaxénwakxohok sekxók makham apwáxok ko'o, hegkeyásekxa makham sekyennaqte, yaqwayam enxoho axnéssekxohok ko'o mók setnéssesakxa filisteos apkelhaxyawasa ahaqta'ák.”

Jueces 16:28 ပူးပေါင်းရင်းမြစ်များ

2 Crónicas 20:12

Dios egagkok, ¡ellegássesagkoho sa' xa énxet'ák nak! Hakte méko negko'o nélyennaqte yaqwayam ólenmexek xa sẽlpextétamo apxámokma segketamakmo nak. ¡Magya'ásegkok yaqwánxa antéhek; la'a nélenmexákxoho nak aphakxa exchep!”

Salmos 10:12

¡Wesse', yempekxa néten, ellegássesagkoho! ¡Nágkalwánaqma m'a énxet'ák kélyentaxnéssesso nak apheykha!

Salmos 116:4

Keñe axta sekwóneykencha'a Wesse' egegkok, élmaxnagkamchek axta séltémo hewagkasek teyp.

Salmos 143:12

Emasséssem sélenmexma, hakte xép apteme meheyenyaweykha, ¡emasséssem apyókxoho sélenmexma, hakte ko'o sekteme exchep apkeláneykha!

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Salmos 91:15

Ewóneyha sa' agkok chá'a, wátegmowagkok sa'; ¡ko'o ahagko' sa' han axek xamók ma'a! Amallahanchesek sa' ekyentaxno apha, ayánchesseshok sa' sekmésso apteme ekha kéláyo;

Jeremías 15:15

Wesse', xép apya'áseykegkoho nak ekyókxoho aqsok, ¡kaxénwakxoho apwáxok ko'o, hepásegwata'! ¡Heyaqmagkassásekxa ko'o mók setnéssessamakxa m'a énxet'ák setwáseykegkoho nak chá'a! Nágyoho aqsa ko'o heyaqhek xa énxet'ák nak, eñama m'a ektémakxa nak xép mepekhésamap; xeyep keñamak sélyamatcháseykencha'a chá'a.

Jonás 2:7

Wesse', xama axta peya kamaskok sekyennaqte, tén ekxéna ewáxok xép; wokmek axta sélmaxnagko m'a tegma appagkanamap apagkok aptaqmalma nak, cham'a aphamakxa nak xép.

Jueces 15:18

Apwóneyha axta Wesse' egegkok ma'a Sansón, hakte hem agko' axta entáhak. Axta aptáhak apcháneya s'e: “¡Egkéssek xép ekyawe agko' sekmallanma! ¿Péya yohok aqsa watsapok hem seyaqhe, tén han hemok se'e énxet'ák melya'áseyak nak Dios?”

Jueces 16:27

Apyókxoho apkelámha apmonye'e filisteos axta apháha m'a tegma apyawe nak, aplanawókxa axta énxet tén han kelán'ák. Tres mil énxet axta han apháha m'a néten apkelánencha'a aptáhakxa aptawásegkoho apkesmésa chá'a m'a Sansón.

Jueces 16:29

Tén axta apkelchetagkasa apmék ma'a ánet élámha nak neyseksa, ekméyak axta m'a apyókxoho nak tegma apyawe, apkelmágwokmek axta m'a élámha nak,

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.